(( سجل حضورك في بيت شعري ))

[طويشم]

قمة الحزن أن تعشق شخصا ليس لك

وقمة التحدي عندما تبتسم والدمع في عينيك

[بحر الاخوه]

هم يحسبون المسأله كلها سلك
اذا انقطع تقطع معاه المسالك
ولا دروا اني بالاحساس ابادلك
مو شرط اشوفك واسألك كيف حالك
احس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
ان جا مجالك ولا ما جا مجالك
تدري وش اللي بس يقطع تواصلك؟
الموت بس الموت يقطع وصالك؟؟

[كلمة حق]

تجحد عيوني دمعهـا لاتباكـن

لو داخلي أنووح نوح الحمامـه

وش عاد لو قيفان شعري تحاكن

لاشك مابي غير درب السلامـه

ألوم نفسي بعض الاحيان لكـن

شموخها يمنع هجووم الملامـه!!

[كلمة حق]

أدلّه البال بين الضيق والشدّه

الوقت دوّار .. والأعمار محدوده..

لو كل واحد يجي ودّه على ودّه

ماطال صبر العقيم لشوف مولوده.. !!

راعي القناعه ليا من الزمن حدّه

يرضى بحظ ٍ ذخر جوده وماجوده..

يابيض الأحلام لاتمسين مسودّه

بشايرك في نواصي الخير معقوده..

[كلمة حق]

عزله عن العالم .. و حزن .. و مصاليب

دمع و سكوت و قطع وصل و تجافـي

شف رجفة كفوفي على طـارة الجيـب

تنبيك عـن رجـف الضلـوع الروافـي

في كل مره تشرق الشمـس و تغيـب

و انا على وضعي .. جفافـي جفافـي

إن شفت بوجيه العـرب لـي تراحيـب

ما شفت بقلوب العـرب لـي مصافـي

بعيونهـم كلـي عيـوب و عـذاريـب

و أصدق عذاريبي .. سبـب لاختلافـي

إن جيت أغنّي يقصر القاف .. و يشيـب

و ان جيت انام الليل .. يقصـر لحافـي

و ان جيت أسولف للجروح المعاطيـب

أعطبـت فينـي كـل جـرح متعافـي

ضاق الحشا .. و الصمت يحتاج ترتيب

و انا علـى صمتـي كتبـت إعترافـي

الأرض مالت .. و الفضا وضعه مريـب

و أربع جهات الكون .. سجن و منافـي

أكتب و لا ادري ويـن أودي المكاتيـب

الموت قدامـي .. و عمـري خلافـي

[شَ ـآعُ ـٌر ٍ مُـً ِش‘ـًآعٌ َـْر ِ]

لـ أنكسر عظم المحارب وآلتوت أيد الشجآآع

وآنكسر سيفه في يده وأصبح بحآلة ركوووع ..

....

بوحي ..

[كلمة حق]

ينجرح قلب .. لكن ترتفع هامه ..
والله اني لاموت ولا ينحني راسي ..
واسمع الحلم يصرخ لحظة اعدامه ..
رابط الجاش .. ماهز الخبر باسي ..
عزتي غالية والناس سوامه ..
قلت ماابيع حتى تقطع انفاسي ..

[شَ ـآعُ ـٌر ٍ مُـً ِش‘ـًآعٌ َـْر ِ]

ياشين نكبات الزمن جا فجعه

وربي مدري من وين الاقيها


صدق من قال ياقو صدمات بقعه

يعلم الله اني بالحيل طححت فيها

......

بوحي

[عَذْبَھْہّ]

قولي : تحبيني كثير ..؟!
طيب ..بلاااااش ..
قولي تشوفيني كبير..ْ ؟!
طيب بلاش ..
قولي أحب ابقى معك ..
أبغى اسمعك
أبغى اتعبك ..
والعّبك ..
وأقول يا اااااا قلبه طفلْ ..! مابه خجل ..
معجون من طين الغزلْ ..!

[عَذْبَھْہّ]

من يقنعني أنّ الحُب ذنباً
لأقضي ماتبقى من عمري إستغفارا!


من يقول لي إنّ الحُب مطراً

لأقول : [ يااااااارب حُبْ رضـا .. لا حُب سخط ] !