ون قلبي

[سعود العواد]

ون قلبي

ون قلبي وعيني ان زعج ماها
والسبب خشف ريم من فتن فيها

وقفت في طريقي وقطت أغطاها
قطته بالعمد عيني تراعيها

أشرت وأرفعت كرت أبيمناها
وهدته لي هديه قبل أحاكيها

أكتبت داخله عنوان سكناها
وحرصت بالزياره في لياليها

واكبر فرحتي يوم جيت وياها
حدثتني مدى الفرحه في أهاليها

أحسدك ياسعود في اللي تمناها
أشهد أنك سعيد الحظ لاميها

من بعيد ان فتح قلبي وحياها
أشغف القلب حب اللي أمغاليها

خدها نور ونجم الليل غطاها
حتى نور القمر ماتكور فيها

عينها عين حوريه تحلاها
والمظاليل سوداء من يصاليها

زينها لامشت خفه في موطاها
والحمايم تقلد في خطاويها

والجدايل نعايم فوق طواها
عطرها المسك ودهن العود راويها

والمباسم نعيمات عسل ماها
والثنايا برد ربي امسويها

والصدر بالوصف ميدان مرماها
به اثنين اله العرش مبديها

نحرها نحر وحشيه ابمعناها
من سمع وصفها غالي ابيشريها

يشهد الله عليه لادفع ارضاها
لو توصل حياتي كنت فاديها

هي حياتي وروحي بين يمناها
المحبه قويه في معانيها

في المحبه دلايل صايب داها
قبلنا نواهوا والكتب ترويها

المحبه صعيبه شوك ممشاها
الفرج في الصبر قاسي بلاويها

لذة الحب بعد المر تلقاها
من تعب يحصد اللذه ويجنيها

لقمة الذل مااتلذذ رعاياها
بالعرق تأكل الدسمه وتشريها

الشاعر- سعود بن احمد العواد