|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
02-14-2009, 09:22 PM
|
#1 | ||||||||
 
|
ياشين الحبسة ياجماعة
يوم الربوع بالليل كنت في الإستراحة مع الشباب كانوا يلعبون بلوت ومنهم من يبي يلعب بلايستيشن وأنا مالي في هذه اللعبة ولا تلك لذا توجهت للغرفة الثانية عشان أكمل الفيلم بعيد الإزعاج لكن الإزعاج والصياح واصل عندي قمت سكرت الباب والحمد لله الصوت راح كثييييييييييير جلست أشاهد الفيلم بهدووووووووووووووء أنتهى الفيلم بعد ثلاث ساعات تقريبا الفيلم طويل واللي زاده طول الدعايات الكثيرة والطويلة مو هذا المهم لأني وجدت الباب مقفل بالمفتاح أنادي الشباب مافيه أحد أفتح النافذة ما القى أي شخص في الإستراحة ناديت وناديت وناديت وناديت ولا أحد يرد لا أحد من الشباب ولا الهندي حارس الإستراحة قلت أكيد مزحة وبيطلعون بعد شوي وهم يتضاحكون لكن خلني على هدوء الأعصاب وأرجع أشوف التلفزيون مرت ساعة وثلاث وثمان ومافيه أحد جوالي أسمعه يرن ويرن لكن ما أقدر أرد الجوال في الغرفة الثانية يشحن وش هالبلشة هذه ؟ أذن الفجر ،،، طلعت الشمس ،،، كبس النوم بدأ الضجر ،،، هنا من أمس ،،، وبعد اليوم نمت وجلست الظهر قلت يمكن الهندي جاء لا والله للحين ماجاء الباب مقفل ومايرد على صوتي أعوذ بالله وش اللي صار ؟ جوالي يرن ويرن ويرن وفخاطري أقول : عاد هالشباب يدقون علي وما أرد ما أحد يتفقدني وين أنا فيه العصر دخل وطلع والشمس غابت وليّلت الدنيا وأنا في هالغرفة ماغير تلفزيون وفواكه وحليب السعودية وماي أكيد عقب العشاء بيجون ما أحد جاء لا الشباب ولا الهندي وبعدييييييييييييييين شالسالفة ؟ ،، المشكلة هالجوال مو راضي يسكت عـدت الساعة 12 ولا أحـد ظهر ، راح أكثر الليل وقرب يذن الفجر أذن ومن بعد الأذان طلعت الشمس ووصلت الساعة 9 ونص إلا هذاك الشخص اللي يدخل ناديته بصوت عالي إلتفت يمين ويسار مالقى أحد النافذة فيها زجاج عاكس ، فتحتها وطلبت منه أنه يفتح الغرفة قال لي والله المفتاح مو عندي عن الهندي وقلت له على اللي صار ، أبو الشباب قام يضحك ويضحك ويضحك وهاتك إتصال على البقية يعلمهم ويقول لهم السالفة طيب يااااااااخي كلم الهندي خله يجي يقول لي أبــــــــــــــــــــــــداَ لازم الشباب يجون ويشوفون بعيونهم بدوا يهلون ويجون والضحك واصل برج الفيصيلة دوروا الهندي وجابوه الماخوذ كان نايم عند ربعه ربي ياخذه كنا معزومين عند ناس وأبو الشباب الهندي لقاها فرصة راح يشوف أفلام هندية عند ربعة ونام هناك ومادرى أنه سوى فيني فيلم هندي على مستوى الشباب لعبوا وطلعوا الكل يحسبني رحت قبلهم الهندي على عجل قفل ورى الشباب وراح وأنا ياغافل لك الله ليلتين ويوم في هالإستراحة وهم يوم أني ماجيت العزومة يتصلون علي كل شوي حتى أهلي يكلمون وربعي اللي بالعيون وأولهم سعادة المدير باشا طبعا اليوم الصبح صرت مضحكة اللي في العمل كلهم السعوديين والأجانب وحسبي الله ونعم الوكيل |
||||||||
|
|
|
02-14-2009, 09:41 PM
|
#3 | ||||||||
|
الفطور كان تفاحة وبرتقالة وموزة وعلبة حليب سعودية
العشاء أخلط الفواكة بعد التقشير والتقطيع مع الحليب النقنقة عبارة عن مرة تفاحة ومرة موزة ومرة كيوي ومرة برتقالة وأثناء مشاهدة التلفزيون أتسلى بالعنب |
||||||||
|
|
|
|
02-14-2009, 10:12 PM
|
#5 | ||||
 
|
يا حرااااااااااااام يا بو طلال عشت معك
لا وبعد حسيت فيك كأني انا اللي في مكانك هذا الدنيا معليه وبعدين ليه يا خذونك مضحكه قل لهم انك كنت تعطي نفسك درس على التحمل تعيش وتاخذ غيرها يا بو طلال |
||||
|
|
|
|
02-14-2009, 10:31 PM
|
#6 | ||||
|
هههههههههههههههههههههههههههه
هههههههههههههههههه تقطعت مصراني من الضحـــــك >>>اللهم لاشماتــــــــــــه بس مثل ماقالت ليدي الحمدلله على سلامتــــــك بس تصدق انك انســـــــــان شجـــــــــاع <<<غصب عنــــــــه ههههههههههههه ربي يسعـدك ويبسطك ،،ويخليك يا بو طلال واهم شي سلامتك ،،ولاعاد تتعودها تجلس لحالك ،،خل يجلس معاك احد من الشله ويسلموووو على هالمشاركه المحزنه الطريفه |
||||
|
|
|
|
02-14-2009, 10:50 PM
|
#7 | |||||||
|
يممممممممممممممممممممممممممممممه
وقسم لاموت اذا صار علي مثل الي صار عليك انا اقراء وكلي ألم من الي صار صدق حطيت نفسي مكانك طلعت عنوني من مكانها الله لايحطنا بهالموقف بعدين تعال هذا المفروض تحطه بقسم المأساة والحزن المووووووووووووووووووهيييييييييييييم انك طلعت من هالحبسة بالسلامة وتعيش وتاخذ غيرها بس مرة ثانية يبغالك تسوي نسخه لكل باب في الاستراحة وتحطهم مع مفتاح السيارة خخخخخخخخخخخخخخخخخخخخ الحمدلله على السلامة وغدى الشر ياأبو طلال |
|||||||
|
|
|
|
02-14-2009, 11:25 PM
|
#9 | ||||||||||||
 
|
لكن الإزعاج والصياح واصل عندي قمت سكرت الباب والحمد لله الصوت راح كثييييييييييير جلست أشاهد الفيلم بهدووووووووووووووء مشاهده ممتعه ماتدري وش وراء هالمشاهده حدث مزعج أفتح النافذة ما القى أي شخص في الإستراحة ناديت وناديت وناديت وناديت ولا أحد يرد لا أحد من الشباب ولا الهندي حارس الإستراحة لانك اخذت حالك عنهم بعيد عن الازعاج والصياح وين تبيهم يردون عليك الحين .. قلت أكيد مزحة وبيطلعون بعد شوي وهم يتضاحكون لكن خلني على هدوء الأعصاب وأرجع أشوف التلفزيون مالك الا هالحل وش غيره أجل تراهم يعدون هدوء الاعصاب سمعت كانهم صادقين العصبيه تجيب السكته القلبيه بعيد الشر عنا وعنك وعن الجميع مرت ساعة وثلاث وثمان ومافيه أحد وش هالبلشة هذه ؟ أذن الفجر ،،، طلعت الشمس ،،، كبس النوم بدأ الضجر ،،، هنا من أمس ،،، وبعد اليوم القوي الله مكتوب ولابد تشوفه نمت وجلست الظهر قلت يمكن الهندي جاء لا والله للحين ماجاء الباب مقفل ومايرد على صوتي أعوذ بالله وش اللي صار ؟ جوالي يرن ويرن ويرن وفخاطري أقول : عاد هالشباب يدقون علي وما أرد ما أحد يتفقدني وين أنا فيه شفت شلون الناس علشان تعرف ان الحين مافيه خوي أبد :sm88: العصر دخل وطلع والشمس غابت وليّلت الدنيا وأنا في هالغرفة ماغير تلفزيون وفواكه وحليب السعودية وماي وين تحصل هالعيشه خير ونعمه زين بعد عندك شي واكل صحي وفوائده كثيره .. وانا اقرا اقول عسى يكون فيه شي ياكله لكن مادام إنه جا وكتب اذاً فيه حاجه من الاكل يستعاض به أكيد عقب العشاء بيجون ما أحد جاء لا الشباب ولا الهندي أذن ومن بعد الأذان طلعت الشمس ووصلت الساعة 9 ونص إلا هذاك الشخص اللي يدخل ناديته بصوت عالي إلتفت يمين ويسار مالقى أحد النافذة فيها زجاج عاكس ، فتحتها وطلبت منه أنه يفتح الغرفة قال لي والله المفتاح مو عندي عن الهندي وقلت له على اللي صار ، أبو الشباب قام يضحك ويضحك ويضحك وهاتك إتصال على البقية يعلمهم ويقول لهم السالفة طيب يااااااااخي كلم الهندي خله يجي يقول لي أبــــــــــــــــــــــــداَ لازم الشباب يجون ويشوفون بعيونهم بدوا يهلون ويجون والضحك واصل برج الفيصيلة اللي مايشوف يتفرج دوروا الهندي وجابوه الماخوذ كان نايم عند ربعه ربي ياخذه ربي يآخذه من قلب جات من قهرك اكيد زين مستحمل .. ماتوطيت بطنه وظهره كنا معزومين عند ناس وأبو الشباب الهندي لقاها فرصة راح يشوف أفلام هندية عند ربعة ونام هناك حق خله يوسع صدره مافيه احد احسن من الثاني ومادرى أنه سوى فيني فيلم هندي على مستوى البطوله والاحداث وكل شي لابوطلال والاخراج للهندي الشباب لعبوا وطلعوا الكل يحسبني رحت قبلهم الهندي على عجل قفل ورى الشباب وراح وأنا ياغافل لك الله ليلتين ويوم في هالإستراحة شده وتزول وهذه زالت .. تتعود .. تعيش وتاكل غيرها بس ازود من كذا ..>>> اخبر لي من المطيرين قرايب :sm131: الحمدلله ع السلامه |
||||||||||||
|
|
|
|
|
|
.png)
.png)
العرض العادي
