|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
|
|
10-29-2007, 10:31 PM
|
#1 | ||||
 
|
أدريانو ( للنصر ) وخالته توصيه على .....
يقولون أن خالة أدريانو ( أم زوجته) حالفه عليه مايطقها بانتر ميلان بعد المشاكل اللي صارت بينه وبين المدرب وقالت له يا تطلق بنتي ولا تطلع من انتر ميلان ,,,
والمسكين حاول فيها من هنا وهنا وعجز عنها ... وقال لها: طيب وين اروح ... قالت :انت خابر دينلسون ولد عمتك يقولون انه راح السنه اللي فاتت لنادي سعودي يقولون عنه النصر , وإن كان ماخاب ضني فتراه ( تزد ) لعب ببطولة اندية العالم بالبرازيل . قال لها ك ايه ايه عرفته هذاك الفريق اللي فيه ماجد عبدالله. قالت : عليك نور قال لها : الله يقطع سوالفك يا خاله نور مع الاتحاد وش جابه للنصر ... قالت : احد جاب طاري نور ,أنا عارفه انه مع الاتحاد وعلى فكره ياوليدي ترى النصر والاتحاد هم الناديين السعوديين اللي لعبوا بكأس أندية العالم وما فيه غيرهم ... قال : عندي خبر يا عجوز قريح ( بينه وبين نفسه) وأدري أن فيه نادي يحاول يحتك بكأس اندية العالم بس ما اقول إلا يجيب الله مطر ... وعلى طاري نور يا خاله يقولون أنهم متسلطين عليه بالسعودية ومكونين لجنة اسمها لجنة الانضباط مخصوص عشان هاللاعب ومراقبينه 24 ساعه يدورون عليه خطأ عشان يوقفونه , لدرجة أنهم يقولون ان محمد نور كان موقف سيارته بمكان خطأ و يوم دروا عنه وقفوه ثلاث أشهر ونقلوا مباراة فريقة برا جده . . . . قالت : المهم ياوليدي يا ادريانو انا كلمت قبل شوي بنت خالتك زوجة كاريوكا ... وقالت لي يا خاله : ان كانك ملزمه على ادريانو إلا يروح للنصر فلازم تنبهينه لعدة امور وتخلينه يصحى لها أول شي : لازم يعرف أنه رايح يلعب لنادي النصر ولإسم نادي النصر ولجمهور نادي النصر .... ثاني شي : أنا سامعه جدة إلتون تقول أنه فيه مشاكل بين أعضاء الشرف والله يستر على جنيني ( إلتون) منها وانهم مشكلين احزاب وكل يوم والثاني صايره بينهم مشاكل والله يكفينا الشر . قالت خالة ادريانو : يابنيتي المشاكل تصير بكل الاندية وبين كل اعضاء الشرف مهوب بالنصر بس , بس اللي انا خايفه منه أنه يكون هناك ناس مندسين داخل الادارة و منتديات النصر و لايعجبهم تحسن الاوضاع اللي قاعد يصير بالنادي عشان كذا تلاقينهم ينبشون عن المشاكل ويحاولون يشغلون النادي وأعضائه عن الشيء المهم وهو ناديهم ,,, وإن كانه ماخاب ضني يابنيتي ان اللي ورا هالسوالف كلها ناس دخلاء على النادي والله العالم انهم تبع النادي اللي عجز يتأهل لكأس اندية العالم ,,, لا ويقولون أن عندهم صحافه تقلب الحق باطل والباطل حق لعيون فريقها ,,, المهم يابنيتي انا بقول لأدريانو كلام وأبغاك انتي توصلينه لجدة إلتون عشان هي تقوله لجنينها الاقشر ( إلتوني) ... اسمعيني زين قولي لها تقول لولدها: لايهتم باللي قاعد يصير بين اعضاء الشرف ولا يلتفت للي تكتبه صحافتهم المعفنة المتحجرة المتقلبه وخليه يتوكل على الله ويشد حيله هو وزملاه اللاعبين وبإذن الله يحققون المطلوب منهم انه ويحطون قدامهم شيئين هم نادي النصر و جمهور النصر وانا حاسه يا بنيتي ان هالشيطاني المريد ( إلتون) يبي يرفع كأس هالسنه إن شاء الله. |
||||
|
|
|
10-29-2007, 11:37 PM
|
#2 | ||||||||
 
|
ههههههههههههههههههههههههه معروف ان النصر صاحب سجل مشرف في التعاقدات مع اللاعبين الأجانب ةالعجوز تراها خبيرة في هالمجال ماشاء الله عليها ( لو هي مديرة أعمال ذاك اللي راح بريطانيا كان لعب هناك مباريات رسمية ) الله يوفق النصر في كل ميدان |
||||||||
|
|
|
|
|
|
العرض المتطور