|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
06-23-2006, 02:38 AM
|
#1 | ||||
|
•.♥.•°من طرائف الشعر النبطي °•.♥.•°
جاك المسير مالقى منـك ترحيـب=لاجبتلـه قهـوه ولامـن قدوعـي ياليتني دورت غيـرك معازيـب=جيتك جويع ورحت منّك بجوعـي الظاهر انك ماتعـرف المواجيـب=لاشك طبعك يختلف عن طبوعـي حنّا لاجانا الضيف ننفض له الجي=بونجيبله من كـل شكـلٍ ونوعـي عاداتنا والرزق من عالـم الغيـب=هذا وانا ابخل واحدٍ من ربوعـي فجاء سعد بالقدوع والقهوه وقال غاضبا
اقدع عسى يقدع على راسك الذيب=في خايعٍ مابه من الناس دوعـي متعطـلٍ بالبـر قبلـي تناقـيـب=من ليلة الجمعه ليـوم الربوعـي ومروك ناسٍ غايب عنهم الطيـب=وخلوك وحدك في مكانٍ يروعـي ثم جاك ذيبٍ ماسنونـه بتركيـب=ذيبٍ ولد ذيبٍ وشـرس قطوعـي سوّى بك سواةٍ على غير ترتيـب=يجزع لها قلب الشجاع البتوعـي مرحوم ياعودٍ كسا راسه الشيـب=هنديته تـذرف عليـه الدموعـي اتمنى تعجبكم وللامانة الادبية منقووووووولة |
||||
|
|
|
06-23-2006, 02:51 AM
|
#2 | ||||
|
وهذه قصيده لشاعر وحداني سخّر معلوماته في مجال الحاسب الآلي في قصيده وضع
من خلالها اسسا تكنلوجيه لتطوير علاقة الحب التي يمر بها ويقول
نويت استعمل بحبك نظام الحاسـب الآلـي=نويت ادخل برامج ملتقانـا كـل عصريـه نظام ادخال يحفظها بلا تزويـر واشكالـي=على دسكٍ كما لو كان مطبوعات صوتيـه حقوق الطبع تحفظ لي بالاول وانتي يالتالي=واحذّر من اعادة نسخها نسخـات عاديـه لاني ما قدرت اجمع حروف الحب يالغالي=خصوصـاً لاتكلمتـي بطريقـه بهلوانيـه جمعت ولاطرحت وصار ناتج قسمتي خالي=وانا نسبة نجاحي بالحساب اثنيـن بالميـه |
||||
|
|
|
|
06-23-2006, 03:19 AM
|
#3 | ||||
|
خخخخخخخخخخخخخخخخخخخخخخخخخخخخخخخخخخخخخخخخ
<0---------------- من جد فقع من الضحك ... سلمت يمناك اخوي على هذه الطرائف من جد شي رهيب والاجمل ان الموضوع يحمل لقبك اخوي ... اتمنى نشوف المزيد من المواضيع النيره ولقلمك المبدع اخوي .. مع التحيه المحروم |
||||
|
|
|
|
|
|
العرض العادي
