السلام عليكم ورحمة الله وبركاته
هذه مختارات من طرائف الشعر النبطي ارجو انها تنال جزء من اعجابكم

وابدأ بالشاعر الكبير ضيدان عندما زار
صديقه سعد فتأخر عليه في تقديم القهوه والقدوع فقال

جاك المسير مالقى منـك ترحيـب=لاجبتلـه قهـوه ولامـن قدوعـي
ياليتني دورت غيـرك معازيـب=جيتك جويع ورحت منّك بجوعـي
الظاهر انك ماتعـرف المواجيـب=لاشك طبعك يختلف عن طبوعـي
حنّا لاجانا الضيف ننفض له الجي=بونجيبله من كـل شكـلٍ ونوعـي
عاداتنا والرزق من عالـم الغيـب=هذا وانا ابخل واحدٍ من ربوعـي

اقدع عسى يقدع على راسك الذيب=في خايعٍ مابه من الناس دوعـي
متعطـلٍ بالبـر قبلـي تناقـيـب=من ليلة الجمعه ليـوم الربوعـي
ومروك ناسٍ غايب عنهم الطيـب=وخلوك وحدك في مكانٍ يروعـي
ثم جاك ذيبٍ ماسنونـه بتركيـب=ذيبٍ ولد ذيبٍ وشـرس قطوعـي
سوّى بك سواةٍ على غير ترتيـب=يجزع لها قلب الشجاع البتوعـي
مرحوم ياعودٍ كسا راسه الشيـب=هنديته تـذرف عليـه الدموعـي

نويت استعمل بحبك نظام الحاسـب الآلـي=نويت ادخل برامج ملتقانـا كـل عصريـه
نظام ادخال يحفظها بلا تزويـر واشكالـي=على دسكٍ كما لو كان مطبوعات صوتيـه
حقوق الطبع تحفظ لي بالاول وانتي يالتالي=واحذّر من اعادة نسخها نسخـات عاديـه
لاني ما قدرت اجمع حروف الحب يالغالي=خصوصـاً لاتكلمتـي بطريقـه بهلوانيـه
جمعت ولاطرحت وصار ناتج قسمتي خالي=وانا نسبة نجاحي بالحساب اثنيـن بالميـه