تالله مـآأحلى المبيت على منى في ليل عيد أبرك الأعيـآد..

[شوووق]

وعليكم السلام ورحمة الله وبركاته

الله أكبر الله أكبر الله أكبر لاإله إلا الله الله أكبر الله أكبر ولله الحمد ..

مجرد تفكرين إنك بتروحين الحج شعور لامثيل له ..

كل سنة أحط على القناة السعودية أتابعهم وأسمع التلبية ..

وأتمنى أكون هناك ..

الين ربي ييسرها لي العام الماضي ..

كانت أمنية عندي أصلي العيد في الحرم وصادف يوم الجمعة ..

ماتتخيلين الوناسة الحمد لله ..

طبعا دفعنا من مزدلفة قبل الفجر ، غصبٍ علينا الشرطة طلعونا ..

عشان كذا صلينا العيد بالحرم ،،

و ياحلو الجو الإيماني إذا عشتيه مع أخوات رائعات يذكرونك بالله ..

هناك تشوفين أشكال وأنواع من الناس ...

لكن للأسف الأغلب رايحين الحج لهو وسوالف ...

أول يوم في منى كأنه حلم ..

ويوم قالوا يله قوموا بنروح عرفات ... هنا دعيت ربي يتمم لنا وييسرهـ لنا ..

اليوم اللي كنت أنتظرهـ بشغف ..

حاولت أستغل وقتي بكل مايرضي ربي ..

خاويت وحدة باكستانية ،، أكلمها وتكلمني بالانجلش .. أنا فاشلة

ماأعرف إلا كلمات بسيطة ..المهم نفهم على بعض ...

تغديت ذاك اللحم اللي طعمه يجنن .. تغديت مع العاملات

ومستانسين يقطعون لي لحم من وناستهم .. الله يتقبل منهم يارب ..

وبعدها بحمد الله يارب يتقبل مني كل مادعيت وقدمت ..

وطلعت مع أخوي برا المخيم ..

والحجاج برا والناس تشوف منظر جمييييل ..

الكل يمشي ويوزع ماء وفاكهة وكل شيء ... سقيا الحجاج له أجر كبير ..

يارب نكون من المقبولين يارب ...

وبعدها رحنا مزدلفة المغرب وبعدها الحرم وبعدها رجعنا منى ..

ماكنا ننام إلا ساعة أو ساعتين باليوم ..

ماتحسين بالتعب من حلاة الأجواء ..

ودك تجلسين زيادة ..

ننام غصب عشان نتقوى على العبادة ..يارب يتقبل منا ..

وقضينا أيامنا في منى ..

نرمي الجمرات ... حلو تستشعرين وأنتِ ترمين كل حصاة

فعل النبي إبراهيم عليه السلام ..

وتدعين كما فعل المصطفى صلى الله عليه وسلم هناك ..

وقالوا يلا طواف الوداع ..

رمينا الجمرات بعد الزوال .. وتوجهنا إلى الحرم من منى مشياً على الأقدام ..

ساعات طويلة لكنها ماتعة جدا .. حسيت إني حاجة صدق مثل اللي يطلعون في التلفزيون ..

قضينا ساعتين في طواف الوداع ، طفنا في الدور الثالث أوسع وأبرد ..

شعرت بحزن ووفرح ..

فرح بأن الله تمم لي الحج بفضله وتوفيقه وأسأله القبول ..

وحزن لأني أحس ماشبعت من الحج ...

يتقطع قلبي إذا شفت الحجاج بالتلفزيون هالفترة ..

ودي أروح مرة ثانية وثالثة وعاشرة .. ربي يكتبها لنا يارب ..

...<< فيه أحد يبي أحج عنه ؟؟

اللي بيحج بيعرف كيف الشعور إذا استشعر كل خطوة يخطوها

وأن احنا نسوي مثل النبي صلى الله عليه وسلم ،،

في الطواف والسعي والرمي والمبيت وكل شيء ..

الله يتقبل منا ،، ويرزق اللي يبي يحج الحج ..

زليخــة موضوع رائع ..

فاض قلبي بالحنين إلى تلك الأماكن ..