(( سجل حضورك في بيت شعري ))

[ابن مرقاع]

سرى البارق اللي له زمانين ما سرى
صدوق المخايل بارقه يجذب الساري
على فرعة الوادي وسيله تحدرى
تغني طيور الما على حاير الجاري
مرامي غزال(ن) عقب عرفه تنكرى
عليه الله أكبر كل ما حل له طاري
برى الجرح منه ومني الجرح ما برى
وهو يحسب انه يوم طال المدى باري
نطحني يجر الثوب حدر المشجرى
جميل المحاسن لاضخيم (ن)ولا عاري
ابو لبةٍ(ن) مثل القمر ضاح واسفرى
ليا غابت القمرا تقدى به الساري
ترى سلبة العاتق الى صد ما درى
كما سلبة العرجون فى صفحة الذاري
صويب الهوى مسكين مشيه على ورى
ترى النقص فيه وحيله أقوى من الضاري



شعر :سليمان الشريم رحمه الله