ماذا تفعل عندما يتغير عليك أعز انسان؟؟؟

[المحــــــروم]

السندباد .. مع التحيه والتقدير ..

موضوع جدا ً جميل ورائع يالغالي من اياديك الجميله في هذا النقاش الجاد ...

انا عن نفسي ياكثر الصدمات مريت فيها وياكثر التجارب ...!!

يالغالي انت في زمن اغبر فيه من يصفط لك يمناه وفيه من يبحث عنك وفيه هالزمن من يحفر لك وانت لاتعلم .. !

والدنيا فيها عجايب واغراب ..

ابدا معك يالغالي في شعراء العيون ...

يقول الشاعر ابن حقبان

	وين الصديق وين الصديق اللي على السد موثوق= لا ضاق صدري فرج الهم عنـــــــــــي السد ما يفضى على كل مخلــــــــــوق= خله في قلبك انتبه يظهرنـــــــــــــــي واحذر من اللي دايم الدوم مطفـوق= كله بلاوي كان ما خاب ظنــــــــــــي مسود وجهه كنه الجذع محــــــــــروق= يشين شوفه دايم يزعجــــــــــــــــــــني ولد الردى دايم على الوجه مصفوق= نذلٍ ردي الطبع ما يجهـــــــــلنـــــــي ما عاش محتال على الناس بشفــــوق = لو كان حيله خافي ٍ يعـــــرفنــــــــــــي وختم كلامي جعل اسلم من العــــوق = نصيحةٍ تفيدِ للي اسمعـــــنـــــــــــــــي الشاعر / محمد بن سعد الحقباني ( ابن حقبان )

هذا الشاعر يصف الصديق الذي يحمل معاني الصداقه بحد اظافيرها وليس الكلام والشكل الزائف يحكم على انه صديق بل بالفعل ورد الفعل لهذه المواقف ..

ويقول الشاعر / مروان القناص السبيعي ..

	اقدم لكم قصيده بعنوان ( هذا قراري ) راجيا ً ان تحوز على الاعجاب .. لا ترتجي مني مواصيل واعلوم= هذا قراري كان تبغي مردي ما قبل عتب منـّك ولا أقبل اللوم= مات الغلا يا مبيّـح اليوم سدي ماتنفع الطلبه ولا حبة اخشوم = لالا تحاول وصّـل الغيظ حدي من باعني بعته على أول السوم = حتى ولو حبه ملك كل ودي ومن عزني يبقى معي شخص محشوم = أبادله نفس الغلا ابكل جدي ومعك أحكمتني صدق عادات وسلوم = ورثتها من سلم أبويا وجدي لي عزة ٍ تشمخ معي دايم الدوم = أعزها لو أصبح الوقت ضدي وانت انحكمت ابسلم نذلين ورخوم = ناس ٍ على النمه تجيب وتودي لا عزة ٍ تمنع ولا عندك اعزوم = مالك ثقه ياناقض اليوم عهدي مثلك معي ماظن يبقى له إلزوم = لملم شتاتك واعتبرها تحدي اخذ الخبر وصامل الهرج معلوم = يحرم عليّ امصافحك كف يدي الشاعر / مروان القناص

اهـ من اصحاب النميمه والقيل والقال .. كم احتقر هذه الفيئه التي تبحث عن الفراق ....
هنا في هذه القصيده تبين لنا الكثير من الأشخاص .. الذين يضعون لك الشمس في كف و القمر في الكف الاخر وبعد ما ياخذ مصلحته يقلول لك سلام يا مغفل ..
نعرف اشخاص بصور جميله ورائعه ولكن ننصدم فيهم عندما نمر بالمواقف والمحرجه ونعرف كم من اخ لم تلده امك يصبح افعى اهـ يالقهر من جد الندم لا ينفع لكي تسترد التضحيات والغلاااا ..
كم من الغلااااا هدرت بسبب هذه المواقف ..

	يقول الشاعر / خالد عوض .. حظي بلاني في حبيب" اناني =الله حسيبه طلع الشيب فيّه لاهواللي فارقني ولاهو عطاني =شاطر يعذبني ويقسى عليه لامن جفيته ماأكمّل ثواني=رضاه عندي من رضا والديّه اما هو لامنه جفاني جفاني=حتى يده تعجز تصافح يديّه يوعد ويخلف والعذر مامداني=شوفي وبعدي في عيونه سويه ضيع حياتي بالرجا والأماني=لابو خوي" مايقدر خويه!!!!!!!

عند هذه القصيده يشكو الشاعر عن رضا خويه بشتى الوسائل لكن الشخص الاخر لا يعجبه عجب ..
مهما فعل لكي يرضيه لا يظهر بنتيجه جيده او مناسبه حتى ختم القصيده بــ

ضيع حياتي بالرجا والأماني=لابو خوي" مايقدر خويه!!

هذا خوي هالزمن مهما تفعل من اجله سوف يأتي يوما ً تصفق الكف يديك وتتحسر على مامضى من اوقات سعيده ولحظات جميله ولكن تعرف ان هذه لحظات وتنقضي مثل الحلم الذي نعيشه ساعات ونستيقض وينتهي الحلم ونقول ما اجمل الاحلام ولكن في الواقع انه حلم وليس حقيقه .. وهذا الذي يألمنا انه حلم وكيف لو اصبح واقع ... !!

ماذا موقف صدى الصمت . لهذا الموقف .. نختار بيت من قصائده وهي ..

	لا جيتك أبكي .. فارفعي هامتك فوق= قولي قدرت أذل من كان غالي

وماذا كان موقف اغاريد السعودية لهذا الموقف الذي يتألم منه الكثير من يعرفون بالصديق والندم على ماصار وكم من شخص يعيش بلا مشاعر واحساس وتبادل الثقه اهـ من جرح غزير ...

	الظاهر إني صرت مثلك بلا احساس =ماتت عواطف خافقي من سواتك

كيف نصف الوفاء الكبير والحبل العريض الذي يسكن في اجساد البشر ..
صحيح حنا اقصد بالمسلمين اهل العواطف في الشده والرخاء ..
نسامح كثيرا ً ونصافح كثيرا ً وننسى كثيرا ً ..

لكن لو انت يالسندباد احد اشخاص انصدم فيك ماذا يكون رد الشخص اتجاهك ...

هل يسامحك او يغفر عنك او ينسى ؟؟

الحبل والنابل عمله اذا اختلطت لا تستطيع تفرق بينهم اخوي ..
انت قد تحمل قلب كبير يالغالي لكن ليس كل البشر مثلك وليس كل من قال انا نسيت فعلا ً هو نسى ..

لو تدري وش منه انا خايف يالغالي .. الخوف ان يأتي يوم لا تجد في الجسد قلب يحمل الرحمه والعقل الذي يحكم بالضمير ...

لعبة الاشاعات هي مشروع ناجح لكل شخص ضعيف النفس وضعيف المواجهه ...

الفراق لا ياتي من اول الطريق بل له اسباب وسبب .. منها قد تكون الاشاعات والفتن والقيل والقال ..

لغة الوفـــــــــــــــــــا

يقول الشاعر صالح البادي

أجيك لامن تاكد إني اعلاجك = ماهي محبه ولكن شيمة ٍ فيني

يقول الشاعر / محمد السياري

غديت مثل العود مشراه غالي = وغلاه لجله يحرقونه على النار

عزة النفس

يقول الشاعر / عبدالله الرشود ..

مصدر حياتي عزتي واعذريني = مقدر اواصل بالهوى حاني الراس
صحيح حبك نقطه الضعف فيني = مأنكرت لكن عزتي مالها اقياس

هذا في العشق كيف لو تكون في الصداقه .. كم من الن عشناه ولكن لا ندرك سبب الفراق لهذا الموقف وكم من صحبه تخلينا عنها ولكن لم ندرك مدى الم التخلي ...!!


في الختام يالغالي اختم كلامي في الشاعر متعب التركي ..

اشوف لك من وين مارحت ذكرى = لا شفتها صديت عنها وونقت
ماكل جرح ٍ لأخذ أيام يبرى= بعض الجروح يزيد شره مع الوقت


اعذرني يالغالي على الاطاله لكن هذا احساسي وغصبن علي اعبر عنه بصدق النيه ..

مع التحيه
المحـــــــــروم