شباب العيون يستحون مايخافون

[غربة المشاعر]

السبب الرئيسي هو المكتب التعاوني اللي ما هو راضي يقيم محاظرات تخص الشباب وتوعيتهم
أنا اللي اشوفه من محاظراتهم انها أغلبها فقهية وان صارت بعض البرامج تخص الشباب فهي تخص عدد معين من الشباب ولا تعم شباب العيون

يااخي تعبنا والله

حنا الشباب ضحية تحزب الملتزمين او المطاوعة (حزب السلف وحزب التبليغ)
وما أدري ليش هالتحزب مع أنا كلنا مسلمين

أنا اشوف إنا بس نحتاج لجهة رسمية لإقامة مخيم عن الشباب وامور التفحيط وغيرها ونقدر نجيب لنا من الدعاة المشهورين مثل بو زقم اللي له محبة عند المفحطين أو نجيب غيره
س أهم شي انه يكون هالمخيم عام لشباب البلد

أنا أذكر أن المكتب التعاوني قال راح يقيم المكتب التعاوني لكن الى الان ما شفنا شي ولا راح نشوف

فأنا أقول لو نستعين بالمكتبة العامة أو الجمعية كجهة رسمية لإقامة هالمخيم اللي باعتقادي انه راح يأثر كثير على المفحطين وغيرهم