(( سجل حضورك في بيت شعري ))

[عَذْبَھْہّ]

يا معوّدني على جرحه وطبّه

خل احاسيسك ونبراتها صوبي

ما خذيتك .! غير من غبّه .. وغبّه
قبل اعرفك ما اعرف ويش مطلوبي .!

ان بغيت تبرّد الشوق وتكبّه
خلّني على مقامي وماجوبي

كل مسلم لازم يخاف من ربّه
لاتعذبني .. ولا تكسب ذنوبي

صاير تسبب مشاكل .! بلاسبّه
لين خلّيت القصايد .. من عيوبي

ليه يوم أوليتك الحال .! تلعبّه
وانت من بد المخاليق .. محبوبي

لا تقول اسلوبك اليوم مااحبّه
عدّل اسلوبك وانا اعدّل اسلوبي..