ثوب النوم ملبوس لكل المناسبات

[روح الجروح]

الله يعطيك العافيه يابو طلال والله ان ودي في هالموضوع من زمان..

بصراحه صاير شكل الشباب مايدخل المزاج يطلع لك بثوب نوم والا ببدلة رياضه قمة القرف والله ولا يزيدونها يروحون يصلون بها يااخوان استحوا من الله وربي لو كان فيه زواج ولا عندك عزيمه كان تشيكت اخر شياكه وميلت العقال بعد..

والاخ اللي يقول يمكن ماعندهم امكانيه يلبسون الا هالثياب انا اشوف شباب عندهم خير لكنهم يلبسون واللي يقول الجو حار وماادري شنو البس لك ثوب قماشه بارد والا خفيف مثل ماقالوا الكويتي واسع وبارد..

يااخوان تبون تلبسون هالثياب لاجا وقت نومكم البسوها وشوفوا اللي يقدر يكلمكم أو حتى يعلق واذا حابين تجلسون بها افتحوا مجالسكم وجهزوا دلالكم واجلسوا بس لاتطلعون بها الشارع صايره اشكالهم مثل اللي بسوق الخميس طبق الاصل..

الحمد لله دام ربكم موسعها عليكم ليه تطلعون للناس بأقل الملبوسات يقولون كل ماتشتهي والبس مايعجب الناس وشي طبيعي هاللبس ابد مايعجب احد..

وربي انا عن نفسي افتشل اطلع مع اخوي والا احد من العيال لابس ثوب نوم والا بدلة الرياضه الصفرا والا الزرقا وماادري ايش..

يالله مااطول عليكم واتمنى انكم ياشباب ترتقون في لبسكم..

يعطيك الف عافيه اخوي بو طلال واتمنى مااحد يزعل..

تحيتي للجميع..