تفوق مدينة العيون بمطبات شوارعها وحصولها على المركز الأول

[عاشق وغرم به]

بسم الله الرحمن الرحيم
الحمد لله رب العالمين والصلاة والسلام على من لا نبي بعده
وبعد

والله يا اخوان من له اقدم المعروض تكفون وجهوني او من له اشكي بخصوص المهزله في شوارعنا والفوضى اللي انتوا شايفينها يعني بالله عليكم آخر شي شفتوه خط عقير قبل استراحة الهاشل انا متأكد انكم شايفين المهزله اللي صايره في السفلته الجديده طيب يا اخوان من نناقش من نكلم بخصوص هالموضوع الأخير ثاني حاجه والله اني احس اني في ملاهي من كثر المطبات اللي اتمرجح فيها زين وينك يالمسئول هل هو مدير البلديه او من ؟ تكفون قولوا لي والله لا اروح له واتفاهم معه بالطريقه النظاميه غير كذاا تلاحظون عقب ما يحفر الأرض ويخلص يحط له طين وبعد كذاا يخلي السفلته بعد مدة طويله والله احيان توصل لشهور وانت ما شي وتطبطب في هالمطبات ياخي اشتغلت خلص شغلك زي الناس والله اني مش عارف من اناقش من له اشكي بس نبي نمشي عمل وخلاص يعني ما في ذمه ما في ضمير ولا بعد شايفين شارع مسجد عمر بن الخطاب ( احمد الخالد) الشارع ضيق وتقد تضيقه زياده ليش بهالرصيف هاللي ماادري من هندسه وربي قهر بس نقول فات الفوت ((وتم بها ))إلى متى يا شباب العيون واحنا ساكتين كوباري تقاطعات العيون ما فكرنا فيها الا بعد ما ودعوا الحياة ناس من هالبلد نضل ساكتين وبعدين لين تنقلب ملاهي وكل واحد يجيب موترة يتمرجح والله الكلام كثير ولا راح يخلص بس اتمنى اللي في يده شي لا يسكت الموضوع الصراحه زاد عن حده وإذا تعرفون المختص عن الشي ذه ذكروا لي العنوان اوالأسم والله لوصلها لأمين المنطقة بكبره
ولكم تحياتي واعتذر على الإطاله والسلام عليكم