استفسار

[abusalman]

اخوي ازدهاري .........


كلامك صحيح ولا فيه غبار وصدقني على بالي موضوعك هذا بس كتبت موضوع فيه اسماء اللي فازوا في الانتخابات على اني بحط الرابط هنا لك بس بصراحه نسيت...ياخي غفر لنا الخطاء والنسيان من الله سبحانه وتعالى , يعني انت ماتسامح...(اسلوب رهيب ولا ويش رايك))

المهم نرجع لموضوعنا,,,
اما بالنسبة للمنتديات الثانيه مثل ماقلت ,,,, ترى ياخوي المنتدى اللي ذكرته المسئولين عنه تقريبا متفرغين((لاوظائف ولا دراسه مؤقتا ,,الله يوفقهم)) واللي اعرف منهم ثلاثه يعني المنتدى شغلهم الان اما احنا كلنا موظفين لا وبعضنا في شركات بعد يعني الظروف تتغير من شخص الى اخر وهذا المنتدى ماحطه العيون الا لخدمة اهل العيون (الله يجزاه خير) واعلنو اكثر من مره عن حاجتهم لمشرفين ولا حياة لمن تنادي.
وصدقني اذا احنا ماسوينا شي وتساعدنا وتحملنا ((يد وحده ماتصفق)) مارايح نستفيد شي ولا رايح نطور المنتدى,,, وصدقني ياخوي ازدهاري انا شخصيا موعاجبني وضع المنتدى واذا عندك حل اطرحه هنا او ارسل لي رساله خاصه ومايصير خاطرك الا طيب.

اما بالنسبه للتثبيت وغيرها انا طرحت هذا الموضوع على الاداره قبل كم يوم بس المسأله تبغي وقت لانه عندنا لخبطه في الاشراف والمشرفين..لأن المسأله مو مسأله موضوع مثبت وبس..وموضوع الألغاز الاسلاميه صدقني انا الوم المشرفين بالاخص لأنهم مااهتمو بهذا الموضوع وطبعا باقي الاعضاء لأن المنتدى لهم وانا كنت اتمنى انك ترد على علشان يصير فيه اشوية حماس.(ولا هذاك الموضوع يستحق التقدير))

وصدقني ياخوي ازدهاري اذا كنت تبغي التطور للمنتدى ولأهل ديرتك اصبر علينا اشوي واكتب مواضيع مثل ماكنت واكثر وان شاء الله رايح تشوف شي يسرك....


وعلى فكره انا ((بالنسبه لنفسي)) مو زعلان وبالعكس راضي على كلامك كل الرضاء لأنه يبين غيرتك على ديرتنا واهلها.

[أبو طلال]

ماعندي اي زيادة على كلام الأخ ابو سلمان

غير ان كلنا هنا وهناك لخدمة مدينة العيون بالدرجة الاولى

شاكر لك صراحتك اخوي ازدهاري

وان شاء الله نكون اوفياء للعيون مهما كانت الظروف والمعوقات

[×× ali alsaleem ××]

الحمد لله وكفى، والصلاة والسلام على نبيه
المصطفى وعلى آله صحبه وعلى من تبعهم بإحسان الى يوم الدين

اخواني واخواتي اعضاء منتديات ملتقى ابناء مدينة العيون ردي هنا بهذا الموضوع ليس سوى اظهار كلمه الحق والرد

على مغالطات الاخ ابو سلمان؟ الاخ العزيز ازدهاري موضوعه رائع جدا واحب ان اعلمه ان المنتديين عينيين في رئس

وهدفهم واحد وهو خدمة مدينة العيون واستغرب جدا ربط اي امر يخص ملتقى ابناء العيون بمنتدى مدينة العيون

حتى في امر المشرفين !! ونشاط المنتدى عجبي ياابا نورة اسف قصدي ياابا سلمان

احب اوضح لك امور وارد على مغالطاتك واوضح امور التبست عليك

اولا كلامك (ترى ياخوي المنتدى اللي ذكرته المسئولين عنه تقريبا متفرغين((لاوظائف ولا دراسه مؤقتا ,,الله يوفقهم)) واللي اعرف منهم ثلاثه يعني المنتدى شغلهم الان اما احنا كلنا موظفين لا وبعضنا في شركات بعد يعني الظروف تتغير من شخص الى اخر وهذا المنتدى )يااخي اتق الله في نفسك وانت مشرف فكل كلمه محسوبه عليك واحب اوضح لك انه من خلال مشاركاتي بالمنتدى الثاني ان المسئولين علن المنتدى ثلاثة فقط لاغير

العيون << مدير المنتدى ( شبه متفرغ واللي اعرفه انه عنده اعمال تشغله عن المنتدى)

فوق هام السحب <<<موظف ( مدري كيف تقول عليه متفرغ ههههههههههههههههههه)

طار الكرى <<<<< يواصل مشواره الدراسي ( وين التفرغ ياابا نورة اسف ياابا سلمان )

بالنسبه ياابو سلمان لكلامك موظف ومو متفرغ ليه قبلت بالاشراف !!!!

وكيف مو متفرغ والعمل يشغلك وانت تدخل تشارك من العمل هههههههههههههههههههه ( لاتقول كيف عرفت سر المهنه )

يعني تشارك من العمل ومن البيت وين تاثير العمل عليك


في نهايه كلامي اتمنى منك اخي ان توزن كلامك قبل طرحه لان كل كلمه تكون محسوبه عليك

وشكرا اخواني واخواتي لسعه صدركم