(( سجل حضورك في بيت شعري ))

[كلمة حق]

وتبقى دمعتى داخل العين


احيان تخرج دمعة تجرح العين
دمعة تعاندني وانا اعرف سببها

ان جيت باخر دمعتي تنحسب دين
وان طعت دمع العين احرق هدبها

لو جيت باشرح وضعها قلت بعدين
وان جيت ابينها فصمتي غلبها

مدري على وقت مضى قاسي وزين
والا على دارآ شكت من عربها

مدري من اقصى الناس والا قريبين
والا على شان الحياة وتعبها

مدري دموعي سبت البعد والبين
والا لجل غيبت(ن) تصعب طلبها

مدري من اللي توهم مستجدين
يطمح طموح وخطوته ماحسبها

مدري دموعي من فراق المحبين
اللي خذاهم خالقّ قد وهبها

يمكن عرفت السر لا عاد تبكين
وماقدرهـ ربي لعيني كتبها

ماكل مخلوقّ له السر تبدين
ولا كل من يدري يخلص نشبها

ياليت تبقى دمعتي داخل العين
ولا يشّمت اللي ماعرف وش سببها