ثوب النوم ملبوس لكل المناسبات

[هااوي]

اولا مشكور اخوي ابو طلال على الطرح الجميل والمهم جدا

وثانياً الحين الكل يقول او يطلب منع ثوب النوم في اماكن معينه بس السؤال طيب وش يلبس غير ثوب النوم

مثلاً نقول الثوب العادي وهو شي طيب ومنظر جميل بس الصراحه جونا هذا والله ما يسمح لك انك تفكر تلبس الثوب التقليدي راح تتضايق مع زيادة الحراره وتجيك ضيقه ما لها حد وهذا طبعاً ان الكل يشجع على الثوب العادي .

ومثلا نقول بطله وهذا البعض يتقبله بكل سهوله والبعض الاخر يرفض هذا اللبس بكل قوه بس البدله ممكن نقول كشكل افضل من ثوب النوم مع ان ثوب النوم اكثر راحه في هذا الجو .

بس ما فيه اي مشكله في ثوب النوم اذا كان ولله الحمد انه يستر نفسه وعورته يعني وش هو الحل اذا كان كل شي مرفوض لا ثوب نوم ولا بدله والثوب العادي والله صراحه انا اذا لبسته في جونا هذا ودي اقطعه من زود الحراره والضيقه عطوني حل مباشر .
وهل هذا الحل يريح الجميع انا اقول ما فيه امل واسمحلي ان البعض يقول انها عنتره ومدري وشو لا هذا اكبر قلط اننا نحكم على الشخص من لبس لا يودي ولا يجيب يعني اتهم الشخص انه فاسق وراعي مشاكل طيب اجل نقول 87% من اهالي العيون بهذا الوصف المؤسف وهذا اكبر قلط مع احترامي لكل من ابدا رأيه واسف اذا ازعجت احد واعترف اني قمت اهذر واجد اسمحلي اخي الفاضل والف شكر لك على الطرح القيم.

تحياتي للجميع