(( سجل حضورك في بيت شعري ))

[عَذْبَھْہّ]

تصنّع البسمه اليا ضقت ، والوقت دار
لوّك تعيش بنكد .. تخيل إنك بترف


هذا انا لا تصنعت اللي أبغاه ، صار
لو كنت منت إتعرف ، تخيل إنك اتعرف


ياصاحبي والصغار كبار .. عند الصغار
والا الجبل ، لو يجيه السيل ! ماينجرف


والرجل لو تفرض همومه عليه الحصار
غلطان لامن تجاهلها ، وغض الطرف


عندك خيارين لكن مالك الا اختيار
اما تقوم بشرف ولا تطيح بشرف !


دام الصراحه من اطباع النفوس الكبار
اليا انتصرت افتخر واليا انكسرت اعترف