رفقا بسحلياتنا يا (شنباتنا)

[سطل]

[size=4]واقسم بالله تحفه تحفه تحفه اللي كتبتيه ياشهرزاد
قبل لا ارد هنا قعدت ادور على مواضيع لك لم اجد لك موضوع واحد بالملتقى ..( ياربي مش معقوله)..
وش اقول وش اخلي في وصف ماكتبتيه ...
اقتباس ولا اروع وقليل مانجده هنا واتمنى ان الاقي مثله او يحذون حذوك ... وصف دقيق في التحليل من حيث الاقتباس .. فكر الكاتبه المبدع.. التنظيم التحليلي للوصف ... الموضوعيه في الرد ... واللي عجبني اكثر التعليق ثم الراي الشخصي .. والرد باسلوب الكااتب وبمرونه وبمفهوميه .... واللباقه في الكلام ...... وش اوصف وش اخلي ... (وقفة احترام تقدير لما خطت به يداك ياشهرزاد)
ابدااااااااااااااااااااااااااااع غايه في الروعه
7
7
اللي فوق كان وصف الكاتبه شهرزاد
7
7
وتحت تعليقي على بعض من ماذكرته
7

الاسباب كثيييييره ومن نواحي عده .. وفئـات عده
بتلاقيها نفسيه واجتماعيه وفسيولوجيه ويمكن اقتصاديه
كلها تكوّن مشكله واحده ويمكن اكثر لكنها بالأخير تجتمع
وتظهر شخصية صاحبها وحاجته للتعبير عن مكنون نفسه فيلجأ للحب
حتى لو كان الحب وهمي
" .. لا يهم وهمي أم لا .. المهم .. ان افرّغ مابداخلي وبـأي طريقه "
>>>>> هذا جزء من أجزاء التفريغ عن مكنون النفـس !!!!!

التفريغ العاطفي يتولد من ماذا ؟ وماالذي يجذبه لكي يظهر ؟

طبعا هناك انواع كثيره من العاطفه .. منها عطف الاخ الكبير على الصغير.. عطف الابوين لابنائهم .. عطف الزوج على زوجته .. عطف الوالي على شعبه ... وايضا عطف العاشق على عشيقته .. ولكن مايدور في نفسي واللي فاقع(ن) مرارتي هالعاطفه الاخيره تدور حول دائره مفرغه وينعاد فيها السيناريو مليون مره بدون نهايه مع تغيير الممثلين والادوار ...طيب هالبنت المقروده اللي تبي تفرغ عاطفتها على زعمها ؟ وش نوع العاطفه اللي تبي تفرغها ؟ (حب .. هيام .. اعجاب.. قراده ..)

صحيح من حقهم ان يلوموا اذا وقع العار

ماعاد بينفع شي الملام بعد وقوع الكارثه ...ماعليك الا انك تزرع بصل والام تقشره والبنت تطبخه --> وهذا هو حالهن
وعلى قولة القايل (( ماينفع الصوت الى فات الفوت))

هذا عدا لو كان لها اثر سلبي على التعامل مع الزوج >> اكرهه ماقدر اتحمله
صورة حبيبي لازالت بخيالي
اشوف صورته فيه
ووين هذا ووين حبيب القلب هذاك وسيم وهذا مافيه من الوسامه شيء
وهذاك وهذاك وهذاك ووووووووووووووو .... عد واغلط

وممكن ان السابقه تكون مرحلة تسليه وعلى قولتك كان تفريغ للعاطفه الوهميه والان يوم جا وقت الجد ومسؤوليات البيت بتتغير النظره ناهيك عن ماتفعله من خلف الكواليس ( لو سمحت يابعلي --> يعني احترام الحين .. لو سمحت لاتفتش جوالي .. ولاتفتش محفظتي .. هذي اشياء شخصيه لاتتلقف وانثبر محلك ).. والرجل في دهشة من امره والشك يغمره من راسه الى مخمص اصبعه الدوبي ..( يا انها تبي تدمغني يا انها كانت مغزلجيه )... لا لا انتبهي يا انا يالجوال ..وان حصل هناك تشجيع وتاأييد كامل من الام والاب على ماتفضلت به ابنتهم المصونه وتوفير سبل الراحه ومطلق الحريه ان كانت زعلانه من زوجها..(مو مثل ايام قبل ينغصون عليها عيشتها ويضايقونها بالبيت هذا اذا ماسحبوها من شعرها وحذفوها هي وعيالها عند باب بيت بعلها --> عاجبتني كلمة بعلي احس انها كلاسيكيه لؤل ) سوف تكون كارثه وخصوصا ان كان بينهم اولاد .. ياللعار ياللعار ياشماتة مناحي ولد مرزوقه فيني ....وهذه وغيرها الكثير

الكل هم المسئول امسك ورقه وقلم وارسم فيها جدول من كم خانه ..
خانة الام .الأب . الأخ. المجتمع.الأصدقاء.الحريه.الشخصيه المقصوده
وابدا عبي كل خانه .. من نواحي قوتها ونواحي ضعفها وتقصيرها ونواحيها السلبيه والايجابيه
وكل اللي يحتاجه الأمر
المشكله عندما تحدث فهي لا تظهر من نفسها .. تظهر عندما تجد الشراره التي ستشعلها
مثل النار >> النار تحرق والمشكله تحرق
وطبعا في نهاية الجدول لا تنسى خانة الحلول المشتركه والحلول الفرديه الخاصه بالشخصيه المقصوده

ماقلت لك ابدااااااااااااااااااااااااااااااااااااااااااااااا ااااااع وفوق الابداع ابداع
محلله ولا اروع .....
اعتقد لو كانة هناك خانه في الحلول تخص الابوين--> ان وجودو او من يحل محلهم .. هم كوم والحلول الفرديه كوم وهي اقرب الى ان تكون حلول مشتركه بينهم بخلاف الفرديه ... فهم الاساس وهم البدايه للنهايه وهم نهاية النهايه ... وهم المخرجين لهذا السيناريو الاليم .. وهم من يكتبون السيناريو والحوار ... والبنت والابن(لكي تكون نظره شامله للبيت) ماذا يفعلون ؟
بكل تاكيد توزع عليهم الادوار وكل(ن) على حسب دوره وشخصيته في الحياه ...ممكن تكون البطل او ممكن تكون المجرم او ممكن تكون سببا في وقوع الجريمه بالنهايه الابناء هم ضحية للوالدين فيما خططو له ..قد تكون صالح وقد تكون طالح



[blink]الحنااااااااااااااااان[/blink]
وش اقول لك الحين ؟؟
لافض فوووووووووووووك ولاعدمنااااااااااااااااااااااااااك

وهذه من اهم النقاط اللتي تنقصنا في مجتمعنا هذا
الحنااان وماادارك مالحنان ...... حنان الام وحنان الاب وحنان الاخوان وحنان الاخوات
ولكن ماذا يعني الحنان ؟
الحنان تعريفه لغة : هو العطف من يحن علي اي يعطف علي
اصطلاحا : انك تمسك ولدك وبنتك وتقعد تسولف معهم وتاخذ وتعطي معهم وانك مو مخيس في المجلس وتارك عيالك والا مقابل لي هالاسهم وتخزن في هالدراهم وان قالو لك ودنا والا عطنا قلت ماعندي فلوس يامال الفقر اللي يفقر العدو ... وانك تصارح ولدك الكبير وتخليه يفضفض عن مافي جعبته وانك تنمي مواهبه وتصقلها صقل .. واذا حصلت لك مشكله لاتتردد في اخذ مشورته ورايه (مو تقول هالصغير هالنتفه بعد له راي فوق رايي ) اي عادي اخذ برايه ومو ملزوم تمشي عليها ولكن هذا يمنحه الثقه والشخصيه ... وانتي يا امنا المصون .. يجب عليك ان تتركي سوالف القيل والقال اللي مالها سنع وناسيه بنتك وش تسوي يومها تصك هالغريفه وماتدرين هي وش ناقصها .. انصحك ياامااه انك تعلمين بنتك اصول الذرابه وامور البيت وتنصحينها دائما بفعل الصواب وانك تسالين دايم عن اصحابها .......والخ --> لو اقعد على هالتعريف يبي لي كتاب .. على فكره انتهى التعريف هع

سماع الأغاني الهابطه ومتابعة المسلسلات والأفلام >> هذه من أقوى الوسائل التي تؤجج العاطفه
وتزيد لهيبها عند الطرفين فيحاول البحث عنها ......... لا يعرف الخير فيصادفه الشر فيتبعه ..
ومايخفي احد كيف انها تطورت وتطورت وساهمت في بث الكثير من المفاسد عند الشباب والشابات

وهذا سبب من الاسباب الرئيسيه واللي على قولتك تؤجج العاطفه وتزيد من لهيبها وتشعل نارا هم موقديها والنار ماتحرق غير شبابها .....وعلى قولة واحد من الدلوخ لاتلعب بالنار تحرق اصابيعك

واعتقد هنا تشبيه بليغ في وصف النار بالحب المزعوم

لايعرف الخير فيصادفه الشر فيتبعه ....... مااروع هذا التعبير .... ومطبق بحذافيره
واخص بالذكر البرنامج اليهودي الاصل "ستار اكاديمي" -------> اجل احد يتابع ناس حتى وهم ينامون ..
مااقول الا العقل نعمه

عذرا على الإطاله لكن موضوع حبيت ادردش مع كلماته
وكان لابد اظهر دردشتي وفلسفتي الخاصه << مصدقه حالها هالبنت
مادري اذا فادتكم ولا لا .. بس المهم اني دردشت هنا >> شيء في النفس لازم يظهر
وانتهينـا 000 [/size

]
تلذذنا بما خطت به يداك واستفدنا من مما سطر وكفخ به كيبوردك ... احييك على هالابداع
همسه في اذن شهرزاد
(ذكرتيني بالعضوه وهم الله يردها بالسلامه للملتقى .نفس الاسلوب ونفس الفكر )
اتمنى كتابة مواضيع شيقه مثل هالرد الشيق والممتع ولاعدمنااااااااااك يالغاليه