من بغى الفرقا لقى له عذر وأسباب ودليل

[عَذْبَھْہّ]

من بغى الفرقا لقى له عذر وأسباب ودليل
...........................// خلى عنك العـذر والأسباب دام الحب ضـــــــــاع

كان ودك بالفراق أبشر عسى عمرك طويل
...........................// لا تـــردد وإنت لك كلمة ولك أمـــر ٍ مطـــــــــاع

لي عليك إنـــــك تبت بكلمة تشفي العليـل
..........................// ولك علي إني لأوقف وقفة الرجل الشجـــــــــاع

لا تجاملني مخافة قال ما أدري خوف قيل
...........................// عمــر هـرج الناس ما يسمن ولا يغني جيـــاع

إيه أنا هذا طريقي موحش وصعب وطويل
..........................// وإنت لا منك تعبت ,, العالم فجوجــــــه وســـــاع

يكفي إني لا انذكرت في سالفة عشاق قيل
...........................// ( عاشر أحبابه شجاع .. وفارق أحبابه شجاع)

صح لسان شاعرها وتسلم يمناك يالغلا ..
القصيده بالحييل اعجبتني ..
وتسلمين ع الاختيار الذوق ..
نترقب قادمك دوما ..
لاعدمناك ..
دمتِ كما تحبين ..