مواقف المتزوجات في شهر العسل...

[غلا العيون]

بسم الله الرحمن الرحيم

السلام عليكم ورحمة الله وبركاته....

أكيد كل وحده منا احنا المتزوجات مرينا ببعض المواقف في سنه أولى زواج ...هذي بعض المواقف اللي صارت لبعض الأخوات ......

الموقف الأول

تقول الأخت زياراتها للمطاعم مع أهلها كانت قليله ....المهم أول أيام زواجها دخلت المطعم ...قال زوجها للجرسون أو النادل جيبلي منيو ....وسألها وش تبين ؟..قالت : مثلك أبغى منيو ....زوجها تسدح من الضحك ....وهي تقول أحسبها وجبه أو طبق معين... :confused:


الموقف الثاني

وحده كان الخجل ذابحها ...تقول : زوجها كان كل يوم يجيب بهالأكل في الفندق وهي البنت مسويه ماتشتهي وما تحب ومن هالكلام وما غير تناظر فيه وهو يلهط بالاكل وذاك اليوم بالفندق جا الغدا وكالعاده زوجها سألها يلا حياتي تعالي نتغدى ...قالت : لا كل أنت بالعافيه أنا ما أشتهي وهي ميييييته جوع :eek: وشبع الرجال ..ودق الباب ذاك الوقت ..المهم زوجها طلع وغاب شوي ..وهي قالت في نفسها أكيد أنه بيطول وماقدرت تمسك نفسها ومن كثر ماهي جوعانه ماسكه الدجاجه بكبرها وتاكل ..وفي هذي اللحظه وش صار >>>> طب عليها عريس الهنا وهي متلبسه بالجرم المشهود ومقبضه بدينها الثنتين في الدجاجه والفم مفتوح عالاخر وقال لها :ها أشوفك مانتي مشتهيه ...وهي خلاص دوروها مسكينه ماتلقونها.


الموقف الثالث

فيه وحده شعرها دايم يحتاجله سشوار مهو بناعم ..المهم السشوار اخترب مادري وش صار فيه عاد هي ذكاءها قادها لفكره جهنميه وش سوت ؟ ...راحت على طاولة الكوي وانسدحت وهاتك ياكوي بهالشعر ..وبرضه زوجها سوالها صادوه يوم دخل واختنا في الله تكوي منسجمه ...الرجال انهبل على باله تزوج وحده ماهي صاحيه.


الموقف الرابع

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لايعيدها ...!!!
ولقينا مطعم لبناني ورحنا له وحطوا لنا طبعا قبل مانطلب >> زيتون ومخلل ...
وجا الجرسون واقف فوق روسنا ياخذ الطلبات وزوجي يقوله الطلبات وانا احاول أصيد الزيتونه بالشوكه...مير تطير الزيتونه وتصقع وجه الجرسون وهو ياخذ الطلبات ..قم قال : عنا في لبنان ناكل الزيتون بايدنا...
عاد ما أسكت وانثبر...قلت غريبه حنا بالسعوديه نصيدها بالشوكه ...
وماسكها زوجي علي للحين كل ماشاف زيتون قال هاه بالشوكه والا بيدك خخخخخخ.:D


الموقف الخامس

وحده تقول انا متزوجه ولد عمي ..وأول ماتزوجنا رحنا بريطانيا منها شهر عسل ومنها هو عنده دوره ...تقول: مره دخلنا المطعم وأخذت المنيو وقعدت أناظر الكلام كله انجليزي وانا ما أعرف ولا حرف بالانجليزي ...
تقول هو اختار والجرسون واقف عند راسي يحتريني اختار ..قال لي زوجي تبين أساعدك بالاختيار ؟ ..
قلت : ليش طايحه من عينك أنا أعرف أختار :rolleyes: ..المهم تقول : اخترت طلب محطوطفي إطار وحركات...قلت أكيد هذا شي حلو وقلت أبي هذا ..قال زوجي متأكده قلت ايه أصلا من زمان أطلبه لما كنت أطلع مع أهلي ...
تقول قال لها طيب أبشري وهو يضحك ويوم جابوا الطلب وانها وجبة أطفال :cool:


الموقف السادس

يقولون فيه وحده تستحي من زوجها بالمره ..تضايق الزوج وكلم خواته يكلمونها وكلم أم زوجته كذلك ..
وبعدين ازعجوها ..أمزحي مع زوجك والعبي واضحكي معه ...
قالت : ما أقدر ...المهم طولوا عليها بالكلام ...
وفي مره من المرات وهي مع زوجها سبقها زوجها بينزل من الدرج ..قالت فرصه أمزح معه أشوي ..علشانه مايشزفني وانا وراه ...المهم دفته من الدرج الاوهو في اخر الدرج متشقلب وقاعد يون ويصيح من الالم قال لها وش فيك كذا :mad: جلست البنيه تصيح وتقول كله من أهلك يقولون امزحي معه وهذي اخرتها .


الموقف السابع

وحده أعرفها أول أيام زواجها تقول كنا طالعين واحتجت الحمام مرررررررررره بس مستحيه أقول له وهو شكله ماعنده نيه يروح لمكان فيه حمامات ....
وتقول عجزت اتحمل وجلست أفكر بأسلوب حلو مايخرب برستيجي عنده قلت خلاص بقول له أبغى دورة المياه أحسن من كلمة الحمام ...تقول وانا ميته من الفشله قلت أبغى أروح لدورة الحمام مادريت الا الرجال يضحك ويقول ياعيني على الاتيكيت .


الموقف الثامن

هذي وحده تقول أول ماتزوجت كنت أدرس وكان يوديني زوجي للجامعه وياخذني ... في يوم وانا جالسه انتظره وكنت واقفه بالشارع واشوفه بعد كم سياره ...وجلست أستناه يوم وصل عندي ...وانا أمشي بغنج ودلع الاوأطيح ذيك الطيحه طرااااااااااااااااااخ....جلست على الارض مايشوف الا راسي من عند شباكي جالسه أاناظره ولا أتحرك وكان الشارع مليان رجاجيل وبنات ...
واركبفي السياره وهو ميت من الضحك :D واجلس أصيح ..قلت ماتعرف تسمي علي !!!!:mad:


تاسعا واخيرا

هذا موقف قرأته بمجله ...وحده تقول أول ماتزوجت طحت عند باب المطبخ وانهبل زوجي وبسم الله عليك سلامتك حياتي ..وبعد مامرت سنه طاحت بنفس المكان قال لها عمى ماتشوفين ؟....



للأمانه منقووووووول