الـطـعميه ( الفـلافل ) *

[عَذْبَھْہّ]

اليوم راح احط لكم طريقه عمل الطعميه ( وهي طريقه سهله ) ..

هذا شكل الطعميه





المقادير:

حمص (نخي ) منقوع مده ليله كامله – بقدونس – بصل – ثوم – ملح – فلفل اسود – بيكن بورد ( نسيت ماصورته )





الطريقه :

بالخلاط نفرم البصل والثوم جيد حتي ينعم ...





بعده نضيف له البقدونس ونفرمه مع البصل حتى يكون وايد ناعم ( موعصير ) ... الحين نشيل البقدونس من الخلاط ونضيف له الحمص ونفرمه حتى ينعم عدل



لم نكمل من فرم الحمص نضيفه على البقدونس ونقلبهم عدل ونرد نخلطهم بالخلاط مع بعض مره ثااانيه مع اضافه الملح والفلفل الاسود



والبيكن بورد ونستمر بالخلط حتى نحصل على عجينه طريه مثل الصوره ... الحين نجهز اداة الطعميه او باليد نكور العجينه



نصف الطعميه الجاهز بصينيه حتى نكمل كل المقدار ( نخزن الطعميه بالخزان وبعده نفرزنه ) او نقليه بنفس الوقت ..



وهذا الشكل النهائي

اما اذا راح نسوي سندويش طعميه ..

هذا شكله





المقادير:طعميه – طماط مقطع شرائح – ملفوف مقطع شرائح – شطه – خبز لبناني – طحينيه





الطريقه :

نقص الخبز بالنصف ونحشيه بالملفوف والطماط وقطع الطعميه ونرصه بالخبز



الحين نوزع الطحينه والفلفل ونقدمه


بالعااافيه