تصنّع البسمه اليا ضقت ، والوقت دار
لوّك تعيش بنكد .. تخيل إنك بترف
هذا انا لا تصنعت اللي أبغاه ، صار
لو كنت منت إتعرف ، تخيل إنك اتعرف
ياصاحبي والصغار كبار .. عند الصغار
والا الجبل ، لو يجيه السيل ! ماينجرف
والرجل لو تفرض همومه عليه الحصار
غلطان لامن تجاهلها ، وغض الطرف
عندك خيارين لكن مالك الا اختيار
اما تقوم بشرف ولا تطيح بشرف !
دام الصراحه من اطباع النفوس الكبار
اليا انتصرت افتخر واليا انكسرت اعترف