ياأم ممدوح

[سعود العواد]

ياأم ممدوح

ياأم ممدوح سوي على المطلوب فنجالي***فنجال أشقر يقلل كثرة اهمومي

فنجال اصبه في وقته واطرب البالي***وشيل فني وأغني بالضحى دومي

ابيات شعري على المسحوب يحلالي***لحني على طرقها بالامس واليومي

اليوم جبرني اهيض مابقى تالي***وجر عذب اللحن والسر مكتومي

يالايمي لاتلوم خلني على حالي***أطلع اللي في قلبي ضيع اعلومي

تكفون تكفون تركوني على فالي***ابكي وذكر بصوتي كل محرومي

لامن طرالي زمان أول مع غالي***خطر عليه اهومل وارمي اهدومي

لكن ايماني وذكري لله الوالي***اعطاني الصبر بالتهليل والصومي

الشاعر/سعود بن احمد العواد