ون قلبي

[سعود العواد]

ون قلبي

ون قلبي وعيني ان زعج ماها
والسبب خشف ريم من فتن فيها

وقفت في طريقي وقطت أغطاها
قطته بالعمد عيني تراعيها

أشرت وأرفعت كرت أبيمناها
وهدته لي هديه قبل أحاكيها

أكتبت داخله عنوان سكناها
وحرصت بالزياره في لياليها

واكبر فرحتي يوم جيت وياها
حدثتني مدى الفرحه في أهاليها

أحسدك ياسعود في اللي تمناها
أشهد أنك سعيد الحظ لاميها

من بعيد ان فتح قلبي وحياها
أشغف القلب حب اللي أمغاليها

خدها نور ونجم الليل غطاها
حتى نور القمر ماتكور فيها

عينها عين حوريه تحلاها
والمظاليل سوداء من يصاليها

زينها لامشت خفه في موطاها
والحمايم تقلد في خطاويها

والجدايل نعايم فوق طواها
عطرها المسك ودهن العود راويها

والمباسم نعيمات عسل ماها
والثنايا برد ربي امسويها

والصدر بالوصف ميدان مرماها
به اثنين اله العرش مبديها

نحرها نحر وحشيه ابمعناها
من سمع وصفها غالي ابيشريها

يشهد الله عليه لادفع ارضاها
لو توصل حياتي كنت فاديها

هي حياتي وروحي بين يمناها
المحبه قويه في معانيها

في المحبه دلايل صايب داها
قبلنا نواهوا والكتب ترويها

المحبه صعيبه شوك ممشاها
الفرج في الصبر قاسي بلاويها

لذة الحب بعد المر تلقاها
من تعب يحصد اللذه ويجنيها

لقمة الذل مااتلذذ رعاياها
بالعرق تأكل الدسمه وتشريها

الشاعر- سعود بن احمد العواد

[سعود العواد]

قبل المغيبي


مريت بالمشراف قبل المغيبي ,,, بعد العصر والليل يرخي سواده
ناديت في عاليه وين الحبيبي ,,, وين الليال اللي مضت والسعاده
وين الحبيب اللي يوده أقليبي ,,, الجدول اللي شق قلبي وداده
رد الرجم ياشوق شكلك غريبي ,,, خلك رجل ياشوق كبرت أولاده
وينك ووينه منك ماهو قريبي ,,, أنسى الطفوله والذكر في الشهاده
مافات مايرجع صبا في المشيبي ,,, كل يوم يمضي في تأخر أزياده


الشاعر,,,, سعود بن احمد العواد ,,,,,

[حسام]

ياسعود هيجت مكنون قلبي ووطاها
أبياتك عميقه تهز وجدان قاريها
صح السانك ياسعود

[سعود العواد]

صح بدنك يالغالي

[سعود العواد]

حسام : ياسعود هيجت مكنون قلبي ووطاها
أبياتك عميقه تهز وجدان قاريها
سعود:
المحبه ياحسام شين مبداها
والصبر اجمل طريقه مباديها
ان بغيت مني نصيحه تلقاها
اركب العصمه وجنب معاصيها
أسال مجرب فهيم في معناها
شاف ماشفته كثيره بلاويها
وعسى يجمعك باللي تمناها
بالشرف والعز باجمل لياليها