ربيـع عمـري راح واقبـل خـريفه

[صقار زعب]

--(( ربيـع عمـري راح واقبـل خـريفه ))--










نواااااف واللا نووووف واللا منيفه
................ مافيه فرق في الاسامي والاشـكال

مادام كل ماشــي طــوع كيفه
................ وكل يســمي نفسه وقال رجـال

اليوم كل شـــال رمحه وسيفه
................ وكل حمل في الجيب سبحه وجوال

مادام ماعـندك ســجل تضيفه
................ لاخير في دنيـاك في كل الاحوال

ابحث عن الطاعات لو هي كليفه
................ ولاتنخدع في الشكل لو مرك ازوال

الصقر في عالي الطـوال المنيفه
................ وكر الصقر في عالي الرجم مازال

الاش نقص في مقــامه لضيفه
................ اللاش قاصــر دايم الدوم محتال

ياناس حنا في حيــــاة مخيفه
................ كل ترك دينه ويلهـث وراء المال

والله شــفنا مجتمعــنا بشيفه
................ تغيرت الاحــوال حال بعد حال

وين الشرف وين النفوس الشريفه
................ اهل العلوم الطيبه كــــــيف وادلال

وين العقول الواعيه والنظيفه
................ بعض الرجال يبيع الاصحاب بريال

كثرة عناوين الخزاء بالصحيفه
................. كثر الكلام وموضة القـيل والقال

العمر ماباقــي يكـون النصيفه
................ والفعل مع الاجواد يضربه امثال

ربيـع عمري راح واقبـل خريفه
................ يالله تزين لــي خواتيم الاعمال

نواااااف واللا نوووف واللا منيفه
................ بعض الرجال يزين لويلبس الشال




وسلامتكم.

[الدنيا كذأ]

صح لسانك

[صقار زعب]

صح بدنك

[°•¶ إحسـآسے ملكهے ¶•°]

وين الشرف وين النفوس الشريفه
................ اهل العلوم الطيبه كــــــيف وادلال
وين العقول الواعيه والنظيفه
................ بعض الرجال يبيع الاصحاب بريال
كثرة عناوين الخزاء بالصحيفه
................. كثر الكلام وموضة القـيل والقال

صقار
صح لسانكـ
وسلمت ع القصيده الراائعه
تحكي الحال في هذا الزمان
يعطيك الف عافيه
مع شكري لكـ

[صقار زعب]

مشكوره علي مرورك الغاوي

[عبدالرحمن الغريب]

عزيزنا : صـقار زعـــــــب :

قصـيدة تستاهل من يقراها واللي كتبها شاعـر . . تستاهـل المدح والثناء يا صـــــقار .

تقبل مروري وســـــلامي .
=

[صقار زعب]

تستاهل الخير

ومشكور علي المرور