حلّة المعنى

[الفضلي]

أبتدي باسم الولي زين القصايد وارتـدي = حلّة المعنى واحلّيـها بـطيـب اوزانـها


اهملي زين الهمايل ياسحـايب وارعـدي = من جميلات المعاني وانبتي ريضانها


يابحر طامي بفـكري ثـور قـوّه وازبـدي = واقـذف اللـولو وقـدّم من نفايس دانها


خلّي الهاجوس ياتـيـني وانا في مـرقـدي = لاتـراعيـني وثـوّر بالجـزل بـركـانـها


لي تسلطنت القصايد في قصيدي ماردي = عذت بالرحمن منها لاعتلا طـوفانـها


يعتلي نـجـم الثـريا والا في نـجـم الجدي = يطمي نجوم الشعايل في مدار اكوانها


أمدح الطيّب بـفعـله واتفل بوجه الـردي = وانتقي زين القوافي من جميل الحانها


آه مــن دنــيــا تـغيــّر ياسعـد يامـسنـدي = يـابـعـد عيـني وكـلّي سكـّرت بـيبـانـها


الـرجــا بالله إلــهي هو يحـقـق مقصـدي = خالقٍ للخلق يعلي من بغى في شـانـها


الصعايب هانـها الله صـار قاسيـها نـدي = والسفينـه عـادها الله طاوعـت ربّـانـها


أحـمـد الله ماعليّــا في نـبـيـنـا مـقـتـدي = نفسي اللي طاوعتـني أحمد الله عـانـها


اسعدي يانفس ياللي راحتك بالمسجدي = أسعد الله نفس دايـم تـرتجي رحـمـانـها

[Gamrat Gaza]

صح الله لسانك

والحمدلله على كل حال ,ولاهنت على القصيده ,

[الفضلي]

صح بدنك ياجمرة


لكي مني أجمل تحية