|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
01-10-2009, 06:52 PM
|
#1 | ||||
 
|
مكالمه دوليه >>>يتوسط لسامي الجابر
رونالدو: ألو
منسق مباراة أصدقاء زيدان ورونالدو: مساك الله بالخير طال عمرك رونالدو: هلا غوميز.. شخبار التجهيزات المنسق: كل شي تمام ويسر الخاطر رونالدو: عساك على القوة المنسق: أقول طال عمرك ودي أكلمك بمويضيع رونالدو: إختصر تراني مشغول شوي المنسق: أبد. بس... أأأأأ... يعني... رونالدو: شفيك؟!! لايكون محتاج دراهم! ترى لايردك إلا لسانك ياغوميز المنسق: ماتقصر طال عمرك لا خلا ولا عدم.. بس الموضوع مهب موضوع سلف رونالدو: أجل؟ المنسق: (والله أم الإحراج.. ) بصراحة... في لاعب ودي إنك توافق إنه يلعب معاك في المبارة الخيرية رونالدو: لاعب! أي لاعب؟ بعدين إحنا إخترناهم كلهم اولريدي المنسق: لا هذا مهب في اللستة.. بس مستعد يسوي اللي تبيه عشان يلعب المباراة رونالدو: والله فريقي كامل.. ورى ماتكلم زيدان.. أخبره للحين يدوّر لعيبه المنسق: توني مسكّر منه رونالدو: أيه.!؟ المنسق: ياخي هذا زيدان عصبي شوي رونالدو: شقال لك؟ المنسق: والله مادري..أول ما طرّيت له إسم هاللاعب قام يرطن بالفرنسي وهو معصب. رونالدو: ليه. من هو هاللاعب؟! المنسق: لاعب سعودي.. يقاله.. سامي الجابر رونالدو: لحووول. الحين ما افتكينا من هالمغاربة ...بعد بتجيبلي سعودي.. ترى الفكرة إن اللي يشاركون لاعبين عالميين المنسق: أبشرك هذا لاعب عالمي وشارك في أربع دورات كأس عالم رونالدو: لا! غريبة ما قد سمعت فيه! وش مركزة؟ المنسق: رأس حربة رونالدو: أها.. زيي يعني.. أجل هدّاف.. إلا كم عدد أهدافه مع المنتخب المنسق: هاه... 26 رونالدو: غريبة.. ليه كم مباراة دولية؟ المنسق: 162 مباراة رونالدو: عفواً!!!!!! شيللي 26 هدف في 162 مباراة!! متأكد ذا رأس حربة ولا رأس شيشة!! لا يكون مدافع وإنت ما إنتبهت! المنسق: لا طال عمرك.. رأس حربة.. حتى جايب 3 أهداف في كأس العالم رونالدو: على مين؟ المنسق: بلنتي في المغرب..وبلنتي في جنوب أفريقيا.وهدف في تونس رونالدو: إنت مكثر العيار اليوم؟!! هذا لعب في كأس العالم ولا بطولة أفريقيا!!!!! أصبر خلني أبحث عنه في النت.. لحظة... لحظة ..... سنتر 9 !!!!! وشو ذا اللقب؟! يعني جايب 9 أهداف من السنتر؟!! المنسق: هاه... لا طال عمرك... بس هذي يوم إنه يسنتر 9 مرات في مباراة المانيا رونالدو: أقول إذلف لا أتوطى في بطنك (وقالها بلغة برتغالية فصحى) المنسق: تكفى طلبتك توافق.. تكفى رونالدو: الحين قول لي. إنت ليش مهتم فيه لهالدرجة ؟!!! المنسق: ودي أعدل من أوضاعي شوي. خبرك أسواق الأسهم حاست مذهبي رونالدو: عندنا وعندك خير.. بس وش علاقة ذا في ذا؟ المنسق: والله ياطويل العمر. معروضٍ علي مبالغ محترمة.. رونالدو: الحين فهمت!!! أجل السالفة إنك تبي تسترزق من ورا أبو سنتر المنسق: هذا غير الضغوط اللي علي .. خبرك أنا سمسار لعيبه.. وودي أسترزق رونالدو: حشا مهب صاحي المنسق: تكفى وافق يابو غايب رونالدو: إنزين أذيتنا.. بس شف المنسق: سم طال عمرك رونالدو: أولاً- لا ينزل الملعب وأنا فيه.. ترى بالعن خيرك المنسق: تامر طال عمرك.. نخليه ينزل آخر 10 دقايق من الشوط الأول بعد ماتطلع.. رونالدو: إيه حدّه عشر دقايق وبعدين يقضب الشارع.. ولا أقولك. مايصير ننزلة ثلاث دقايق؟! لا. لا.عيب أخاف مايمديه يسنتر المنسق: اللي تبيه طال عمرك رونالدو: ثانياً- ما يقعد معانا على الدكة المنسق: وين يقعد!!! رونالدو: مهب شغلي.. في المدرج.. في المواقف.. المهم ما أشوفه جنبنا المنسق: إبشر طال عمرك أنا أتصرف رونالدو: ثالثاً- مانيب معطيه تبديلة المنسق: شلون طال عمرك. يعني يلعب بثيابه!!! رونالدو: والله مهب شغلي. يبي تبديله.. يدفع المنسق: إيه إيه مو مشكله يدفع رونالدو: مية ألف يورو المنسق: بلّ.. شكلها واجد. بس إزهله.. بيدفعون طال عمرك رونالدو: ترى والله إني وافقت بس عشانك يا قوميز وعشان أمك هالعجيّز.. وأبيك تسترزق المنسق: جعلك سالم.. وماقصرت.. وبيّض الله وجهك.. ومانيب ناسيلك هالمعروف طول عمري رونالدو: لا أبد تستاهل المنسق: هممممم.. أأأأأأأأ.... هممممممم.. رونالدو: شفيك؟! شعندك بعد؟ المنسق: لا ... بس.. أأأأ.. عندي طليبٍ صغيّيييييير رونالدو: ماحنب خالصين اليوم.. وشو؟ المنسق: هو يقول.. يبي... هممممم... يعني.. يبي يكون الكابتن رونالدو: طووووووووووووووووووووووووووووط المنسق: أسف.. أسف. طال عمرك.. تكفى هدّي نفسك... |
||||
|
|
|
| أدوات الموضوع | |
| انواع عرض الموضوع | |
|
|
العرض العادي
