[سعود العواد]

العمر

العمر كمل واتبعه باقي الحيل *** راح الطرب والنفس علقم حلاها
أكن عبرات بصدري غرابيل *** حتى شرايين الحشاء ماقواها

أجاوب القمري وأغني مواويل *** ماجاوبن غير اللفح في خلاها
من حر مابي أشكي الهم والويل *** وأبكي شقى روحي من اللي حلاها

النفس صامت وأنشدت تالي الليل *** وين الشباب ووين وارد أرشاها
وين الربيع و أخر الدر والسيل *** والعشب والخضره حلايل ثراها

عصر الطفوله ليت غفله يجي ميل *** وأشرح له الحاضر سوافي ذراها
أول على وضح النقى عايش الجيل *** واليوم عكس الأمس بايز رحاها

الشاعر: سعود بن احمد العواد