[شلال الظلام]

سالي غصباًعنها رجــعت تبكــي يوم فكــرت أنها ممكــن تبقى طــول عمــرها زوجـة ياســـر :لا مأقدر كيف أبقى طــول عمــري عايشــه مع ياســــــر ..
سعـــود :ومن قال بتبقين طــول عمــرك بتبقين معــه أنتي ماتدريــن بكــره وش بيصيــر لك او يصيــر على ياســـــر أنتي عيشي يومك وانسي بكــــره ...
سالي :يعنـــــي خلاص برجــع له ...
سعـــود مسح دمعه نزلت على خــدها :خذي راحـتك معك أسبــــــوع
اجازه .. وجلس يضحك ...
سالي :تتطنــز أنت وخشتك .. وبفضـــول سألتــه : تهاوشت معـــه ..
سعـــــود بتحقيـرلهــا :مالك دخـــــل ...
سالي بالضحكـــــه :والله أنكم متهاوشيــــن ...
سعــود :لومافكــووه ناصــر وأخــوانه من يدي كنت بذبحـــــه ..
سالي بالدهشــه :طقيتــــه وبيتهــم ..
سعــــود:موبالبيت بالشارع ...
سالي :بالشــاررررع بعـــد الله وناســــه أخخخ اكيــد تفشل اووووف خسـاره ليتني كنت موجوده ...
سعــود كفخها على راسهــا :أعقلي يابنت عيب مهما كان هذا زوجــك اللحيــن لويسمعك احد وش يقـــــــول ...
سالي :اووووف محد سامعنـــي ...
سعــود :وبعديــن فيه شي قاهــرني فيك من زمــان ...
سالي رفعت حاجبهــا وبغرور :أدري كل شــــــي فيني يقهركم لأني كاملــه والكامل وجــه الله بــس وش هالشـــــي ...
سعـــود :ليه تقــــولين رررر ...
سالي :مقهـوررررر يعنـــي قولها ترى الحقــوق ماهي محفوظــه ...
سعــود :اقول ياشيخــه طسي أنا الغلطــان اللي جالس اراضيك واسولف معك ...
سالي :اصلاً لك الشــرف تجلس معـــــي وأكيــد بعد ماتخانقت مـــع يسوررر الحمـــــار مابقى لــك أحد ...
سعـــــود قام واقف :تصدقيــــن ان السوالف معك تغث وترفع الضغط ...
أول ماطلــع سعــــود دخلن وهج وجنـــــى اللي طلعـــــن عشـان يعطــن فرصه لخالهــن يهدي سالي ..
جنــى ويدها على خصـــرها :يعنــي على الحــــــب ..
وهج :اخخخخخخخخ ماتصور ناصر يسوي معنا كــذا ...
جنــى لكزتها مع خصـرها :وش تبين بالناصــــر يكفيك الشيبــه سليطيــن بيسوي معك اللي يغطـــي على هذا ...
وهج بقهــــر والحيا ذابحهـا :قليلة أدب ...
سالي بالضحكـــه :تعجبينــــــي جنـــى قطعيهــا بنشـوف أخرتها مع هالحيــا ...
وهج والدمعه بعينهـا :وانتي بعـــــد معها ...مأقول الا مالت على هالأشكــــــال وطلعت من عنــدهم لغرفتهــا وجلست تكلم سلطـــان بعد ماقفلت الباب ماهـــــي ناقصــه سالي وجنـــــى يطبــن عليهــــا ويكملن اللي بدن وهي تفكــــر بكل هذا جـاها صوت سلطـــان يرحــــب ..
سلطــــــان :فديت والله انفاسك قبل حتــــــى ماتنطقيــــن ...
وهج بأحراج :سلطــــااان خلنــــي أسلم طيب ...
سلطــان مسوي نفســه جدي :تفضلي سلمـــــــي ...
وهج انقهــــرت منــــه وبنبرة دلع طالعه منها غصب :سلطــااااان لاتسوي فينــــي كذا ...
سلطــان :وهج واللي يرحم والديك لاتنادينــــي كذا ترى أذا صار فينـــــي شــــي كله من هالسلطــــااان ..>> يقلدهــا ..
وهج :صرت مثلهم تتطنــز علي ..
سلطـــان حسهـا تتكلم جد :افااااا حبيبتي قولي بــس من يطنــز عليك .. لااااا مايحتاج تقــولين عارف مافيه غيــرها الملسـونه ...
وهـج بالضحكــه :لاتقــــــول عنها ملســونه حراام عليك والله جنـــى طيبه وأنا احبهــــا ...
سلطــان بالتنهيــده :أنت كل الناس تحبينها بــــس هالمسكــين اللي يكلمك ومتشفق على هالكلمــــــه يمـــــوت ويسمعها منـــك ...
وهج بحيــــا :سلطـااااااااااان ....
وتستمـــر المكالمــــه سلطــان يتغزل ووهج ماعنــدها غيــــر الحـيا وسلطـاااااان!! ...
×××××××××××××××××
أول مادخــلت كل العيـــــون التفت عليهــا كانت لابســــه تنوره جينز أخضــر ميدي وتـوب أورنج عليـه جيكــت من نفــس اللــون بس أقصـــر منــه التــوب طـويل ويــربط علــى الخصـــــر وله خيط يلف علــى الرقبــه ومفــتوح لنصف الظهـــر وطبعاً الحبيبـــه مالبست الجاكيــت اللي فــوقه كانت حاطتهـا على كتــوفها بأهمــــال ...
سمــر (صديقــــة بسمــه )تصفـــــر:يعنــــي يالنـــاس على الأورنج ...
سارا بالضحكــه :حتــى بالبرد ماتعرف تستـــــرر ...
سمــر :ياشيـــــن الغيــــره .. والتفت على بسمــه الساكتــه :ورى ماقلتي لنا أنها بالتداوم الليــوم ...
بسمــــه :وش دراني عنها أنا متفاجئــه فيها مثلك ...
سارا لسمــــر :ارفقي على البنت هي قايله لنا أنها فبيت أهلها ...
سمـــر :بسوم قلبي أعذرينــي بس هذي المفاجئه وعمايلها ..
بسمـــه :لاوكاشخــــه الأخت بعد صابغــه ...
سارا :البنـــــي روعــه عليهــا ..
سمــر:بس موكنها نحفانــه ...
بسمــه :بسم الله عليك لانحفانــه ولاشــي شوفي التــوب كيف شــوي وينقطــع عليهــا ...
سارا :حـرام عليك مولهدرجــه عاد جسمهـا حلــــو واذا نحفت بيخــرب وجهـا المليــــان ...
سمـــر :آآآآآآآه وأن وش ذابحنـــــي غير هالوجــــه فديتــــه والله ...
بسمــه بعتب :سمـرر وتاليتها معك فضـي السيره ...
وبهاللحظـه دق جــوالها وعرفت مــــن قبل حتــى ماتطلعـه من الشنطــه ...
أول مارفعتــه ماعطـاها فرصــه حتــى تقـــول الوو ..
ياســــــر :داومـــت ..
بسمــه بتنهيدة قهــر :ايـــــه ..وكملـت بالصوت واطــي عشـان مايسمعـونها البنات اللي أنشغلـوا عنهـا بالسوالف :توها داخلــــه على الكافتريا وقالبتها قلب ..
ياســـر :لاتنســــين اللحين هاللحظــه تروحيـــن وتقوليــن لها وأتصــلي علي عشــان أمــر وأخذكـــــم متى ماخلصت ...
بسمـــــه :وأذا ماخلصت أنا ...
ياســــر :بسمــه أعقلي حنـا وش قلنــا روحـي وقولي لها لاخلصت تكلمـك عشـان تطلعون جميـع مع السواق ...
بسمــــه :اوووف طيب مثل ماتحــب بس لاتنــسى انت بعـــد...
ياســــر :لاماني بالناسي يالله مع الســــــلامــه ..
ياســـــر أول ماقفل من بسمـــه وقف يطـالع شكلــه بالمــرايه اللي جزاء من الديكـــــور .. مرر يده على البقعــه الزرقاء اللي بالذقنــــه تنهــد بقهــر وهو يرجــع يجلس بمكتبـــه متى بتروح مسويــــه له أحراج مع النــاس حسبــــي الله عليك ياسعـــود ماتوقعتك متهــور لهدرجــه هــو يدري بكــل اللي يســويه بأختــه بس الحادثــه الأخيــره حزت بنفســه وخصـوصاً أنهم دخــلوا عليهــا جميــع وهي بحالتها ذيك وشافها سعـــــود وهي مربوطــه على الكرســــي ساعتهــا هرب خاف تكــــــون ماتت وهـو مايتحمـــل يفقدهــــا بس بعــد مارجعــت ودرى أنها بخيــــر رجـــــع وياليته مارجــع كان بيذبحـــــه ....
تذكـــــركيف كانــوا أخوانه مع ناصــــر اللي كانــو يفكــونهم عن بعــض وهم ماهــم فاهميــن السالفــه ومحــد من الأثنيــن هو وسعــود وضــح وش اللي صاير بينهــم ... بس بعـــــد بردهـا عليه الخايس أذا كــان هــو يحب اختــه مره انا أحبهــــا مليــوون مــرره ..
حاول ياســر يكمل شغلـــه بس مقدر كل تفكيــــره بحيبــــة قلبــه اللي بعد غيــابهــا أسبــوع عنــه بترجــع مشتـــااق لــــه اكثــــر من شــوق الظمـــآآن للمـــــاء ...ماصدق بسمــه تدق عليــه تقـــــــول تعال ألا جـاء طيـران ...
سالــــي كان الوضــع عنـدها رآآيق سوالف وجمـعة بنــات وفلـــه بس جاء الوقت اللي بتطلـــع فيه حست بالتـوتر خـلاص بالتـرجــع لياســر
بس أي ياســـر فيهم ياســر الشري الحيــوان اللي عذبهــا ولاياســـر اللي كان طيب معهـــا رغم طــولة لسانها وقاحتهـــا ...
طلعت مع بسمــه على أساس أن اللي جاي السواق كانت متلثمــــه ولابسه نظـاره شمسـيه .. سالي أول ماشافت السياره عرفتهــا سيارة ياســــر تعرف رقمهــا .. ركبت بسمــه ورى وتوقعت سالي بتجلس معها على أساس ان اللي قدام الســواق بس سالـــــي خيبة ظنهـا يوم ركبت قدام وهي تقــول بالصــوت مــرح لياســـــر وهي تفصخ نظارتهــا :هاااااااي كيفك حبيبـــي يســوررري .. تصدق أن بسمــه ماقلت لي أنك اللي بالتجـــي وقالت عنك السواق ...
ياســــــر مارد عليهــــا لأنــه كان غرقان فبحـــــر عيونها كانت لابســـه عدسات خضراء تعــود علي عيــونها الســـود تذبحــه
واللحيــــن بالأخـضــر نسفتــــــه ...
سالي بميــوعـه مسكــت ذقن ياســــر بطـرف أصابعها ولفته عليهـا:يســـوري وش فيك أنا أكلمــك ..
ياســــــر انتبــه على عمــره وأنه للحيــن واقف حــرك السياره وهو يقــــول:أمــــري حبيبتــــي وش كنتي تقــولين ...
بسمـــــه طلعت عيــونها لاوالله أخــوها ماهو بالصاحــي لاعبتن فيــه هالسالي ...
سالي :يســوري شغــــل كاظم ...
ياســـــــر اللي ناسي عمــره وأنه المفروض يطلــع هيبــــــه قدام أختــه :ياعمـــــري كم مره قلت لك مأسمــــــع له ...
سالي بالزعل مصطنــع لفت تطالع على بــرى:ايه بس توقعتك بعد أول مادريـــت اني اسمــع له تصــيرتسمــــــع له مثـلي ...
ياســــر بحب صادق:طيب تأمــرين امـــــر بس لاتزعليــن ياعمــــــري ...
بسمــــه بقلبها ياويلـــــي عليك يأخــوي شكلك من صدق تحبــها وهالمغــروره تقص عليك بالدلعــها اصلاً هذي مستحيــــل تحب غير نفسهـــا وينك يمــه تشوفيـــن ولدك حبيبك اللي شاده فيـــه الظهــرطالع على حقيقته خيخــه ومع ميـــــن ألد أعدئك ساليــووه ...
وصلــوا البيت وقف ياســـر سيـــارته عنـــد الفلــه من قدام عشــان تنزل بسمـــــه ولف علـى البيت وقف عنــد بوابة الفلــــه الخلفيــــه ونزل هــو وسالي مع درج خاص للجنـــاحه أول مادخلـــوا فصخــت سالي عبـاتها ورمتها بأهمـــــال ومشت لين وقفــــت قدام أول مـريه صادفتــــها فصخــت جاكيتهــا وجلست تضبط تنــورتها على خصــرها وفكــت ربطت التــوب ورجعـــت تربطهــا على رقبتهــا كل هــذا وياســــــر يراقبهـــا واقف محلــه قدام الباب ومفهـــي ..
سالي أنتبهــت على حــركته بس ســوت نفسهـا مشغــوله بنفسهــا أكثـــر .. بحــركة دلع رجــعت سالي شعــرها اللي بــلون شوكـلاته علــى ورى وطالعــت بياســــر بطرف عينها :الأخ معجب ...
ياســــــر :معجب بـــــس الا هيمــان ..
سالي :ماقلت لـــي ايش رايك بلوكــي الجديد ...
ياســــــر اللي تحــرك ووقف وراها مبــاشـره :حلــــوه ياعمــري حـــلوه والمفــــــروض ماتسأليني أنا لأني بكـــــــل الأحــــوال أشوفك أحلـــــى الناس بعينـــي ...
سالي سوت نفسهــا زعــلانه:أدري تجاملنـــــي ماتوقعت منك هالرد ...
ياســـــر اللي أحـتار معهــا :سالي ياعمــري ياحيــــاتي مايحتــاج أمدحــك أنتي تدريـــــن انك أحلـــى من أي وصف ...
سالي ابتعدت عنـــه وراح تجلــس بكـرسي بعيـــد عنــه:لاااا مأصدقك للحيـــن أحــس كلامك فيـــــه مجاملــه ..
ياســـــربمكـــــر بيضيــع المــوضوع:أنا أجامـــــل ياليت أعـــرف..
وجاء يجلــس جنبهــا :كــل اللي أعرفهم يقــولون عنــــي دفش حتــى أسألي سعـــــود ...
سالي أبعدت عنـــه شــوي وهي تضحــك لأنه كان لاصق فيهــا وحاط يده من ورى كتــوفها :ياحليلــه سعــوود شكلــــه ماقصـرفيك ...
ومدت يدهـا تلمــس الكــدمه اللي بوجهـه :عــورتك يومهــا ...
ياســــــر مقهـــوررررر ماتوقع سعــــود يسويها ويخبـــر سالي أكيــد طاح من عينهــــا بعـــد مادرت باللي صــار صدق نذل هالسعـــود ...
سالي بالضحكــه تنرفز الواحد صدق :كل هذا تفكــر تعــورت ذاك اليــوم او لا مــع أني أحسه يـــوم لاينتســى ... امـــوت وأعرف كيف سعــود البريء قدر يضربك أنت ...
ياســـر بالسخريــه :كمليها أنا الوحـــــش صح ياقلبــــــــي...
سالي سكتت خافت ترد عليــــه رد وقح وأكيــد جزاتها بتكــون علقه محتــرمه ...
ماكنت تدري أن الخــوف وتردد اللي تحســه فيه كان واضح علــى وجهـــا وبنظــرة عيونهـــــا .. ماحســت الا بيد ياســـــر تضمها له :قولي اللي تبيـــــن ماراح أزعــل منك ... بس أمـــــوت ولا أشــوف هالنظــره بعيـــــونك ...
سمعـــوا دق علــى باب الجنــاح ...
ياســـــر قام واقف :قلت لهم يطلعــون غدانا فــوق ...
سالي :بس أنا مأبــي اكــل تعبانــه بالنــام ..
ياســـــر :عيــوني وترضينـها علي أنام جــوعان ..
سالي أنقهــرت منه ومن تلميحـاته :وليـــه تنام وأنت جــوعان والأكــل قدامك ..
ياســــر ضرب يده بجبهتــه :الغــداء ...
وفتح الباب وشاف الغــداء اللي كانت الخدامـــــه تاركتــه على الطــاولــه ...
دخل الطاولــه وحطها علــى جنب ... رفع راســـــه مالقى سالي :اووووووف شكلها سوت اللي براسهــا وراحــت تنام طقاق أنا جــــوعان أكـــل اللحيــن وهي خلها تنــام بجــوعها .....
خلص ياســر من الأكــل وطلــع الطــاوله فالسيب اللي نزل لبيت أهلــــه تحــت ... دخل غرفة النـــوم وشاف سالي نايمــــه على السرير بالعرض وبمــلابسهــا ...ياحيــاتي شكــلها صدق تعبـانه حتـــى ماغيرت ملابسهــا أكيــد ماكانت بالتنام بس النـــــوم غلبهـــــا .. عدل وضعهــا على السرير ولحفهــــا وطلــع من الغرفـــــه ,, مافيــه نــوم مع أنه متعــود يأخذ قيلولــه بس اليــــوم حالـــــه غيـــــر مومصــدق أن سالي رجعت له بعــد مافقد الأمـــل برجعتها بس سعـــــود مثل عادتــه طلع سبــــــع وقدها ورجعها له مثل ماوعـــده,,, سعـــود آآآه ياسعـــود ليه عنــدي أحســاس أنك مأنت دايم لـــي وبيجـــي اليوم اللي أحتاج لــك فيـــــه ومالقاك ........
حس بيد تنحط علـــى كتفـــه :ياســـــر ..
ياســر وهو يعــدل جلستـــه :هلا يبـــه أسف مأنتبهت لك ...
ابراهيم :ايه أشوفك ولا أنت هنـــا وش مشغل بالك ...
ياســـــر بالحرفنــــه لقى له المخــرج وجلس يناقش أبوه فواحد من مشــاريع الشركــه وكأنه كل تركيــزه فالشغل ولايفكــــر بالشي غيـــره ...
فاطمـــه اللي دخلت وراها وحده من الشغالات معــــها صينيــة الشاي :ياســـررغريبـــــه جالس الظهــر ...
أبراهيـــــم :أيه مأخذ عقلــه الشغل مثل مأخذ عقل أبوه من قبله ...
فاطمــه اللي مأعجبها هالرد :وش فيها مرتك ياحافظ ولامرت علينا تسلم ...
ياســـر بداخلــه بدينـــا:مافيهــا شي الله يسلمك بــــس تعبانه توها راجعه من الجــامعه والعصــر تنزل لك أن شاءالله ...
فاطمـــه :ايه عاد العصــر ضروري تنزل لأن فيــه حريم بيجــون يباركــون لهـا مأبيها تفضحنــي عنـدهم ...
ياســــر :لاوش دعـــوى تفضحك مره وحــده الله يحفظك سالي بنت ناس أجاويــد ماتقصــر ...
أبراهيــم :وأنا اشهـــد مع اني ماشفتها الا مــره وحده بس والله العالم أنها أجوديــه ..
ياسر أنبسط بمدح أبـــــوه لسالي بس فاطمــــــه مأعجبها كــلامــه عشان كذا ضيعت المــوضوع ...
×××××××××××××
اوووووف أسكـــت زيــن ياربي وش هالأزعاج ...
أنقلبت على الطــرف الثاني بس للحيــن الصوت فيـــــه دست راسهــا تحت المخــده عــشان تسكــت هالصــوت بس ماقدرت بالأخيــر استسلمــت وصحــــت ....
ياســــــر :مابغيتـــــي تصحيــن ..
سالي بقهــر وشوي وتصيح :اوووووف الله يغثك ياربــي فيني نــووم أنت ليه ماتحــس ...
ياســـــر (تجنن تهبـــــل تأخذ العقــــل يازينهــا وهي توها صاحيــه من النوم ومكشـــره بعـــد ):حــــاس فيك عيــوني بس خلاص اللحيــن ضروري تصحيــن نسيتي أن فيـــه ضيـوف بيجــون لك ...
سالي قفزت واقفــه على السرير :لااااااااا ليـــه توك تصحينـــي ياررربي وش اســـوي اللحيــــن ...
ياســــــرفاتح فمـــــه من الدهشـــــه اللحيـــن هو من الصبـــح جالس يصحيهـــا واللحيـــــن تلـــومــــه صدق الحـــريم ماينســـوى فيــهن معــروف ...
شافهــا تأخذ جــوالها وتتصـــل على أحد ...
__________________