[شلال الظلام]

سعــود :تدري وش مشكلــة سالي انها صعب تحــب أي أحد وأذا حبتك الله يعينك عليهــا غياره بشكــل غير طبيعـــي ..
ياســــــر :آآآآآه ياسعــود أنا مأبيها تحبنــي ولاتغار علي كل اللي أبيه انها تقبل حيـاتها معــي صعبــه هذي ...
سعــود :ياســروالله عورت قلبــي شكــلي بتهــور وروح وأمسك ساليــووه مع شعراتها وأخليها تحبك غصب ...
ياســـر :تتريق انت ووجهك بعديــن من بيسمحلك تلمســها بس ...
سعـــود :توك تتشكــى منها واللحيــن ماترضــى عليهـا..
ياســـــر جحده بنظــره: أنا أشكــي لك من متــى ان شـاءالله ...
سعــود وهو يأشــر قدامــه :انتبــه على طريقك بــــس ..
----------------------------
:تـــرى ذليتيــنا الله ليحــوج مخلـوق لك ...
أبتهــال :ياربيـــه منك ذبحتنــي ترى أقولك مأقدر أكلمهــا أخلاقي ماتسمـح لــي ...
نايف :بتهبليــن فينــي أنتي وش اللي اخلاقك ماتسمح لك كل يوم وأنتي مكلمتها وش معنــى اليوم ...
أبتهال :بكلمها بس لطلعــت من عنــدي ...
نايف :حسبي الله عليك من بنــت وش الفــرق طيب عدينــي هالكــرسي اللي حاطـه رجليك عليه ...
أبتهال عدلت جلستها وللحيــن عيونها على شاشة الكمبيوتــر :نايف حافظ على اللي بقــى من احترامك وأطلــع ..
نايف جـرله كرســي وجلس جنبــها :وهذي جلســـه ماني بطــالع ليـن تكلمينهــا ...
أبتهــال لفت عليــه :نايف بليز أنت أخــوي وأكبــرمني وماودي أغلط عليك اللي تطلــبه مني مستحيــل أسويــه كيف تبغاني أكلم البنت وتسمع صوتها حـرااااااام والله الشــــي هذا حـــرااااام بعــديــن أنت ماتركت هالطــريق ولامســويلي فيها من برى مستقيم ومن داخل ربنا العالم ...
نايف :اللي يسمعك اللحيــن قايل بشوفها كله أسمع صوتها ماقلت أبي أكلمها لابس أسمع صوتها ...
ابتهال :ايه اللحيــن تسمــع صوتها وبعديـن تكلمها وبالتدريج ترجع لطـريقك الأولــي ...
نايف :مالك دعـــوى يالله كلميهــا ولاترى بأخذ رقمها من جوالك ...ويوم شافها تطالعه بنظـرات شك :ايه لاتطـالعيني كذا تراني مجـنون وسويها ..
أبتهال بتردد :بكلمها بس أوعدني هذي اخــر مره تطلب منــي هالطلب ...
نايف :اوعدك بس يالله خلصينـــــي ...
دقت أبتهال علــى جنــى وحطتــه على السبيكـــربعد الدقــه الثانيــه .. جاها صــوت جنــى ممزوج بالضحك :أهليـــن توتو ...
أبتهال ويدها على قلبها :هلا جنــي وش اخبــارك ..
جنــى اختفى المـرح من صوتها :جنـي يأكل راسك ..
أبتهال اللي أستردت شوي من ثقتها بنفسهـا : خلي عنك بس وش أخبــار أجازة العيـــد معك ...
جنــى استرسلت بالسوالف وقالت كــل اللي صار معها فهاليوميــن من طلعتهم للبـــر وضيـاع هــديـل وسفــرت سالي وحتــى هوشــاتها مع وهج .... ومـاكنت تدري أن فيه اذن تسمعهـــــا غير أذن أبتهـال ,,
ومن خلال احاديثهم تفاجأ نايف يوم سمــع أسمــــه بالسـالفه وهو اللي ضـايع بصوتها ..
جنـــى بالضحكــه :أبتهال أخوك ليــه للحيــــن ماسوى عمليــة تجميــــل ..
أبتهال أنحــــــرجت وماتدري وش تقــولها بس قررت تجاريها :لا والله وأنتي وش دراك أنه مسوى العمليـــه ...
جنــى :شفت صورته بجــوال عدول اخخخخ والله شكلــــه تحفــه مكشـخ من قلب ذكــرني بأيام كنــا صغار نــفرح بالعيـــد ونلبس كل شــي جديد ...
أبتهال ماقدرت تسكت أنفجــرت تضحك خصوصاً على شكـــل نايف اللي شكلــه حقــد على جنــــى ..
أبتهال بخبث :يووووه ياليته يسمعك بـــس ...
جنــى اللي على نيـاتها :ليه وش قلت أنا ماجبت شــي من عنــدي أن أقولك اللي شفتــه وكله كــوم والقلم كـوم اللي يشــوفه يقول الجمهــور ينتظــرونه برى بالأتوجـرفات ..
أبتهال :ههههههههههههههههههههههههههههههههههههههههههههههههه ههههههههههههههه ,, جنـــى خلاص واللي يرحم والديك مأقدر أتحمـــــل حسبي الله عليك قطعتــي الرجــال ..
نايف وده يذبح أختــه اللي شكـلها فرحت بالفرصــه اللي جتها على طبق من ذهب وأستغلتهـــا عشـان تنتقم منـــــه ...
وفجأه والسب بالنـايف على قـايم علــى أصولـــه أنفتح الباب ودخلـت فاتـــن وبأعلى صوتها عنــده :ناااااااايف أنت هنا وأنا مدوخـه راسي أدورك أنزل تحت شـوف أمــــــي وش تريد منك ...
أبتهال ونايف كان مفهيــن ويطالعــون فيهــا ,, وجنـــــــى قطعت تعليقهـا اللي كانت تقـوله بعد ماجاها الصوت واضح نايف أنت هنــــا ... هذي كافيــــــه تفهمها كــل اللي صـاير .. بس هـــــي كذبت أذنها وبصـوت مرتبك سألت أبتهال :أبتهال أنتـــــي عندك احد ...
أبتهـال شالت السبيكــر :جنــــى خلاص أكلمــك بعديــن مع الســلامــه وقفلت قبل ماتسمــــع ردها ..
فاتن بلاهه :أنتي تكلميــــن وهذا عنـــدك ...
نايف بقهــر :غبيــه أنتي كيف تدخليــن على الناس كذا ,, وأنتي الغبيــه الثانيــه ليش مأنكــرتي أن عنــدك أحد ..
أبتهال :صح مــو هي غبيه بلهــاء هــذي حتــى الأصمخ يسمـع صوتها ...
فاتـــن:موتقــــولون وش صــار اللحيـــن ...
نايف بقهــــر :انتي للحيــــن واقفــه انقلعي مأبي أشوفك قدامــي ..
فاتن :عاد أنا اللي مـــره ميته على شوفتك ..
وطلعت وماقصــرت بتقفيل الباب ..
نايق :يمـــل قص اليد ...
أبتهال :أستغفــر ربك وش الدعــوه هذي بـعد ...
نايف :عاجبك اللي صـار بسببها يعنـــي ..
أبتهال :اصلاً كل اللي صـار بسبة عنــادك ومحـداً بيأكلهـا غيــــري ..
نايف :وش أسوي فيك غبيــه ليه مرقعتيهـا من لحظتهــا ..
أبتهال :قلت لك مأقدر جنــى ماهي غبيـه وهي ماسألتنــي الا وهي سامـعه الصوت بس كرد طبيعــي بتسأل ..
نايف :وش بتســوين اللحيـــــــن ..
أبتهال :مافيـه أحسن من الصدق أي عذر ماراح ينفعنــي والله يستــر لتقاطعنـي بعدها والله مألومها لوسوتها ..
نايف :عطينــــي جوالك ..
أبتهال خبته وراها :لا وش تبــي فيه ..
نايف ضحك يوم فهم سبب رفضهـا :ياخبلــه جيبيه بصور فيــه ماني مكلمهـا ..
أبتهال بأرتياح مدت له الجــوال:وش تصــور ..
نايف :بصور هالمــزيون اللي واقف قدامك وأبيك ترسلينها عليهــا ..
أبتهال اللي بالســرعه حاولت تأخذ الجــوال منـــــه بس هــو رفعه عنهـا :خبل أنت بتورطنــي معها أنا مأدري كيف بتسامحنــي لو قلت لها الحقيــقه وأنت بتزيد الطيـن بله بتصرفك هــذا ...
نايف :أقول وخــري عنــي بس مأبيك تطلعيــــن بالصور .. وبترسلينها عليهــا غصب وقبل ماتكلمينهــا حتـــى وقولــي لها نايف مامطيــر البنات فيــه غير هالخشم ..
أبتهال :أنتي بتخبل فينــــي اليوم تبغى البنت تأخذ فكــره سيئه عنــك ..
نايف :لا أبيهـــا تمــوت من الغيـــره ...
أبتهال :تغار وليــه تغار وعلى ميـــن ..
نايف اللي خلص تصــوير :يالله أرسليهن اللحيــن واكتبـي الكــلام اللي قلت لك ...
أبتهال :طيب أطلع خلنـــي على راحتــي أنزل تحــت ماسمعت فاتــن وش تقــول شوف أمــي وش تبــي فيك ..
نايف :لامانــي بمتحرك ليـــــن ترسلينهن لهــا وأمي لحق عليهـا ...
وفعلا ً ماتحــرك لين أرسلت الصور وكتبت الكــلام اللي قالته وطلــع بدون مايشـــوف نتيجــة اللي ســـــواه ...
-------------------------
كانت متمــدده علــى الكنبــــه وبيدها الرمــوت ومنــدمجه مـره مع الفلم اللي تابعــــــه بس سمعت صــوت فتح الباب ســوت نفسهــــا نايمــه ... دخل ياســر للشقــه وشافها نايمـه على الكنبــه قدام التلفزيــون وبيدها الرمــوت ..طفــى التلفــزيون وسحــب الرمــوت من يدها بخشــونه كل هذا عشـان تصحـــى بس سالي ضلت على تمثيلهــا .. ياســر يوم شاف أن مافيــه أمل تصحــى وهو مضطــر يدخـل الكنبــه والتلفزيــون شالها لغرفتها ...
سالي كــان الأمــر عنـدها عادي وتمثيل أنها نايمــه أرحم عنــدها من أي مواجهه مــع ياســــر وخصـوصاً انها هاليوميــن تحس بأرهاق فضيــع ...
بس أنتفضت من مكــانها يوم سمـعت صوت تقفيلــة الباب من برى يعنــي موكفايــه ساجنهـا بالشقــه اللحيــن بيسجنهـا بالغرفـــــه بعد لا الحـاله هذي ماينسكــت عليها بس هي اللحيــن مافيها حيــل تقــول أي شــي أوتعتــرض على أي شــي ... حط ياســـر راسه على المخــده بس النــوم جافاه صعب عليــه يسجنها ماتهــون عليه يشوفها متعذبــه بس بعد نفســه ماتهــون عليــه الا متــى بيصبر عليها لازم يكــون حازم مع نفســه قبل مايكــون حازم معهــا ومن اليوم كل تصرفاته وكلامـته معها بتكــون جافه قاسيــه ولاكــــل هالتجــربه ماهــو بطالع منها بأي نتيجـــــه اذا كان بيجـرح من هنا ويداوي من هنــا ..تذكــر أهلــه اللي المفــروض يتصـل عليهم اللحيــن وش بيقـولون وهو اللي متصــل فيهم لازم يدبر له تصـريفه لهالمـوضوع ولاوش بيفكــه من لسـان أمــه اذا رجــع للبيــت وتفكـيره هذا وصله لشــي ثانــي امــه وسالي مايتطابقــون وأكيــد حرب ضروس بتقــوم بينهــن للجمعهــن مكـان واحــد ... يارب يعنـــي أن كان ناقصنــي العقــده الجديده هــذي بعـــد بس من هنـا لسـاعتها بكــون عقلت سالي شـــوي (ايه كثــرلي منهـــا ...)
صحـت سالي وشافت النــور مالي الغرفـــه ماتدري كم الساعه ولاتدري كم نامــت بس اللي تذكـره أنها صحــت على اذان الفجــر وصلت هذا كان اخــر خبرها بالدنيـــا .. قامــت وغسلت وجها من المغسلــه اللي فالحمـام ورجعت تنــام تحــس بكســــل وجــوع شديد ... فكــرت ليه مايكــون فتح الباب لهــا جربت تفتحـه لقتــه مقفل جلست على الأرض وبالتعب جلست تطق على الباب وبعد عشــر دقايق من الطق المتــواصل سمعت فتحــت باب بعديـن صوت فتحت باب الغرفـه ينفتح دخــل ياســر للغرفه وشكلــه توه صاحــي من النــوم وشرار يتطاير من عيــونه ماتكلــم ولافتح فمــه بكلمـــه بس سحبــها من يدها لين وقفــت على رجــولها وعطاها ذاك الكــف اللي دور الدنيــا بعيــونها ورماها على الأرض بكــل قسوه وطلـــع بس ... سالي مأقدر أوصف لكم حالتها فضيع الظلـم اللي تحــس ,, هــي وش ســوت اللحيــن مأرتكبت أي ذنب تستحق عليــه هالكف عشان طقت الباب وصحته من النــوم طيب جيعـانه تبــي تأكــل وهو سجنها وش تســوي أول مــره تحــس أنها ضعيفـــه بحـاجـه للشفقه عليهــا ,, نامــت على فراشهــا وهي لامــه يديها حــولها وغصباً عنها جلست تبكــي بصوت مســموع ... جلست على هالحاله لين دخل عليهـا مره ثانيــه بعد مده طويلــه ..
ياســر بلهجــه جافه:أنا طالع وبترك لك باب الغـرفه مفتوح عشـان اذا بغيتـي تأكــلين لطيحيــن علي وأبتلش فيك ...
وطلع وترك الباب مفتــوح ..
جلست سالي محلهــا وهي تراقب فتحــت الباب كانت بتعاند بس فيـه شي داخلها حذرها أن هالعنـاد محد بيدفـع ثمنــه غيرها ,, تحاملت على نفسهـا وقامت للمطبــخ سوت لها كأس شاي وأكلت معه ساندويـش واكتفت بهذا .. قلبت عيونها فالمطبخ تدور شي يسليها مالقت شي رجعت لغرفتها ونامــت .. واستمــرت على هالحال يــوميـن تأكل وتشرب وتنام ياســر يفتح لها الباب أذا طـلع وأذا رجـع قفــل عليها بعد مايرمي عليها كم كلمه قاسيــه وهي ماترد عليهــن الا بالسكــوت ... سالي مأعجبها الوضـع أنها تكــون فمــوقف ضعف مستحيــل تستمــر على هالحــاله وبعد مابيتت النيــه أنها تبين قوتها فأول مواجهه تصير بينهم .. وجتها الفرصـه لحد عنــدها يوم دخــل عليها ياســر وكان راجــع من برى ..
ياســـر :أرجعي لغرفتك ..
كان متعـود تطيــعه لاقال لها كذا ..بس المــره ذي طنشــته ولا كنــه يكلمهــا ...
ياســــر جرها مع يدهــا لين طالعت فيــه :أكلمــك أنا ارجعي لغرفتك ...
سالي :واذا مارجعت وش بتســوي يعنــي .. وبعــدين أنا لي أسم وفكــت يدها منــه ...
ياســـــر :يعنــي مأنتي راجـعه بالطيــب ...
سالي بعنــاد :لااااااااا ...
ياســـر جــرها مع يدها وهي تضــربه وتحاول تفك يدها منه لكــن هو كان أقوى منهــا دخــلها غرفتها وبعــد هزها لين شوي وتفقــد وعيـها وعطــاها كم كف محتــرم ...
سالي بالصــراخ ومن بين دمـوعها :وحش متخلف حقيررررررررر الله ينتقم منـــك ...
ياســر طلــع ورجـع ومعــه كرسي وحــبل ... وبالقــوه جلسهــا عليــه وربطــها بقســـوه كانت بتكســر عظامهــا ..
سالي وهــي تركل برجلهــا فالهــواء تحــاول تأصله :انت مجنــووون ولا واحــد يسوي مثلك أنت مجنـووووون مجنـــوووون ...
ياســـر بعد ماخلص اللي بيده تكتف وجلس يطـالعها وهي تبكـــي وتـصارخ وهو طالع قال لها :للأسف ماشفتــي شي من جنــوني يا سالي ولاتحدينــي عليه ...
سالي :أنا اكــرررهك أكــرررهك يارب تمــوووت وأرتاح منـــك ...
ياســـرصح كان طالع بس سمع كلامهــا ورجــع لها وعطــاها كف نزل الدم من فمهــا ..
طلــع وجاب له كرسي وجلس يدخــن ويراقبها وهي تبكــي ودمعها يختلط مع دمهــا والشي هذا زاد سالي وخلاها تبكــي بهستريا وهي تلعنــه بداخلهــا وتدعي عليــه بأنواع الأدعيــه قليل اللي نزلـوا دمعهــا واليــوم ومن دخلت الشقــه ودمعها ماوقف ويــن راحت قوتها تمــردها على أصعب الظروف أنطحــن تحت جبـروت ياســر وأستبداده ويــن كانت كل هالقــوه مخبيها ليــه ماطلعهـا من البدايـــه كم لك وجــه يا ياســـــــر ...
ياســـر :توقعيــن بكم اهلك يشتـــرون صورتك لوصورتك وأنتي بهالمنظــر ....
سالي شهــقت بالضعف وماردت داريــه أنه مايقول هالكــلام الاأستفزاز عشــان ترد عليــه ويضربهــا ...
ياســــر :صوره مررره مأثره بنتهم الدلــوعه اللي ماقوو لها وهي تبكـــي ...
سالي :لوكان وراي أهـــل ماسويت فينـــي كذا أنت تدري أن ماوراي أحــد عشـان كذا متطمــن للي تسويــــه ..
ياســـر :أنا اسوي اللي أبــي ومأخاف من أحـــد لأهلك ولاغيــرهم ...
سالي بصوت مليـان كره وحقــد وألم :يارب أشوف فيــك يوووم ..
ياســـــر :تدرين اني بحــركه وحــده مني اللحيــن أقدر أخليك مشلــوله وطــول عمــرك ,, هاه وش رايك أرمــي هالكــرسي اللي جالســه عليــه ...
سالي وهي تبكــي بقهــر من طريقة اذلاله لها:يالله أشوف محد ماسكك ...
ياســر قفى عنها :لا أنا بعــد أخاف ربــــــي ..
وماكتفــى انه رابطها بعـــد قفل الباب عليهـــا ... وهــو موداري أن هـــذا أخــر عهــد له فيهـــــا ..
كانت الجلســه على الكــرسي متعبــه كيف أجـــل وهي مربوطــه عليــه بس اللي هــون الأمــر أن الرباط صح محكم بس ماهــو مشدود ظلت علــى هالحال ساعتيــن بعدها بدت تحــس بالتعب وألم من هالجلــسه اللي بتطـــول ...
طلــع ياســر من الشقــه وركــب سيارته كان تفكيــره مشغــول بألف شغله وشغله كفيلــه أنها تخليه يقطــع الأشــاراه وبالســرعه فظيعــه وبدون ماينتبه على نفســه واللي زاد الطيــن بله انه ناسي محفظتــه اللي فيها كل أوراق اثباتــه فالشقــه ...20 ساعـــه قضاها فالتــوقيف حــاول خلالها يتصــل بالسعـــود كان جــواله دايم خارج الخـدمــه وأهلــه مايقدر يتصـل فيهم وهم اللي يدرون أنه مسـافر كان بيــن ناريــن يتصــل على أهلــه وينفضح قدامهم ولايصبــر يحتـري الفرج من الله وتبقـــى سالي لمصيــر مايعلم فيــه غير ربنـــا ...
ماتقــدر تحمــل أكثر بدت تبكــي وتصــرخ من الألم حاولت تنــام عشـان تنسـى الألم ويمــر الوقت بالسـرعه بس ماقدرت فبطاء شديـــد كان الوقت يمــر وينـــه ياســـرليه مايرجــع ويخلصهــا من هالأســـر ...
ياســـر فالمــوقف لايحســد عليــه عمــره ماتصــور أنه ينحط بمــوقف مثل هــذا ويوم أنحط فيــه كل اللي همــه سالي وش بيصيــر عليها بتبقــى صامــده ليــن يرجــع لهـــا أو ..... اذا صــار لها شــــــي ماراح يســامح نفســه طول عمـــره لا ان شــاءالله مايصير شـــي كلها كم ساعـــه وبيطلــع من هنـا وبيرجــع لهــا بيرجع ياســـر اللي قبل وبينسيهــا كل ألم سببه لهـــا بس هــويطلــع من هنــا ..