[العنابي]

اخواني السلام عليكم جميعا
لفت انتباهي هذه الايام والايام السابقه وبما ان الايام هذي كثرة الزواجات والله يكثرها ويجمعهم على الخير امين يارب العالمين .لفت انتباهي وكثير من المدعويين وكثير من الحضور وربما نكون صريحين اكثر او ماقاله في نفسه وبيني وبينه شخص له عرس سابق وانواع الاحراجات (((( الا وهو عشاء المفطح ))

تجد عندما يبدا مراسم عشاء الزواج الكثير تركيزه على المفطح وتجده يتسابق الضيوف واصحاب الشخصيات المدعوه سواء من داخل البلد او خارجها.

طيب ارجع واقول عشاء المفطحات لمن ؟
الشائع بينا يقول هو عشاء خاص (بكامل الذبيحه) تخصص للضيوف القادمه من خارج العيون ورجال البلد من الشيوخ البارزين والشخصيات. وهذا معروف انا وغيري رايح نقدم لهم الافضل لانهم ضيوف عندنا وبالاخص نقدمهم على المفطح.
الشخص الذي قال لي بينه وبين نفسه انا انحرجت ذيك المره في زواجنا وقلت له ليش ؟ قال لاني مخصص 3 ذبائح مفطح لضيوفي من الخارج وكبار البلد. قلت طيب. قال بس قدمت المعازيم والناس بعضها ماقدرت ضيوفي اللي من خارج البلد وكبار بلدنا ومعظمهم جلس على المفطح. طيب جاوو ضيوفي وما لقوا محل على المفطحات واناوجهي انكسر ماعاد اقول شي .
ووتعال من هنا وهناك المهم كم واحد سويت له محل اما الباقي فاسحبوا انفسهم وجلسوا على صحن عادي منعا لاي كلام.
انتهى..

اولا من جهتي اتمنى الجميع يشارك وانا بقول رايي في الموضوع بصراحه:
انا اقول المفروض من اهالي بلدنا المحترمين يعني هذي مايبي لها كلام بصراحه ا لو انا عزمت على عرس ماراح اجي على طوول على المفطح بروح اي صحن عادي الا اذا دعيت من صاحب الدعوه اني اجي هنا او حلف علي. لانه صاحب العرس اكيد مخصص له ناس من ضيوفه سواء من خارج او داخل البلد عل شان مااحرجه مع ضيوفه وعلى ذالك راج هو يتجمل مع ضيوفه وطبيعي مستقبلا راح الضيف يتجمل مع اللي عازمه مستقبلا فا ليش احشر نفسي او على قولة ( ليش اقط وجهي + او بعض الناس لزقه ) وااحرج ضيوف الرجال صاحب العرس او صاحب الوليمه وضيوفه.
وبعدا لو صار العكس وما تجمل مع ضيوفهاو ماقدرهم والله راح يقولون ماوجبنا او ماقدرنا وانتو عارفين الكلام.
المفروض نبعد شويه ونعطي فرصه لضيوفه الخاصيين وبعدها نقدر الوضع اذا فيه مجال.
وبصراحه اشوف كثير ماشاء الله عليهم يترززون يحترون المفطح او الخاص . عيني عليهم بارده وربي يخليهم لاهلهم.
والا وشرايكم انتم ؟
بس رجاء لا احد يزعل مني تراها وجهة نظر يمكن تقنعوني بكلام افضل وصراحه طيبه تخدم سمعة البلد.
وشكرا لكم:sm259: