[abusalman]

السلام عليكم ورحمة الله وبركاته ...

بصراحة أنا داخل الملتقى وناوي اكتب موضوع مختلف جدا عن هذا الموضوع ولكن غيرت رأيي في اللحظة الأخيرة,

وقلت خلني اكتب عن موضوع صادفني صباح اليوم وهو اختلاف الأسعار في المحلات وفي داخل العيون, طبعا اختلاف الأسعار اللي اقصده مو بنسبة بسيطه يعني اللي بــ 20 الاقية بـ 21 او اقل بريال يعني تعتبر النسبه اقل من 5% وانا اشوفها تقريبا تتواجد بسبب الكميه اللي ياخذها المحل من الموزع ونسبة الخصم اللي يحصل عليها .
نرجع لموضوعنا , انا اليوم رحت اشتري ترويبه سيراميك من محل اتعامل معاه دائما وكنت اخذ الترويبه (تكنوستيك ) المانية المصدر بــ 15 ريال ولي مدة على هذه الحاله لاني الاقيها في محلات الراشدية بنفس السعر وبعضهم يقولك 16 ريال علشان يخصم لك الريال وطبعا انا شفت سعرها في محل ثاني في العيون بــ 17 ريال قبل 4 شهور تقريبا وعرفت ان المحل اللي اتعامل معاه هو الانسب واليوم رحت للمحل اللي اتعامل معاه ولقيتها بنفس السعر ولكن مالقيت اللون اللي ابغيه ورحت للمحل الثاني وعلى اساس اني ماابغي الا كيس واحد فقط ماتفرق الريالين ولكن تفاجأت انه يقول لي بــ 19 ريال واخر شي بـ 18 ريال يعني الفرق 3 ريال ( 20% ) بصراحة ماقدرت استوعب الفرق ولاسيما (( حلوه لاسيما )) ان المحلات اثنينهم في العيون طبعا انا مضطر اني اخسر 20% زياده ولا اوقف الشغل وقلت امري لله عطني كيس ولكن ولله الحمد مالقيت اللون اللي ابغيه عنده وقلت احسن وبعدها اضطريت اني اخذ نوع ثاني.

السوال اللي يطرح نفسه !! الى متى الهنود والبنقاليه واليمنيه والمصريين وغيرهم من الاجانب يضحكون علينا واحنا راضيين؟ ولو ان كل واحد يشوف اكثر من محل قبل يشتري الحاجه راح يشتري من هذي المحلات او لا ؟ او ان كل واحد يقول ماجات على فرق ريال او ريالين! والمستفيد في النهايه هو صاحب المحل؟ ومادام الفرق ريال او ريالين فقط, ليش ما يتنازل عنها صاحب المحل؟

طبعا لااحد يقول الغلاء في كل مكان ,,, انا اتكلم عن اختلاف الاسعار المبالغ فيه يعني في وجهه نظري اكثر من 5 – 10 % من السعر الاساسي