ملتقى مدينة العيون - يمه أبي منك السموحة ولا لي مطلب سوى تعفين عني وترضين

يمـه فـديتك من هموم الليالي
يمـه عسى ما شر شفتك تونين

يمـه خذي مالي واخذي حلالي
يفداك يايمه وأنتي تعرفين

يمه تـرى مـنسى خيالك قبالي
يمه خيالك مسكنه داخل العـين

إليا سمعت الـصوت ينسر بالي
انسى هموم الوقت وانسى الدواوين

يمه ترى الجنه معك والمعالي
يمه قدم رجلك أحطه على العين

أذكر زمان اول وانا فالدَلالي
أذكر تعبتي معي وانتي تربين

من كثرما ركض من يمين وشمالي
واتعبك ما همي سوى اللعب تدرين

وتقولي اجلس يا وليدي ومالي
وانا مع الشارع ولعب الوراعين

احيان اقول إني صغيرٍ وسالي
العب مع الجهال لعب الشياطين

يوم اتذكر وش جرى في خيالي
مدري عن الأيام وشلون تمشين

يوم إني اكسر خاطرك ما ابالي
ما همني يمه صغير ومسكين

واذكر زماني يوم اشق الريالي
يوم الهلل والقرش يسوى الملايين

يا حسرتي يا وقتي اللي مضالي
يوم(ن) اشوفك طول الأيام تبكين

مدري مرض ولاهموم تصالي
مدري تعب مدري كثر ماتحسين

يمه عسى روحي وحالي ومالي
فدوه لدمعك يوم للدمع تخفين

يمه لو الأيام تشرح سؤالي
سألت أنا الأيام وينك وأناوين

وسألت دمعك يوم بل الشيالي
دمعة تسوى كنوز السلاطين

وسألت حر الشمس وين الظلالي
وسألت قمرى الليل ما نورت زين

يمه أبي منك السموحه ولا لي
مطلب سوى تعفين عني وترضين..

واخذي من الدنيا ودوك العيالي
أنتي لنا الراعي وحنا رآعيين

وستأذنك وقتى ترى ما صفالي
ادعي لمن ضاقت عليه الفلاتين

ادعي لمنهو بيدته الليالي
عسى زمان راح يرجع وترضين

وصلاة ربي عد رمي النبالي
على نبيٍ وضح الحق والدين
.
.