ملتقى مدينة العيون - المرق الهندي بالآجار ..بالدجاج او بالربيان

المرق الهندي بالآجار ..بالدجاج او بالربيان ..مصور

المرق الهندي بالآجار

http://www.hawaaworld.com/up/get-r1mch294.JPG

ممكن اعداده بالدجاج سواء افخاذ الدجاج او اجنحه الدجاج او مكعبات

صدور الدجاج ..و ممكن اعداده بعد بالربيان ...

اهم شيء ان عيالي حبوه وعجبهم ..واعتمدته عندي ضمن اصناف الغداء

ممكن تقديمه مع الرز ....او مع خبز التنور ...

مرق الآجار الهندي اللذيذ

المقادير :

باكيت افخاذ دجاج او اجنحه – بصل – ثوم –زنجبيل – كزبره خضره مكعب ماجي – كركم – كاري – فلفل اسود – ملح -علبه حليب جوز الهند السائل – علبه روب – نص علبه معجون -اي نوع متوفرمن الآجار الهندي بأي نكهه والافضل استعمال اكثر من نوع ( الليمون – المنجه – الزنجبيل – الفلفل .....) تخلط جميعها بالخلاط اذا كانت قطع كبيره علشان تصير ناعمه .

http://www.hawaaworld.com/up/get-sww2ejhn.JPG

خلطه الآجار تحفظ في برطمان بالثلاجه وناخذ منها قدر الحاجه لانه اذا استعملتي كذا نوع تطلع لك كميه كبيره ...
http://www.hawaaworld.com/up/get-x6im6hoy.JPG

الطريقه :
1-تغسل الافخاذوتتبل بالكركم والفلفل الاسود وملعقه من الآجارتترك نص ساعه ثم تغسل من التتبيله .
2- يقطع البصل صغير ويقلب على النار مع الزيت حتى يصفر لونه ثم نضع الثوم والزنجبيل والكزبره ..ثم الدجاج ..نقلبه شويه وبعدين نحط الماجي والملح حسب الذوق ومعجون الطماط والكاري والكركم ..ونخليه يطبخ على نارهادئه حتى يستوي نص استواء .
3- نخلط الروب مع ملعقه من الآجار ونحطه فوق الدجاج ونخليه يغلي شويه وبعدين حليب جوز الهند ونخليه يطبخ ليما يستوي

http://www.hawaaworld.com/up/get-bibocik5.JPG

.يقدم مع الخبز او الرز المشخول والبطاط المقلي ..

http://www.hawaaworld.com/up/get-eh6t1ngx.JPG

وبالعافيه على قلوبكم ...