|
اللغز00
بسم الله الرحمن الرحيم0
السلام عليكم ورحمة الله وبركاته000 وبعد هذه القصيدة ليست قصيدة غزل0 0 ولا تصف أمرأة 00 بل لغز صغته بطريقة الغزل ليكون خفيفاً على السمع والنفس00 وأطرح لغزي وأتمنى من لدية ملكة الشعر أن يكون جوابه بالشعر00 أوبالنثر00 الجادل اللي كن مطرق جسدها \\\ رمح مزجج من صنايع ردينه من حسنها كلٍ بغاها حســـــــــدها \\\ طلاّبها ضاعت حياتـــــــــــه سنينه تمشي مع الخفرات كنها وحـــــــدها \\\ متميزة تخطف نواظر رهيـــــــــــنـــــه لا شافها الشاعربيوتـــــــــــــــــــــه فردها \\\ وأختار جزلات المعاني السمينه في بيتها يكثر عمدها وتـــــــــدها \\\ وأطنابها مُدت لحد المديـــــــــــــنه لاشافها المقري تناغي ولدها \\\ عزي لحاله ضاع سمته ودينــــــــــه العين نجلاء وخصرها ما حمدها \\\ هافي مضمر كيف قده يعينـــــــــه أبو ثنايا غر ما أحلى شهـــــدها \\\ لا رامها المفتون ضاعت سنينـــــه المترفة الحاكمة في بلــــــــــــدها \\\ ما ظنتي خُلقت بماءٍ وطينـــــــــــه جديلها ضافي يغطي جسدها\\ زوّد ملامحها الحسينة حسينــــــــــــه كل الغنج فيها دروبـــــــــــــــه وحدها \\ كم عاشقٍ منها تزايـــــــــــد ونينــــــه تحرق فؤاده لكن أنّه عقــــــــــــدها \\ بربقٍ مفتّل ممسكاته يدينــــــــــــــــــه أنا أشهد أنه قد وجدها وجــــــــــدها \\ وأضفى عليها بالمشاعر حنينه شعر / أسماء الشدي 0 الحل واضح جداً وظاهر في الأبيات00 أنتظر الجواب من الأذكياء00!!!! |
- اسماء الشدي ماشاء الله عليك قصـيدتك يا زينـها في عـــددها /// واللغـز في المعنى وحـنْ خـابرينه لكن نبي نصبرمع اللي رصدها /// والحــل يمكـن هـم بعَـد راصــدينه = |
وين التفاعل ؟؟ وين الحل000؟؟؟!!!!
-طيب بقرب الحل لكم 00الحل موجودفي القصيدة00 -هذه الجادل ( أي الفتاة الحسناء ) وهي هنا ليست فتاة00 لها وضع خاص حيث لا يمتلكها إلا من أعطاه الله أدوات تمكنه من الإمساك بها 00 أدوات من داخل نفسه 00 يطورها بالمراس والخبرة والقرأة0000 الحل صار واضح 00 أنها000000000!! تصحيح بيت في القصيدة: أبو ثنايا غر ما أحلى شهدها \\\ لا رامها المفتون أبطت سنينه |
* اللّـغــز مِثل النَّــآر للّي وقَدهآ .. وأنــا تَـرى عندي الحـلُولْ السّميـنَــة أَطفِي لوآهِبهآ واحلحِل عقَدهآ .. واعتقهآ مِثْل الّلي يَعتْق الرّهِينَة حَلّ اللّغز قصــيدةَ الّلي قصَــدهآ .. يَنشــر حروفَــه والمَعــانِي دفِيــنَة |
عز الله أني للوقيدة خمدهـــــــــا /// وبعدين أبين مقصدي يا ذهينه
قالوا علآمك بيّنت لى جهدها /// ومقدر أبيّن خافيه من مبينـــــــــــــــه القصد واضح بارقٍ في رعدها /// مخايله تنشي مزونٍ هتينـــــــــــــــــــــــه وقع على قاعي وهيّض هجدها /// أحيا مواتي بعد نوح الونينــــــــه |
اقتباس:
الشاعر اللي للمعاني عمدها /// حلّك قريته في بيوتٍ رصينـــــــــــــه قيدتها في قيد معنى صفدها /// وخليتها تبحر في بحرك سفينه |
- اسماء الشدي ســـحابة يا زيـن حـنـّة رعــدها /// مرت سمانا من شـمال المدينة (قالوا علامك)ذا هواها حـشدها /// وكل ٍ شـبح للي ظهر له بعينه متخفـّّية والفـكر عـن ذا زهـدها /// تقول شعر الناس حن زاهدينه متخـفية من خـوفها لانـْحَـسدها /// أثر صحيح العـلم حازه جهـينة أقصد أن الاخت قالوا علامك شاعرة لكنها مختفية تحياتي = |
شيهانةٍ محلى مقانص هددهــا \\\ فوق الوكر كنها فتاة ظعينــــــه
جوّدتها من فوق طامي وهدها \\\ وذيرتها فوق المذاري الكنينه ومن هو تقصدني بشعره وجدها\\\ قصيدة الشاعر في قلبه وعينه الحل كما لمح له الشاعر: الغريب 0 وكما أدركته قالوا علآمك00! والحل : قصيدة الشاعر00!!!! شاكرة التفاعل 00 ودمتم سالمين00 |
* شآعرنآ الأستآذ :عبدالرحمن الغَريب وشآعرتنآ المُتألقَة : أسمآء الشّدّي شآكرة لكم هذا الإطراء لكن مآهيك الحكي :011: الشعر حكمة وموهبة مآني بقدّهآ .. و اللغز حليته ورسّيت السفينة البيت كتبته للتّو لكن خلآص قفّل مخي :180: أتمنى أكون شآعرة أو أكتب كم بيت عالأقل لكن تجربتي في كِتآبَة الشعر قليلة جداً ومُتوآضِعَة ومُحآولآتي دائماً أغصّ فيها ههههههههه أنا صحيح توصّلت للحل بفضل الله وأطلعت أخي على هذا الموضوع وقلت أيش رأيك بإجآبتي " القصيدة " ؟ قال صحيحة , وإذا تبين أساعدك في كِتآبة الجوآب في قصيدة أبشري ولآيهمّك قلت ايوه يآليت هذا أنا أحاول أعصر مخّي هههههههه ومآهي إلّا دقائق حتى أرتجل هذه الأبيآت وأرسلهآ لي فكتبتهآ في عُجآلَة صًح لسآنه وأذكروا الله بليز :011: وشآكرة لكم هذا الكلآم الجَميل يآذوق :123: أساتذتي ننتظر منكم آلمزيد من الألغآز الشعريَّة :) |
اقتباس:
العزيزة00قالوا علآمك..! شاكرة لك تفاعلك مع اللغز 00وأنت توصلتي للحل وأخوك ما شاء الله عليه صاغه شعراً0 قالوا علآمك ثبتت لي وتدها **و عضيدها صاغ الحلول الكمينه ماشاء الله عليك وعلى أخوك الذي كتب لك ما في خاطرك0 وأسعدني مرورك العابق , وأخجلتني نمنمات حرفك المزدانة بالبديع , وحسن الصنيع0 تحياتي لقالوا علآمك ..! |
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون