ألغاز شعرية

**الملك الأتحادي** · 03-30-2007, 11:08 PM

1- انشدك عن عشر خوات ما مثلهن بالبنات ***فيهن عروس بالجمال تسوى الوف مولفات
2- يمشي ورا الغلطان ويترك هل الطيب****واهل العقل لاجالهم يمدحونه
3- انشدك عن صياد يبي الصيـد والمنفعـة *** ان صاد صاد ثنتين وان اخطأ صاد اربعه
4- وما ميتا كفنته ودفنته -- فقام الى حيا سليما فااوثقه
5- تغمز على الناس بلا خجل *** و طول اليوم واقفة على رجل ِ
6- إن اعطاك ظهره حكمك ............. وإنااعطاك وجهه ماحكمك
7-انشدك عن حامل و محمول، نصف ناشف ونصف مبلول ؟
8- أنشدك عن رجلٍ رفيع وقـاره = رجـلٍ بدونـه مـا تقلـط رْبوعـه
طيّب، وطيبه بس خارج دياره = والا بْـداره مــا تبـيـن نفـوعـه
9- يـا ويـش بـنـت دايـمٍ ترفـع الراس ***كلٍّ لها من النـاس راسه يوطـيه
ترفع جميع الروس من كل الاجناس ***ومن تــرفـعه ربــّـه يميته ويحييه
• **
10- انشدك عن ضيف بدار المعــازيب**الضيف يكرهم وهم يكرهونه
وليا قلط يقلـط على غير ترحــيب**ضيف من الزلات مايامنونه
يحتاج له في بعض الاوقات تأديب**وليا بغى المرواح مايتركونه
• **
11-انشدك عن مكبل ومسجون *** وربعه معه يمشون بجنون
يطيع كل الناس عاقل ومجنون***واذا أنجرح خوية مكانه يحطون
• **
12- انشدك عن بنت ضناها ثلاثين......وان غاب واحد قلت من هو كسرها
لعيالها عشرة عيال صغيرين..........واعيالها واعيالهم في ظهرها
• **
13-وش الشايف اللي تبين لمشيوف = والعبرة المشيوف وشلون شافه
عبره لأنه بالأصل شي مكفوف = والشاهد اللي شاف عود خلافه
• **
14-انشدك عن عِدّة عْيالٍ مصاغير*** مكانهـم بحضن أمّهـم ثابْتيـنـا
يشبون النار دون تقصيـر*** مْرَبّطيـن بْروسهـم يـا الفطينـا
• **
15- انشدك عنٍ كنه السيف لا سل = تأخذ به اعلوم موكده مـن خبـاره
ما هوب هـراجٍ ولا بالخبـر زل = يغيب ويعطيـك المستوى بالاشاره
• ***
16-نشدك عن حيٍ يهل الـدموعــي ***في كل يومٍ يذرف الـدّمـع سكّــاب
ما هو حزين ولا شكى ضيم جوعي *** ذي سيرته والنـاس تجهل بالاسبـاب
• *******
17- انشدك عن شخصٍ مؤمن و ما ثوق = ولا يبـوح السـر مهمـا تـروده
لازم تسد الجوف والسن مطبـوق = ان كان تبغي منه يا خـوي فـوده
وان كان ما تملك لهل خرق خاروق = تفشل ومهما كـان جهـدك يلـده
• *******
18- أنشدك عن عذرا لها الناس خلان = اهل الصخى لولاها ويش يعملوني
لاشافها المشتاق لو كان عمسان = راح العمس من حاجرات الجفوني
غدا لها تاريخ في كل ديوان = وضحتها من شــــان ماتبلشوني
• *****
19 -شفته عجيبه من كبار العجيبات = وعجلٍ تجي بالحال للي طلبها
فيها حنان بالليال الصعيبـات = وفيها عذابٍ مر ماكبر خطرها
• ******
20- انشد ك عن ثنتين من فوق ثنتين = وثنتين في ثنتين متماسكات
ثنتين يسون الذهب والملايين = وثنتين ما يسون قيمة عباة
• *****
21- ابنشدك عن عذرى لها صفة عيال = وعيالها في بطنها من حديده
واذا ضربناها تالدهم بالحال = ويطلع ولدها ويمسك الى يصيده
• *****
22-اسألك عن بنتاًً ملحفة بالعباية = عباتها من جنسهابضع لفات
اذا كشفت لبوسها لنهاية = تذرف على خدك من الدمع عبرات
23- اسألك عن بنتاًً ميلادها عدا الثمانين = يشوفها العاشق بغاية صباها
خواتها عند البشر بالملايين = ولو عمرها عشرين محداًً خذاها
وقت الزفاف ترافق البنت بنتين = قدامها وحده ووحده وراها
• ******
24 - أنشدك عن هولة اعيونهاوساع ****قوية القدرة وضيع نسبها
وعيونها مخلوقه بين الاصباع***واصابيعها مربوطة في عصبها
• *********
25 - أنشدك عن سيفينٍ وَسْط الميادين*** وقت اللقا والغلط يِشهَرَني
واللي شهرهـن ماشـي بالقوانيـن ***والْـوانـهن كل البشر تعرفنه
• ***********
26- ابنشد العراف عن بنتٍ بدين = لاهيب تشرب ولا تاكل طعام
اشوفها بالعين تضرب كل حين = انا ادري ضربها حلال ولا حرام
و لو صفقوها من يسار ومن يمين = لادمعه تطلع ولا يطلع كلام
• **********
27 - أنشدك عن رجلٍ نزل بين ثنتين = له عندنا حِشْمه وقدر و كرامـه
سِمـيّـه فـيـه الـرجـال مْسمّين = أهْل الشجاعه والوفا والشهامه
• *************
28- أنشدك عن رجلا يتعب لغيره **** ياكل ولاهو من اكله مستفيد
يخدمـك والله اعلــم بتدبيره **** يمشي بأمــرك وعلى مـاتريد
• ************
29 -اسألك عن شي(ن) ثمين(ن) ومدفون--- شين ثمين تكره الناس شوفه
يجري مع الحيين وان ضاع يبكون----- وان شافه الرجال يزاد همه وخوفه
• ************
30- انشدك عن بنتين لهن عدة عيال = هن خوات وكل وحدة تشيل عيالها
وحدة يوصف بها الطيبين من الرجال = واختها ما هوب فال النشامى فالها
• ************
31 -وش العجيب اللي كثير طلوعه.......... ياقل مايطلع مع غيبت الشمس
ظلوعه يمشي ونوب ماتبين............. باللمس لاتاكله نار ولايحس
32- انشدك عن انسان وزوجته لاهو بني آدم و لا هي بنت حواء؟