حلااا الشطرنج .. جديد وخيااال .. الخطوات بالصور

**الحلوه** · 01-21-2008, 08:26 AM

بسم الله الرحمن الرحيم

المقادير:
كيك امريكانا بالشوكولاته المستطيل
1 قشطه
1 دريم ويب
6 كيري
1 كريم كراميل
و للوجه:
1 كريم كراميل + كاس الى كاس ونصف سفن اب
الطريقة:
اول شي تجيبين كيك امريكانا المستطيل بالشوكولاته
و هاذي صورته

و تقطعينه شرائح بهذا الشكل

و بعدين تصفينه بالصينيه بشكل متساوي و مرتب بدون فتحات

خلي كل الشرائح بنفس العرض عشان يكون السطح مستوي

و بكدا خلصت الطبقة الاولى و بيكون شكلها

الطبقة الثانية:
تخلطين في الخلاط
6 حبات كيري - 1 قشطة - 1 مغلف دريم ويب - 1 كيس كريم كراميل و هاذي صورتهم بعد

و تصبين الخليط بالتساوي على الكيك اللي في الصينيه بهذا الشكل:

نجي للشي المميز في هذا الحلا و هو شكل الشطرنج....
تجيبين بسكوت كتاكيت مولتو
تجيبين اللي بالشوكولاته و الابيض على فكره حجمه صغير اصغر من حجم بسكوت الشاي
و هذا شكلهم من برا

و تبدين ترصينهم على شكل شطرنج يعني وحده بيضاء وحده بنيه بهذا الشكل:

لحد ما تصير الصينيه بهذا الشكل (انا مسويه صينيتين المقادير اللي اعطيتكم لصينيه وحده)

اخر شي الطبقة الاخيرة هي
تحطين كاس الى كاس و نصف سفن اب على النار (على حسب رغبتك تبغين الطبقة خفيفه او اسمك)
و تضيفين عليه كيس كريم كراميل و تحركينه شوي بعدين تصبينه بحذر على الصينيه
اللي راح يكون شكلها النهائي كذا:

وبالعافيه

ان شاء الله يعجبكم