الشاعر عبدالرحمن العيسى الغريب وتاريخ حافل بالشعر

[شوووق]

قصيدة أخرى من قصائد الشاعر عبد الرحمن الغريب


التفحيــط

ياولد خل التفحيـط والطـراد

لاتصير بها مع الطاغي لزيـم

التفحـط والتسكـع والطـراد

ماتفوز ابها ولاتغـدى زعيـم

كم قرير نايـم فـوق المخـاد

انزعج وامسى صفا سماه غيـم

والمريض اللي تروّع منك زاد

واختلف من في صلاته مستقيم

غير هذا موترك بالجـور بـاد

تحسب أنك عاقل وانت وهيـم

كيف ترضى بالاذى لاهل البلاد

كيف ماتخشى اللذي فوقك عليم

من يحطك في محل الاعتمـاد

من يعزك من يقول انك حشيـم

يااهل المعـروف رواد النـواد

النصيحه ياهل الراي الحكيـم

بلغوها من لهـا بالصـدق راد

ويحذر الدعوات في الليل البهيم