|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
09-18-2009, 03:52 AM
|
#11 | |||||||||||
|
اهلا بك اختي في الملتقى
وكلنا شوق لاستكمال القصه ومعرفه هالسكوت الرهيب من حمده ومعرفة ماذا دار بين حمده وسليله ؟؟ ولم هي بالذات من دون البنات انا عندي استفسار القصه اخذتيها من موقع معين ولا هي تاليفك ؟؟ اذا من موقع يا ليت تعجلين بالقصه ما يصير هيك ترى كلها نسخ ولصق ويعطيك العافيه |
|||||||||||
|
|
|
09-18-2009, 03:52 AM
|
#12 | |||||||||||
|
اهلا بك اختي في الملتقى
وكلنا شوق لاستكمال القصه ومعرفه هالسكوت الرهيب من حمده ومعرفة ماذا دار بين حمده وسليله ؟؟ ولم هي بالذات من دون البنات انا عندي استفسار القصه اخذتيها من موقع معين ولا هي تاليفك ؟؟ اذا من موقع يا ليت تعجلين بالقصه ما يصير هيك ترى كلها نسخ ولصق ويعطيك العافيه |
|||||||||||
|
|
|
|
09-26-2009, 08:01 AM
|
#13 | ||||
 
|
باقى اعترفات حمده حابين تسمعون الاعترفات.... صباح جديد من صباحات روتينيه تحمل نفس الحركات والهموم دقت الساعه عند راسي الصبح وما قدرت اقوم خبطتها بيدى وجبت اجلها عاد انا سمعت عن اختراع ساعات تطير فى الجو يعنى لما تدق الساعه تطير بالغرفه وانت بالحاله تظطر تقوم تلحقها عشان تطفينها قلت ليتنى اجيب وحده زيها واقعد اطارد وراها بالغرفه كل صبح اليوم الاربعاء ازين ايام الاسبوع اكيد لبست ملابسي ونزلت بسرعه يالله تصبحها بالخير جدتى هلا انتبهى وانا امك على عباتك لاتفصخينها ابدا ابشرى ماتبين فنجال قهوه يقعد راسك لا جدتى مايمدينى يالله امكن واروح طيب ,,, منو بيودينى الكليه اليوم ؟ كلهم طلعوا... شلون طلعوا وخلونى .... دقيت بسرعه على ساره بالجوال ردت على أغنيه تقول مو خساره مو خساره يابعد عمر ساره !!! يالله صباح خير اخيرا ردت الو ساره هاه اسمعى طلعتى من البيت او للحين ؟ لاتونى مابعد جاء الباص حلو اجل تكفين خلى راعى الباص يمرنى ماعندى احد يودينى زين وجاء الباص وعو ما احبه بس للظروف احكام ركبت الباص يوووه زحمه مالك مغز ابره كل الاماكن كل هذولا بيتخرجون ويطحون فى عالم البطاله مامن وظائف تضفهم يعرسون ابرك كلها خدمه للوطن!!!! هع وقفت بالباص كنى خبله وتذكرت الافلام المصريه وحنا بتوع الاتوبيس وقلت الله يعين وشفت يد من بعيد تلوح لى حلوه تلوح هذى مدرى كيف جت هع هذى ساره ياحليلها حاجزه لى مكان جنبها تعالى انثبرى وش فيك اشر لك وانتى مو هنا... لا ابدا افكر بالخريجات وخدمه الوطن !!! وشو ... وش الخرابيط اقول انثبرى بس ... وجلست جمب ساره وكانت ساره قاعده جمب الشباك!! اقول ساره هاه ليه انتى الى جالسه جمب الشباك خلينى اجلس انا اقول طرار ويتشرط الحين احمدى ربك الى رديت على جوالك الصبح واحمدى ربك الى خليت راعى الباص يمر بيتكم واحمدى ربك الى حاجزه لك مكان انثبرى بس... طيب ,وو والله صادقه الحمدالله الذى لايحمد على مكروه سواه,,,, ساره وش فيك تعبانه او متضايقه ؟ مافينى شي لا فيك خير ..... ياربى ارمى نفسي من الشباك وترتحين ,,, وشوى وبكت ساره !!!!! يؤ يؤ ساره انا اسفه ماقصدت ازعلك وش فيك ؟ ابوى ,,, ابوى ياسليله... وش فيه ؟؟ للحين مصر على رايه ... اها فهمت ابوك للحين بيزوجك ولد عمك وانتى رافضه ايه البارح قالى مالك غيره رضيتى او انرضيتى لو تنقزين لسابع سماء مالك الاهو ... حاولى ياساره تتكلمين مع ابوك هذى حياتك ... عجزت ,,, عجزت انتى ياسليله فاهمه علي ,,, والله فاهمه ياساره ,,انتى محجوزه مثل كراسي الباص بس الشكوى الله مابيدى شي اسويه لك .. ادعى ربك والفرج من عنده... لا مو فاهمه ياسليله ... مو فاهمه ... ووقف الباص عند الاشاره عاد الاشاره غثه طويله يمدى ساره تاخذ ولد عمها وتجيب عيال والاشاره باقيه مافتحت ... ساره تكلمى وش فى خاطرك؟ مو فاهمه انك تتزوجين واحد ماتحبينه مافيه ترابط بينك وبينه .. طول عمرك ماحسيتى باى احساس له ... ياساره انجح الزوجات الحب بعد الزواج والعشره .. اقول اسكتى هذا كلام جدتك اجل وشو الى انا مو فاهمته ... فهمينى ,,, سليله ,,, ياخير,, انا ايه انا احب يؤيؤ والله ايه وهو يحبك مادرى لاحول ولاقوه الابالله وش القراده حب من طرف واحد واكتشفت ان ساره تحب ولد خالتها من سنين.. بس من بعيد سليله خير تعتقدين يحبنى ؟؟ ههههههه الحمدالله والشكر يابنتى افهمى على واذكرى ربك هو من العائله صح صح ويدرى بسالفه خطوبه ولد عمك لك صح صح اجل مافكر فيك ولاجاب طارى لك .. لو فيه بقلبه شي كان تحرك وتكلم .. وهنا فتحت الاشاره ووفتحت عيون ساره وقامت تصيح .... طالعت بساره بكل حسره ... بنت جامعيه بس للحين مالها حق وكلمه بشريك حياتها الاب يقرر ويوافق حال ساره مثل حال كثير من البنات ترفض واقع مفروض عليها وتحب بصمت تركت ساره تبكى وتبكى يمكن ترتاح من هموم وفجاءه والباص يمشي صوت صراااخ لالا يوووووووووه يمه قله ادب ياقليل الحياء يالى ماتستحى على وجهك واختبص الباص والى واقفه جلست والى جالسه قامت.. وواقف راعى الباص ونزل من الباص؟؟؟؟؟ وش فيه وش صار ؟؟؟ سياره صغيره كانت تمشى ورا الباص ومسويه ازعاج للبنات الى اخر الباص ساره : يقولون شباب مسوين ازعاج للبنات الى ورا وانتى وش دارك يمكن البنات معطينهم ضوء اخضر .. الحين مين الى صرخت وتقول قله ادب هذى شوفيها الى جالسه ورا... وجتنى حساسيه لازم اعرف وش السالفه وسالت البنت الى جالسه وراى لو سمحتى,,, وش السالفه وش فيك ماتسمعين لامعليش كنت نايمه اخذت غطه تونى اقوم ليه الباص واقف الظاهر وصلنا يالله ننزل... اى وصلنا انتى كملى نومتك ابرك هذولا شباب يلحقون الباص ههههههههههههه من جد والله ايه ماتشوفين لا والله ماشفت كنت ايه نايمه ايه صح ومشى الباص ...... وصار ازعاج كل البنات يتكلمون بسالفه التفت لساره وقلت زين الحين صار فيه خبر الموسم يهذرون فيه البنات ووصل الباص ودخلت الكليه وطلبت من ساره تروح تغسل وجهها منتفخ من كثر الصياح ....... مريت الكافتريا مثل العاده وانا واقفه سمعت بنتين يتكلمون يقولون شباب دخلوا على باص بنات من كليتنا !! ايه ويقولون هددوا السائق بمسدس والبنات تصرخ ايه وسمعت بعد ان الشرطه والهلال الاحمر والدفاع المدنى جوا ايه وسمعت بعد انهم مسكوا بنت رهينه وطلبوا سياره واخلاء سبيلهم او يذبحون البنت!! ههههههههههههههه كل هذا سمعتوه ايه متى؟؟؟ تو الباص واصل!!! سمعنا ان فيه بنات اتصلوا على بعض وقالو الباص محاصر!!!! لا انا سمعت ان الباص صدم واحترق وماتو كل الى فيه .... ههههههههههههه طلعت القاعه وانا على الدرج شفت منيره تركض.... منيره هلا سليله وين ؟ بروح الحاضنه تجين معى ,,و يالله ونزلت تحت قسم الحضانه خاصه بالاطفال اطفال الطالبات والموظفات بالكليه كان ولد منيره عليه حراره الله يهديك بس كان ماجيتى اليوم وغايبه دام ولدك مصخن,,, ما اقدر عندى غياب واجد دخلت الحضانه وشفت الصغار يهبلون اللى نايم واللى يبكى واللى هادى ياربى وش ذنب الصغار يجون من صباح الله خير المفروض الواحد الحين بفراشه الشكوى لله تطمنت منيره على ولدها ورجعنا القاعه ... دخلت القاعه وبسرعه جت عيونى على كرسي حمده.. اليوم بتتكلم معى ان شاء الله تتكلم ولاترجع لحاله الصمت .. شفت حمده جالسه مكانها مثل العاده.. وصلت عندها ... صباح الخير هزت راسها وضحكت... حمده .. انا جاهزه اسمعك اليوم انتى للحين عند وعدك .. وهزت راسها مره ثانيه ,,, ورجعت مكانى ودخلت نوير .. هلاسليله هاه بشرى حكت معك ابو الهول ؟؟ لا للحين بس عند وعدها... تدرين نوير لو ماحكت بحطها بالباص حقنا الى يركب فيه يتعرف على طول قلت الكلام وعيونى على ساره الى غسلت وجهها وللحين الدمع بعيونها ... دخلت ريم القاعه صباح الخير يالربع هلا ريم هلاسليله اقولك اليله زواج ولد عمتى ,, تجين للعرس وين عرسكم بالقاعه ذيك الى على الشارع ايه ايه عرفتها تجين اعطيك بطاقه عطينى بس ترى جدتى بتجى معى حياك الله انتى وجدتك واخذت بطاقه من ريم اليوم الاربعاء واليله الزواج ووزعت ريم بطاقات على بنات القاعه نوير تروحين .. ايه مسكت البطاقه ورحت عند حمده حمده ماتجين للعرس اليله تعالى وسعى صدرك ونزلت راسها و بدت المحاضره ... كانت ماده عامه وثقافيه ودكتور الى بالشاشه اعمى مايشوف سبحان الله ومعه دكتواره سبحان الله يارب ... انتهت المحاضره وبسرعه رحت عند حمده حمده تعالى نتمشى شوى برى القاعه وأول مره حمده تقوم وتطيع وطلعنا .... حمده نعم انا اسمعك ممكن تتكلمين اتفضلى ... وش تبينى أقولك ؟؟ قولى الى بخاطرك اى شي مو ضرورى تقولين لى ليه حاله السكوت عندك مو مهم قولى لى هوياتك اهتمامتك وش تحبين وش تكرهين و احب الكوره والسيارات؟؟؟؟ طيب عادى فيه كثير يحبون النوع من الرياضه لو انها ماتناسب البنت ... بس ممكن ليه لا وانتى ماتحبين الكوره والسيارات انا لا مالى علاقه فيهم صراحه يعنى ماتشجعين فريق؟؟؟؟؟ لا اشجع المنتخب... غريبه ووين الغرابه حسبتك تشجعين الفريق هذاك... وش معنى الفريق هذاك.. لان أغلب البنات يشجعونه ولان اخت اللاعب هذاك موجوده معنا هنا بالكليه ايه شفت اخته والبنات حولها زى النمل عشان اخوها الله لايبلانا... طيب حمده مارح تجين العرس اليله لا ماظن .. ليه ؟؟ ما احب العروس وجع راس تعالى اتفرجى على الموديلات والتسريحات و هذى كلها خرابيط واكتشفت ان حمده مالها ميول ابد بالموضه والمكياج والتسريحات والملابس وطالعت فيها شعرها مو مقصوص مربوط على بعضه اظافرها ما اطن بيوم بردت الاظافر او حتى حطت مناكير مثل البنات .... حمده نعم ليه كنتى ساكته طول المده؟؟ او ليه قررتى تتكلمين اخيرا ؟؟ ماحد فاهمنى ياسليله شلون ابوى من ولادتى كان رافض وجودى لما بشروه انى بنت زعل وتضايق من جيت على الدنيا وانا احس انى شؤم ووباء على أقرب الناس لى ... فى الشهر الى جيت فيه ابوى طلق امى ورجعها بعدين بس للحين كل ماتشوفنى تقول من شفتك ماشفت خير ابدا اخواتى البنات الى أصغر منى كلهم تزوجو وانا ما احد فكر يخطبنى لانى شينه ولاعندى اسلوب مثلهم ولا عندى طلعات وروحات واختلاط مع الى حولى دايم لحالى .... طيب حمده وش رأيك بالزواج ما ادرى شلون نط السؤال قدامى ردت احس نفسي مشاعر جامده وش مشكلتك ياحمده؟؟ ممكن تكونين بعيده عن الله؟؟ لا لا انا الحمدالله اصلى وقريبه من ربى بس رافضه كل شي حولى رافضه اسمى وشكلى ومجتمعى وحالى احس انى انا مو انا فاهمه سليله؟؟ لا والله مو فاهمه بس حاسه بكل كلمه قلتيها .. ودامك من ربك قريبه هو منك قريب قولى يارب ومديت يدى ومسكت كتفها وفجاءه بعدت يدى ورجعت وراى ؟؟؟؟؟ انا اسفه ماقصدت شي حصل خير بس انا ما احب احد يلمسنى خاصه اذا كانت بنت ؟؟؟؟؟؟؟؟؟؟؟؟؟؟؟؟ :sm225: |
||||
|
|
|
|
09-26-2009, 08:05 AM
|
#14 | ||||
|
هنا انا قمت اتلفت حولى وش تقصد حمده بالكلمه كتمت تعجبيى وابتسمت بكل غباء وقلت : بس انتى بنت وانا بنت وعادى وصرخت فى وجهى لا مو عادى طيب براحتك ومشينا ووصلنا الحمامات ووقفت قدام المرايه امشط شعرى حمده مشطتى شعرك لا مو ضرورى طيب براحتك وطلعت قلم روج تونى شاريته ودخلت علينا نوير الله سليلع من وين شاريه الروج من بسطه الحريم هع لامن جد لونه حلو مقدم خيتو مايغلى عليك وطلعت نوير مشط ومشطت شعرها وطالعت بحمده من بعيد حمده جربى حطى من الروج لا لا طيب براحتك والتفت نوير ناحيه حمده وقالت حمده فكى شعرك خلينى اسرحه لك شكلك ماتعرفين تسرحين شعرك لا لا مشكوره واصرت نوير على حمده انها لازم تمشط شعرها ووافقت حمده بس بشرط ووافقت حمده تمشط شعرها بس بشرط نطلع من الحمام وتبقى بروحا تقول مايصير تفك شعرها عندنا طلعنا من الحمام وتركنا حمده تمشط شعرها وسط استغراب من البنات قالت وحده منهن مو صاحيه الحمده !! طلعت حمده بعد ما مشطت شعرها ووقفت معها عند صندوق العبايات اتاكد من وجود عباتى عقب ذيك السرقه _ حمده وش تسوين ,, ابد اتاكد من عباتى _ والله انها غثا ,, وشهى الغثا _ العبايه ,, لا ياحمده لاتقولين كذا _ ما احبها تكتم نفسي .. اجل وش تحبين _ احب البس ثوب وشماغ!! ,, ههههههههههه ومشيت مع حمده للقاعه وانا اضحك عليها اجل ثوب وشماغ قعدت اتامل حمده معقوله تكون بنت مسترجله يعنى تتصرف زى الاولاد وكثير بنات مسترجلات بالكليه يلبسون سروال سنه ويحطون عطر رجالى والشعر على رقم ثلاثه والمشيه مانى قايله بس حمده غير ماعندها الحركات وربى الحمده عجيبه ....... في اليل قررت اروح العرس وطلبت من جدتى تجى معى "" جدتى تروحين معى للعرس ,, منهو المعرس؟؟ "" هع جدتى وش عليك منهو المعرس من طرف وحده من البنات ,, زين وانا جدتك نروح بعد المغرب "" هع اى مغرب جدتى مايصير نروح بدرى بعد المغرب مافيه احد نروح متاخرين شوى ويالله ويالله اقتنعت جدتى تجى العرس ووصلنا القاعه زحمه عند البوابه الدخول بالبطاقه والحارس لازم يتاكد من الدعوات وقفت انا وجدتى ننتظر دورنا بالدخول وقدامنا اربع حريم .. الحين انا وش اسوى مامعى بطاقه ,, مايدخلونك دون بطاقه .. طيب والدبره ,, مافيه حل غير واحد من ثنين .. وشو ,, اما نقول للحارس انك جايه معنا وكلنا عايله وحده او ناخذ احنا البطاقه ونعطيك الكرت فاضى يحسبه بطاقه!! ههههههههههه يحليل الحريم اذا جو يخططون مصيبه... ودخلنا القاعه والديجيه شغال خليلو خليلو ,, جماله يجنن وسنه صغير ولقيت ريم واقفه بالاستقبال مع اهل المعرس _ هلاسليله ,, هلافيك _ هذى جدتى ,, هلا بجده سليله وجدتى معصبه مو جايز لها صوت الموسيقى العالى اخذت جدتى وجلسنا على طاوله وقعدت اتلفت ادور احد من بنات القاعه وفجاءه شفت نوير والشله قاعدين فوق القاعه نظام قاعات المسرح والاوبرا ناس فوق وناس تحت وبدا العرس وكان روعه رقص ووناسه والطاقاقات مايطقون اى اغنيه الا بخمسين جت نوير عندى وقالت: سليله ليه ماتجين عندنا .. ما اقدر يانوير اترك جدتى بروحها _ طيب اجلس معك .. وجلست نوير معى نوير _ خير .. منو هذى الى واقفه مع ريم _ هذى اختها تهانى .. مشاء الله عليها وش زينها _ ايه بس مالها حظ .. يؤيؤ ليه _ مطلقه وماتوفقت بزوجها وعرفت من نوير ان تهانى اخت ريم مطلقه من سنتين وعندها ولد عمره اربع سنوات عايش معها بعد ماتزوج طليقها وتعجبت من تهانى جمال وحبوبه ليه تطلقت دنيا ماتعطى احد كل شي التفت لنوير _ نوير .. هاه _ تهانى تدرس؟ .. لا معلمه _ بالله شكلها اصغر من كذا ووين ولدها ؟؟ .. اكيد معها موجود .. ماتقدر تتركه حتى ابوه يهددها انه بياخذه منها لو فكرت تتزوج _ وليه يهددها من حقها تتزوج .. ايه بس بعض الرجال مايكفيه انه طلقها لا يبيها طول عمرها تفعد تخدم عياله ولو فكرت تتزوج اخذ عيالها منها... _ قعدت اتامل تهانى وانا محزنه على حالها وعرفت من نوير ان ابو الولد يهدد تهانى انه بياخذ ولده لو فكرت بحياتها ... وقررت تهانى ماتتزوج ابد رغم انها صغيره وحلوه ومعلمه .. وماعندها غير الولد ولقيت نوير تقول .. حتى الصيف العام كل اهلها سافروا وهى بقت لحالها بالبيت مع ولدها!! _ وليه ما سافرت مع اهلها .. اهلها كلهم راحوا بالصيف لمصر امها وابوها واختها ريم واخوانها ولما جت تهانى تروح معهم كان لازم تجيب موافقه من ابو ولدها عشان يسمحون له بالسفر للخارج تعرفين مايطلع برى الديره الا بموفقه ابوه وابوه رفض وقال لو سافرتى بولدى باخذه منك ومارح اعطيك اذن بسفره... _ اعوذ بالله بعض الرجال لايرحم ولايخلى رحمه الله تنزل.. جت الساعه 12 والرقص شغال وامتلت القاعه وبدت جدتى يجيها النوم... ولقيت جدتى تقول: سليله يالله مشينا _ وين نمشى جدتى تو الناس مابعد جت العروس .. اى عروس عروس الحزه اصبحنا هذولا ماعندهم عشاء ماصار عشاء هذا سحور وللحين مانزفت عروسهم الله يرحم ايام اول امع اذان العشاء كل شي خالص ... نوير ,, ههههههههههه ههههههههه وربى جدتك تحفه ياسليله ههههههههههههه وحاولت اخلى جدتى تقصر صوتها وهى تقول وين عشاهم.. وجت العروس ودخلت القاعه جدتى.. وش فيها مصبغه خشتها الله لا بلانا نوير : ههههههههههه جدتى : وخزيااه شوفوها تضحك ومتشققه راح الحياء خلاص ماهى مصدقه انها اعرست كل الضحك وين حياء بنات اول نوير: خخخخخخخخ يابطنى بطناه من جدتك ياسليله جدتى : بنات اول تجلس اسبوع ماتطلع غير لرجالها وتجلس شهر ماتضحك ولا احد يسمع صوتها وبنات الوقت الله لا يسفهنا ضروسها طالعه قدام الناس نوير.. هههههههه ويمكن ترقص بعد ياجدتى.. وحنا جالسين نشوف العروس والرقص دخلو القاعه ثنتين منقبات الساعه وحده وربع نوير.. سليله وش فيهم هذولا توهم يجون _ وانا وش دارنى عنهم نوير.. شوفى شوفى دخلوا من غير تفتيش على الجوال _ اكيد الحزه مافيه تفتيش الساعه فوق الوحده اللى يفتشون خلاص راحو من عند الباب وجوا اثنتين المنقبات وجلسوا بالطاوله الى جمبنا وسمعت انا ونوير الحوار :: يالله بسرعه خلصينا ,, اصبرى لا تفضحيينا ,, اخاف احد ينتبه :: ماحد يمك اخلصى بسرعه ؟؟ ,, طيب :: وينها الحين ,, شوفيها هناك واقفه على المنصه لابسه ثوب اصفر والتفت انا ونوير على المنصه وفعلا كان فيه وحده لابسه اصفر وشفت وحده من الثنتين طلعت جوال كاميرا _ يؤيؤ يانوير هذولا معهم جوال كاميرا .. نوير ايه اشوفهم _ هذولا جاين متاخرين .. ايه ومتقصدين ام ثوب اصفر بالذات وسمعنا الثنتين يقولون :: يالله صوريها بسرعه خلينى نمشى ,, طيب :: انجزى مانبى احد يلاحظ شى ,, من بيلاحظ الكل لاهى مع الرقص وطلعت جوالها ,,, نوير نوير بيصورون المسكينه وهى غافله لازم نسوى شي ووقفت انا ونوير ورحنا عند المسؤله عن القاعه وعلمنا ان فيه ثنتين معهم جوال داخلين يصورون وحده وجت المسؤله واخذت الجوال منهم ولقيت نوير راحت عند ام ثوب اصفر وعلمتها وسمعت بعدين من ريم ان بين ام ثوب اصفر والثنتين عدواه وكانوا بيصورنها وينشرون صورها لاحول ولاقوه الابالله للدرجه وصل الشر بقلوب الحريم.. الساعه ثنتين.. تقضلوا على العشاء والتفت لجدتى لقيتها نايمه جدتى يالله العشاء .. اى عشاء هذا سحور ,, نوير ههههههههه ودخلنا قاعه العشاء وشافت جدتى البوفيه وماعجبها وقالت: وين المفاطيح ؟؟ وتعشت جدتى ورجعنا البيت ...... ويوم السبت رحت الكليه الصبح وكانت مفاجاءه .... يوم السبت يوم ثقيل تحس كله هم ونكد طويل وملل الساعه خمسه فجر السبت سليله : صباح الخير جدتى جدتى: يالله تصبحها بالخير,, وشعندك جايه المطبخ سليله : اليوم مواعده البنات اجيب لهم خبز صاج جدتى : خبز صاج وتوك تقومين ليه ماقمتى من بدرى الحين قرب الضحى !!! سليله : ههههههه اى ضحى ياجدتى الساعه خمسه الفجر طلعت جدتى من المطبخ مسويه لها قهوه عجنت عجينه الخبز ورحت اشرب فنجال قهوه مع جدتى تاملت وجهها كله حنان التجاعيد رسمت خطوط شقى سنين مرت بس للحين العيون فيها لمعه ... الساعه سبعه كنت داخله الكليه وبيدى حافظه مليانه خبز نزلت الحافظه وعباتى ونزلت الكافتريا وطلبت شاى بحليب وجلست على طاوله اشرب وانا اشرب الحليب: جت وحده من البنات كانت معى من ايام الثانوى وداد : هلاسليله شلونك سليله : هلا واداد انتى اخبار امطار علوم وش صار وداد: هههههه ابدا ساكنه اقولك سليله ماشفتى مشاعل وش جابت معها للكليه اليوم ! سليله : اى مشاعل !! وداد : مشاعل ال ,,,,, الى بقسم الانجليزى سليله : ايه ايه عرفتها وش جايبه معها ؟ وداد : لا انتى احزرى وش جايبه ؟ شي خيال ماتتوقعين ؟ سليله : وش جايبه لايكون جايبه خبز صاج مثلى وداد : ههههههههههاى اى خبز انتى بعد لا لا شي اشد فضيع !!! سليله: بالله وش جايبه مشاعل جايبه جدتها معها وداد : لا لا تعالىمعى اوريك وش جايبه مارح تصدقين .. سليله : يالله مشينا قدام واخذت كوب الشاى بيدى ومشيت مع وداد وداد : ماخلصتى كوبك جايبته معك سليله: ايه تونى شاريته اجل ادفع فيه 3 ريال واخليه وداد : ههههههههه سليله : وش جايبه مشاعل واداد : تصبرى بكوب حليبك لحد ماتشوفين بنفسك ووصلنا قسم الانجليزى وكانت زحمه وصجه على الصبح سليله : وش فيهم زحمه لاتقولين جاين يشوفون وش جايبه مشاعل الله كل هذولا عندهم حب استطلاع مثلى وداد : ههههههههاى تعالى قربى شوفى وشربت باقى كوب الحليب بسرعه ورميته وركضت مع وداد اشوف وش جايبه المشاعل سليله : زحمه ياوداد الحين ما اقدر اشوف شي ,, وداد : اذا ماشفتى بتسمعين اصبرى بس سليله : وش اسمع ؟؟؟ لاتقولين مشاعل جايبه معها مسجل وبترقص هنا . وداد : لا لا شي ثانى ووقفت جمب وداد وسط الزحمه وشفت كلب ؟؟؟؟؟؟؟؟؟؟؟؟؟ كلب صغير ونظيف يلق لق ومربوط برقبته سلسله فضيه سليله: بالله عليك وداد مشاعل جايبه الكلب معها ؟ وداد : ايه شفتى ,, من باب خالف تعرف ولفت النظر كلب بالكليه وويلى ويلاه وشفت البنات يركضون ورى الكلب من مكان لمكان سليله : اقولك واداد الحين هذولا الىىيركضون وراه اول مره يشفون كلب واداد: الظاهر كذا سليله: ليتهم يجون عندنا بالديره عدد الكلاب والحمير أكثر من عدد السكان أنفسهم .. وداد : ههههههههههههههههه شوى والكلب جاء يركض عندنا ولقيت وداد نطت فوق الطاوله كنها ربه المنزل الى مع توم وجيرى هع هع ووصل الكلب عندنا وجت مشاعل واخذت الكلب معها مشاعل : اش اش اش سليله عندنا ,, يامرحبا بالبدويه سليله: هلابك مشاعل وش جايبه معك ؟ مشاعل : هذا دودى سليله : دودى ؟؟؟ مشاعل : ايه كلبى دودى سليله : ايه يتربى بعزك !! ونزلت وداد من على الطاوله مشاعل : ايه ياسليله ماتعرفين دودى انتى بس تعرفين المعز والغنم خلاص بكره اجيب لك عنز عشانك !! البنات : هههههههههههههههه سليله : لا مشكوره شعوله ,, انتى بس انتبهى من دودى ليعضك وتنسعرين وتقومين تنبحين هوه ,,, هوووووه مثله وبعدين مانقدر نفرق بينكم انتى ودودى . البنات : هههههههههههههههه مشاعل : سليله انكتمى والزمى حدك سليله : يووه قامت تنبح من الحين شعوله الحقو يابنات الظاهر عضها دودى هووه هوووه . البنات : هههههههههههههههه هنا كانت بتقوم هوشه ومعركه كبيره بينى وبين مشاعل ولقيت وداد تسحبنى من يدى وداد : سليله مشينا سليله : يالله وسمعت وحده تتكلم مع مشاعل وتقولها خليها لاتتهاوشين معها الحين لو صارت هوشه بتوصل الاداره وبيعرفون ان معك كلب .... لقيت نفسي داخله المصعد الكهربائى وداد : سليله وش فيك انتى بقيت تسوين مصيبه سليله : ماتشوفينها تقولى عنز وداد : انا غلطانه جبتك هنا ووصلت القاعه والبنات كلهم وصلو نوير: هلا سليله وداد وينكم سليله: عند دودى ؟؟ نوير : هااى اى دودى بعد ولمحت من بعيد حمده جالسه مكانها وداد : يالله سليله انا بروح قسمى سليله: وداد اليوم جايبه خبز صاج تعالى افطرى معنا نوير : بالله سليله جد جبتى الخبز عساه واجد بس سليله: وليه نوير : بعزم كم وحده تجى تتفرج بس ماتاكل هههع سليله: اقولك واداد تعالى ابيك بكلمه وطلعت من القاعه ومشيت مع واداد اخ الممر سليله : واداد وش صار على موضوعك ؟ وداد : اخ ياسليله ماصار شي للحين كلش واقف سليله : وش المشكله هو يحبك وانتى تحبينه وتقدم رسمى لك وطلبك من أهلك وداد : صح بس انتى عارفه سليله : للحين اهله رافضين واداد: ايه للحين وراحت واداد لقسمها ووقفت اتامل وداد بنت غايه بالجمال والاخلاق ومن عايله معروفه... تقدم لها واحد وخطبها ووافق ابوها وفجاءه انتهى كل شي لما عرفت ام العريس ان وداد لها أخت ماتتكلم ولا تسمع رفضت ... خافت على ولدها من وارثه الصمم والبكم بالعائله رجعت القاعه : نوير : سليله وش فيك سليله : لا ولاشي نوير: وش صار على زواج وداد سليله : انتهى كل شي نوير: لا لا ماتستاهل للحين امه رافضه سليله : ايه نوير : مادريت سليله وش صار على خوله؟ سليله: وش صار لها ؟ نوير : بعد اهل المعرس رفضوها حرام سليله : وليه نوير :يقولون ماتصلح امها مو سعوديه؟ سليله: طيب واذالا امها مو سعوديه خير ياطير نوير : رفضوا اهله سليله : بس هى تتبع ابوها مو امها وابوها سعودى نوير : ايه صح بس الناس وتفكيرها .. سليله : الحين خوله خسرت الى تقدم لها عشان جنسيه امها نوير : ايه وهزيت راسي عالم عجيب!!!! وجت عينى بعين حمده من بعيد كانت تطالع فينى وانا داخله وطالعه جيت عندها: سليله : صباح الخير حمده حمده: هلا سليله سليله: اقولك حمده اليوم جايبه خبز صاج تعالى افطرى معنا . حمده : ودى والله بس تعرفين اخاف من كلام البنات مايتركونى بحالى سليله : وانتى وش عليك منهم حمده: سكووووووووووووووت وبعد صمت دقائق نطقت حمده: سليله سليله : خير حمده: ممكن اليوم اتكلم معك بالمصلى الظهر اذا ماعندك مانع سليله : لا ابد بالعكس تعالى وجت وقت الفسحه واجتمعوا البنات على الفطور جمانه ( جمانه هذى سوريه معنا بس متزوجه سعودى وجايبه ثلاث اطفال وخذت الجنسيه السعوديه ودخلت الكليه ) جمانه : شو الخبزات هيدا سليله ؟ سليله : هذا خبز صاج جمانه خانم جمانه : شو يعنى خبز صاج نوير : يعنى الله يسلمك عجينه تحطينها على الصاج تقول تشششششششششش البنات : ههههههههههههههه جمانه : لا عم بحكى جد كيف بتنعمل الخبزات بلكى بعمل لبنى عمى متلها يقبر البى بيحب اكل امه كتير .. سليله : جمانه ماتخيل شكلك تخبزين وواقفه على الصاج انتى راعيه تبوله ورق عنب هيك شغلات مو خبز صاج جمانه : شو عم تتمسخرى سليله والله بعرف اعمل متلها بس بتعلم شوى شوى سليله : ولك تقبرى عظامى يا جمانه اعلمك ولايهمك ... هنا نطت نوير ومعها نوره نوير : اهووه ,,,, اهوووه وجمانه بدها تعمل خبز صاج نوره : هوووه ’’’ هوووه نوير : وبدها تطعمى ابن عمها من خبز سليله نوره: اهوووو ,,, اهوووه نوير : كلوووووووووووووووش ههههههههههههههههه وانتهت الفسحه ... وعند صلاه الظهر رحت المصلى اشوف حمده ويوم ________ دخلت المصلى ولقيت حمده جالسه بزوايه المصلى سليله : هلا حمده وراك جالسه بزاويه حقت الشياطين هع حمده : مدرى لقيت نفسي هنا وجلست .... سليله : مو مهم المكان المهم تكونين مرتاحه فيه. حمده : سليله سليله : خير يا حمده تكلمى انا اسمعك اذا فيه بخاطرك شي قوليه.. انا ما ودى اظغط عليك بس حابه من جد اسمعك ,, واشوف وش مضايقك تكلمى ياحمده تخيلى نفسك تتكلمين مع نفسك ماحد يسمعك .. حمده : هههههههه كانك دكتور نفسي سليله : ههههههههه حمده : سليله انا اول مره احكى ,, وماعرف ليه معك انتى ودى اتكلم واقول يمكن لانك انتى الله ارسلها لى وتكتشف وش فينى او لانك انتىالوحيده الى ماكنت تتمسخرين على سكوتى بالقاعه او لانك اهتميتى فينى وانا عمرى ما احد فينى اهتم ... سمعت حمده تتكلم كنها شخص ثانى لا اول مره اشوفها تتكلم بالطريقه سكت وتركتها تتكلم ... وكانت مفاجاءات بالكلام .... حمده رافضه اسمها ورافضه جنسها ورافضه شخصيتها ورافضه حياتها كلها حمده باختصار : مو مثل كل البنات !!!!! اغلب التغيرات الى تمر فيها اى بنت حمده ماتعرفها اكتشفت انى جالسه مع بنت غريبه بنت كان وراء سكوتها عالم غريب ... بعد كلام طويل..... سكتت حمده ... وانا من هول الموقف سكت ولقيتها تبكى ... وتبكى ,,, وتبكى ودمعت عيونى معها ... ورحمت حالها بعد سكوت طويل : سليله : حمده حمده : نعم سليله : المفروض انتى ماتسكتين عل نفسك حمده: شلون ما اسكت سليله: روحى طبيب يشوفك يمكن انك عندك مشكله حمده: ودتنى امى للطبيب وقال: ماعنده مشكله صحيه يمكن عامل نفسي قولى لى ياسليله وش اسوى ؟؟؟ سليله : سليله محتاره اكثر منك بس أكيد فيه حل ياحمده انتى ميته وانتى حيه حرام الى يصير معك واهلك شلون ماحاول احد منهم يساعدك حمده:: رجعت تبكى من جديد وجت عندنا طالبتين من المصلى وش فيها تبكى ؟؟ سليله : لا ابد مافيها شي تعبانه شوى لو سمحتوا ابعدوا من هنا .. حمده : تحملت واجد سليله مو قادره اتحمل اهلى مو مهتمين حتى البنات هنا يتمسخرون عل وعلى شكلى حتى انتى ياسليله بعد ماصرتى تتكلمى معى صاروا يقولون جت سليله الى خلت حمده تنطق.. تعبت ياسليله من حياتى زهقت من نفسي ما احس الثوب ثوبى .. ولا المكان مكانى تعبت سليله: قولى لا اله الا الله ياحمده حمده : علمينى وش اسوى انتى طلبتى منى اتكلم واليوم انا تكلمت وقلت شي ادرى صعب ويمكن مو مصدقه بس هذا الواقع علمينى ياسليله وش اسوى ؟ سليله : انا اوعدك بساعدك ياحمده حمده : شلون ياسليله ؟ سليله: مدرى واالله بس اكيد فيه حل ممكن اكلم امك نكلم اختك فضه نكلم الدكتوره الى هنا بالكليه نشوف وش تقول بحالتك لاتخافين ياحمده قولى يارب حمده : يارب يارب ياسليله ومدت حمده يدها لى بصراحه خفت ما ادرى ليه حسيت بخوف وكان ثوانى مرت على ويد حمده ممدوده من اصعب الثوانى كنت بحيره امد لها يدى وانا خايفه منها من عالمها المجهول او اترك يدها ممدوده وهنا اكسر نفسها وهى مو ناقصه خاصه بعد ماوثقت فينى هنا وبسرعه اخذت مصحف من المصاحف الى بالمصلى وحطيته بيد حمده وقلت لها : قومى ياحمده وصلى ركعتين واقرى شوى بالقران اكيد نفسك بتهدى ... وانتهى اليوم ورجعت البيت والحافظه حقت الخبز معى فاضيه البنات ماقصروا جلست افكر بحمده وحالها ودخلت النت ابحث عن حاله مثل حالتها ولقيت فيه ناس كذا وقررت الصبح اروح عند دكتوره الكليه واعرض الامر عليها واشوف وش تفسير الحاله؟ الساعه سبعه الصبح كنت بالكليه دخلت القاعه ولقيت تغريد وفاتن كل وحده جالسه بمكان وتكلم بالجوال جلست افكر بحال حمده قمت من مكانى وجلست عل كرسي حمده المعتاد قلت يمكن اوصل لحل اذا جلست مكانها قعدت اتامل حال فاتن وتغريد وهم يتكلمون يضحكون سوى واذا حكت وحده سكتت الثانيه سليله : هيه فاتن فاتن : نعم سليله سليله : من تكلمين ؟ فاتن : وش القافه وش عليك ؟ سليله : اسفه ما اقصد بس فيه شي زدى اعرفه فاتن : وشو سليله : انتى تكلمين تغريد فاتن : ايه وطلعت فاتن وتغريد يكلمون بعض بالجوال وهم بغرفه وحده !! الله لا يسفهنا !!! جت الساعه ثمان وجو اغلب البنات فجاءه طلع لنا الدكتور على الشاشه واعتذر عن المحاضره اشوى فكه اصلا انا مو مركزه اليوم .. ولقيتها فرصه اروح العياده الطبيه بالكليه واشوف الدكتوره وش تقول اخذت شنطه يدى ونزلت بسرعه. كان الصبح بدرى والعياده شبه فاضيه دخلت ولقيت باب الكتوره مفتوحه وجيت ابدخل ولما وصلت عند عتبه الباب سمعت : الدكتوره : وضعك متاخر خلاص ما اقدر اسوى لك شي الطالبه : تبكى ارجووك يادكتوره والله لو يدرون اهلى ذبحونى الدكتوره : لاحول ولاقوه الابالله يابنتى لازم يعرفون الطالبه : وش يعرفون ما اقدر اقولهم كان عندى امل يجى ونتزوج بس وش اسوى الحين الدكتوره : انتى الحين بشهر الثالث ولازم وضعك يكون رسمى وقانوى واهلك لازوم يعرفون يابنتى !!!!! :sm230: |
||||
|
|
|
|
09-26-2009, 08:08 AM
|
#15 | ||||
|
طلعت من
العياده بسرعه
وقلبى يدق من الخووف اعوذبالله وش المصايب .. جلست على الكراسى الى برى العياده مزنه : سليله سليله سليله: هلا مزنه مزنه : وش تسوين هنا سليله : ابد ماعندنا محاضره اعتذر الدكتور جيت اخذ لى حبه بنادول من الدكتوره راسي مصدع مزنه : ماتشوفين شر سليله : مايجيك وانتى ليه هنا مزنه : ابدا جايبه اجازه مرضيه اسبوعين ماتخرش الميه ميه الميه ابوى جابها لى من واحد صديقه راعى مستوصف خاص : وليه الشهاده المزوره ؟ مزنه : ابد مليت من الكليه بروح عندنا هناك بالديره فيه كم عرس يحبهم قلبك بحضر ووسع صدرى واجى .. وهنا طلعت البنت الى كانت عند الطبيبه ودخلت مزنه ووقعت الاجازه بكل سهوله .. ودخلت انا عند الدكتوره : صباح الخير الدكتوره : هلا اسمك وعمرك وش تشتكين منه ؟ : لا يادكتوره مو انا صديقتى الدكتوره : نزلت القلم من يدها صديقتك ووينها ماتجى نكشف عليها هنا : لو سمحتى دكتوره انا ابقولك موضوع مهم دكتوره : تفضلى وشرحت لللدكتوره وضع حمده زى مافهمت منها الدكتوره : طيب ممكن تجى صديقتك هنا اشوفها : ممكن لحظه بس وطلعت ركض على الدرج ووصلت القاعه ولقيت البنات يتكلمون عن مشاعل وكلبها دودى وشفت حمده من بعيد واشرت لها بيدى تعالى وخلال دقائق كانت حمده عند الدكتوره الدكتوره اسمك وعمرك حمده : اسمى حمده ال ..... وعمرى 22 سنه الدكتوره: طيب ياسليله ممكن تطلعين برى عشان اكشف على صديقتك وطلعت وجلست برى وطولت حمده عند الدكتوره يمكن اكثر من نص ساعه بعد مده انفتح الباب وطلعت حمده ودخلت على الدكتوره سليله : خير دكتوره دكتوره : خير ياسليله سليله : وش طلع معك الدكتوره : والله هذا اسرار مريض المفروض ماقولها لك بس انا شايفه انك مهتمه بزميلتك وهذا شي حلو شوفى ياسليله حمده حاله فيه منها كثير سليله : كيف يعنى مافهمت ؟ الدكتوره : انا سالتها اسئله وكشفت عليها هنا بس الكشف مايكفى وطلبت منها تعمل اشعه على الرحم عشان نتاكد سليله : تتاكدين من إيش دكتوره ؟ الدكتوره : نتاكد فيه رحم عندها او لا ؟؟؟؟ سليله : يعنى إيش ؟ الدكتوره : يعنى صديقتك ياسليله 60% ولد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟-------------------------------------------------------------------------------- طلعت من عند الدكتور كانى طالعه من فلم سينمائى اجل حمده ولد معقووله طلعت برى العياده الطبييه ولقيت حمده واقفه تنتظرنى حمده : سليله تاخرتى وش قالت لك الدكتوره ؟ سليله : مثل ماسمعتى تبى منك اشعه حمده : ايه عطتنى تحويل للمستشفى بس مادرى اهلى بيرضون اروح ؟ سليله : لازم تروحين مشيت مع حمده لحد ماوصلنا الساحه الكبيره جلست على اقرب كرسي ما قدرت اكمل حمده : سليله وش فيك رفعت راسي وطالعت بحمده تاملت ملامح وجهها تاملت عيونها حواجبها كثيفه ونظرات عيونها حاده و يمه معقوله تكون ولد من جد !!! جمعت اخر قوه عندى ونطقت سليله: حمده حمده : خير سليله : انت لازم تسوين الاشعه وتعرفين راسك من رجولك مو معقول تظلين كذا و و و و و حمده : و وشو كملى ياسليله وش بتقولين ومتردده سليله : لا اقصد ايه يعنى لو .... حمده : لو ايش؟ سليله : لو طلعتى ولد ياحمده وشلون ما اعرف اقولك انا انتى البنات و حمده : فاهمه وش تقصدين ياسليله والله فاهمه انتى خايفه اطلع ولد زى ما قالت الدكتوره وانا اعرفكم واعرف عنكم كل شي صدقينى ياسليله بيظل كل عالمى مع البنات ذكرى بحاول انسى اني عشتها بس ما اظن اقدر ابوى واهلى بيرفضون الكلام وبيعتبرونه جنون ووقفت وطلبت من حمده نروح القاعه ومشينا كنت احس انى مو عارفه امشى ووصلنا المصعد الكهربائى وكان فاضى حمده : يالله سليله ادخلى سليله : هاه حمده : وش فيك اطلعى خلينا نروح القاعه تبون الجد خفت اركب المصعد معها اجل اركب مع ولد ياويل حالى طلعت الدرج وانا براسي الف فكره وتفكير ومشيت بالممر وفجاءه لقيت حمده ماسكه يدى وتقول : حمده : سليله ارجوك الموضوع بيظل سر بيننا سليله : اكيد لا تخافين ودخلنا القاعه نوير: انتم وينكم سليله : كنا نتمشى تحت ورجعت حمده مكانها هناك باخر القاعه الكرسي الصامت وجلست وسكتت ورجعت لحاله السكوت قعدت اطالع حمده من بعيد ياترى لو ساكته افضل احيانا ركود الماء يكون شكله صافى بس نحركه يصير ماء عكر ياترى انا صح بالى سويته مع حمده ظليت ورها لحد ماتكلمت وحركت الماء نوير : سليله ,,, سليله سليله : هلا نوير نوير: وش عندك بالله انتى وحمده لكم فتره ما ادرى وش فيكم! وش اقول لنوير اقول حمده طلعت ولد حسيت انى غشاشه اجل عارفه ان فيه ولد معنا بالقاعه وساكته بس يمكن الاحتمال يطلع مو صحيح وتكون حمده بنت بس عندها مشكله صحيه وبعدين انا وعدت حمده ما اقول لحد عن سرها نوير : لا لا انا شكلى اتكلم مع نفسي سليله : لا اسمعك يانوير بس راسي مصدع شوى نوير : سلامتك . سليله : الله يسلمك هنا لقيت رقيه طابه علينا وقالت : رقيه : منو اللى راسها مصدع ,, سمعت وحده منكم تقول راسها مصدع سليله : انا وسحبت رقيه كرسي وجلست معنا رقيه : ماتشوفين شر ياسليله سليله : مايجيك .. رقيه : انا معى حبوب وجع راس تخلى راسك ميه الميه!!! هنا لقيت نوير تضربنى برجلها من تحت الطاولات عرفت ان نوير تبى تنبهنى لشي حطيت عيونى بعيون نوير وفهمت المطلوب رقيه : خوذى ياسليله هذه حبه بتخليك تمام سليله : مشكوره رقيه بس تونى اخذت بنادول رقيه : اى بنادول واى خرابيط هذه حبه غير وضربتنى نوير المره ضربه قويه مع رجلى من تحت الطاوله اخذت الحبه من رقيه وشكرتها وطلعت برى القاعه وطلعت نويرمعى سليله : دامك تعرفين انها مو صاحيه وتعطى البنات من الحبوب ليه نظل ساكتين نوير: وش نقول سليله : نعلم عليها الى متى ورقيه توزع حبوب الله العالم فيها على البنات يانوير انا وانتى نعرف حقيقه الحبوب بس غيرنا لا نوير : الله ياخذها الرقيه اخذت الحبه وحطيتها بجيبى نوير : سليله انتى مجنونه رسمى وش تبين بالحبه تحطينها بجيبك !! سليله : بعطيها دكتور يشوف وش نوعها وقررت اعطى الحبه احد يشوف وش نوعها قلت اعطيها اخوى لا لا مايصلح وش بيقول من وين جبتها احسن شي اعطيها دكتوره تشوف !! بس انا ما احب اروح عند الدكتوره بعد ماكنت عندها مع حمده نوير: سليله سليله : نعم نوير: ماقلتى لى وش عندك مع حمده سليله : ولاشي كنا نتمشى تحت وبس نوير: وتكلمت معك سليله : ايه نوير : ايه بس سليله : بس وشو ؟ نوير : لا لا خلاص سليله : قولى يانوير فيه عندك كلام اعرفك نوير: بصراحه ايه سليله : قولى نوير : سليله انتى صديقتى من زمان ودرسنا مع بعض من ايام الابتدائى ولك على حق وو سليله : ايه كملى نوير : بصر احه البنات يتكلمون عليك انتى وحمده سليله : يتكلمون وش يقولون ؟ نوير : يقولون .... سليله : ايه وش يقولون ؟ نوير : يقولون حمده تحب سليله وعشان كذا نطقت وصرت تتكلم وماتضحك غير معك وماتتكلم غير معك وبينكم نظرات وحكى وروحات وجيات بالساحه و سليله : ايه كملى نوير : زعلتى ياسليله سليله: اذا بكون زعلانه مو منهم يانوير انتى صديقتى وعارفه منهو انا انا ماسويت شي غلط انا نيتى وهدفى اكبر من كلام ماله سنع وبعدين حمده تحبنى وش فيها المحبه من الله تكلمت معى شي طيب انا سويت شي لى اجر وثواب عليه ليه تفكيركم سئ قعدت اتكلم مع نوير وبراسي تدور اشياء واشياء اجل لو يدرون البنات ان حمده ولد وش بيقولون فكرت لحظات بحال ابوى واخوانى لو جاهم خبر انى صديقتى ولد هزيت راسي وابعدت الفكره ........ وانتهى اليوم ورجعت البيت تعبانه من جد دخلت غرفتى وغيرت ملابسى ورميتهم على الارض ونمت قمت بعد ساعات ولقيت نوير متصله على اكثر من مره دخلت المطبخ وسويت قهوه لنفسي لقيت الشغاله جايه عندى: جاتى: سليله ماما سليله سليله : خير جاتى فيك شي؟ جاتى : لا ماما سليله بس انا فيه غسيل ملابس انتى سليله : مشكوره جاتى جاتى : بعدين انا فيه غسيل ملابس فيه يسوف حبه سليله : اى حبه جاتى : هذه حبه وطلعت جاتى الحبه الى اخذتها من رقيه جاتى : بصوت يسمعه الميت مامار هذه هبه مافيه كويس بعدين انى ياكل هبه فيه جن جان سليله : اسكتى قصرى صوتك فضحتينا جن جان ببطن العدو ومسكت جاتى علىى جمب وسالتها عن الحبوب وعرفت انها من الحبوب المسهره المخدره وقررت ما افوت الرقيه وتصرفها على خير .. شربت فنجال القهوه ودقيت على نوير نوير : هلاسليله وينك سليله : كنت نايمه نوير: كل هذا نوم خيشه نوم سليله: اليوم مصدعه حطيت راسي ماحسيت بالوقت نوير : سليله لاتكونين زعلانه منى سليله : لا يانوير ماينزعل منك نوير: اشوفك بكره سليله : اذا الله راد ............ وجاء يوم جديد وماجت حمده للكليه غياب ومر يوم ثانى غياب اسبوع غياب قررت اسئل فضه اختها عنها وسالت : سليله : فضه ليه حمده غايبه اسبوع فضه: ماظن انها بترجع سليله : ليه ؟ فضه: مادرى تقول خلاص ماتبى تكمل دراسه وبعدين عرسها قرب قال ابوى لاتكملين البنت مالها بالنهايه الابيت زوجها سليله : اى عرس !!! انتى وش تقولين فضه : عرس حمده سليله : ايه بس ماقالت لى انها بتعرس فضه : معليش ياسليله الموضوع فجاءه لا مو فجاءه ولد عمى من زمان يبىحمده والحين خلاص الاهل كلهم موافقين رجعت من عند فضه مو مصدقه حمده بتتزوج ؟؟ معقوله شلون وليه التوقيت هذا بالذات وش معنى الحين صار موضوع الزواج وصلت القاعه نوير : سليله نزلت درجات الاختبار روحى شوفى درجتك سليله : وعسى درجتى زينه ولمى انتهى اليوم اول ما رجعت للبيت كلمت حمده بالتلفون سليله: الو حمده حمده : هلاسليله سليله : ليه الغياب اليوم اخذت رقمك من فضه قلت اسئل عنك حمده : مشكوره ياسليله سليله : سمعت خبر من فضه انك بتتزوجين ؟؟ حمده : ادرى ياسليله انت مستغربه بس كان الحياه مفروضه علينا ولازم نمشيها لما قلت عند امى الكلام انى لازم اسوى اشعه قامت تهاوش وقالت هذا جنون وهبال وفجاءه لقيت ابوى يقول الى متى والحمده مسببه لنا مشاكل بدل الدكتور رحنا للعشره كلهم يقولون مافيها شي سليمه الحين بعد تبى اشعه وليه احسن حل تتزوج وهذا ولد عمها منا وفينا واخوى ماكلمنى من زمان والحين جاء الوقت المناسب وتحدد العرس بعد شهر سليله ... سليله انتى تسمعينى سليله : اسمعك ياحمده وقفلت التلفون من حمده وانا بحاله ذهول وتزوجت حمده من ولد عمها وكنت اتصل على فضه بالبيت واشوفها بالكليه واسئل عن اخبار حمده وكانت الاجابات تمام مبسوطه ومر شهر واثنين وثلاثه على زواج حمده بس ما قدرت اكلمها بالمده ................. حسيت انى كنت بحلم او كابوس وتنفست وقلت اشوى طلعت بنت وطلع كل الكلام اوهام ؟؟ ومرت الايام والشهور وكانت اجازه الصيف بدت وقفلت الكليه ابوبها وفى يوم دق تلفون البيت ... جدتى : هلا ايه موجوده ياسليله ’’ تعالى واخذت السماعه من جدتى سليله: الو الو حمده : الو سليله سليله : حمده هلا شلونك لى اربعه شهور ماسمعت صوتك كذا الى يتزوجون ماعاد نسمع اخبارهم حمده : سليله اانا تطلقت وفضه اختى تبى تكلمك فضه: هلاسليله سليله : للحين مصدومه من كلام حمده هلافضه فضه: سليله ممكن اشوفك سليله : ممكن بس وين الكليه وخلصنا فضه: على راحتك تحبين اجى عندك البيت او اشوفك بملاهى او اى مكان عام سليله : خلاص حياك الله تعالى البيت وهاتى حمده معك فضه : اذا جيت عندك بتفهمين !! واعطيت فضه موعد وعنوان البيت وقعدت انتظر ليه فضه بتجى عندنا ؟؟ وليه مو حمده الى تجى ؟؟؟؟ وبعد المغرب وصلت فضه لبيتنا جدتى : ياهلا ويامسهلا بالى جانا فضه : هلابك جدتى جدتى : انت خويه سليله بالمدرسه فضه : ههههههههه مو مدرسه ياجدتى كليه ودخلت ولقيت فضه سوالف وعلوم مع جدتى وجلست مع فضه وماكان معها احد وسالت: سليله : وين حمده ماجت معك ؟ وش الكلام الى تقوله انها تطلقت ؟؟ فضه : سليله لو سمحتى ممكن اتكلم معك كلام مهم سليله : تفضلى يافضه خير ؟ فضه : والله مو عارفه كيف ابدا الموضوع بس سليله : تكلمى فضه وش صاير فضه : سكوووووووووت سليله : ياربى من العايله تعبت من كثر السكوت عندكم تكلمى يافضه فضه : سليله حمده تزوجت ولد عمى بسرعه خلال شهر لان امى تهاوشت مع ابوى لان حمده صارت تقول كلام مو مفهوم وانها لازم تتاكد من جنسها وانك انتى تكلمتى مع دكتوره الكليه بموضوعها وانها لازم تسوى اشعه ابوى لما سمع الكلام طلب من عمى بسرعه ولده يتزوج حمده وفعلا تزوجت حمده من ولد عمى وكلنا فرحنا وتخيلنا ان الموضوع انتهى وان حمده كانت عايشه باوهام ومر شهر واثنين على زواج حمده وكل يوم يمر كانت امى تشكر ربها فيه لان حمده من يوم هى صغيره كانت مسببه مشاكل ومتاعب للوالده وبعد مرور ثلاث شهور على زواج حمده تطلقت .. سليله : والسبب؟؟ فضه : اكتشف زوجها انها مو بنت؟؟ سليله : شلون يعنى ؟؟؟؟ فضه : لا لا لاتفهمين غلط ياسليله اقصد ماطلعت بنت طلعت ولد وعرضها بنفسه على دكتور وسوى لها اشعه واكدت كل التقارير الطبيه انها ولد وانها مولوده بعيب خلقى ولما كانت صغيره اشتبه االامر على امى وظنت انها بنت وعاشت حمده 22 سنه من حياتها نتيجه تشخيص غلط وتحديد نوع غلط وتعرفين ايام زمان ماكانت الامهات تولد بالمستشفيات وامى ماعرفت تحدد نوعها وظلت حمده ولد محشور بجسم بنت طول السنين حنا اهلها كنا نشوفها دائم لوحدها بس مافكرنا للحظه انها ممكن تكون ولد لحد ماتزوجت وعرف زوجها واليوم ياسليله جايه اقولك : ان حمده صارت حمد ؟؟؟؟ سليله : حمد فضه: ايه حمد وطلعت شهاده رسميه انها ولد ..... وحطيت يدى على راسي مو مصدقه الى اسمعه حمده صارت حمد؟؟؟ يتبع ..... اذا حابين نكمل وحطيت يدى على راسي مو مصدقه كلام فضه كانى بحلم مر على شريط حمده كله حمده الى كانت معنا ولد !!!!! للحين حاطه يدى على راسي فضه : سليله ’’ سليله سليله .. هلا فضه فضه .. معك حقك ياسليله الى صار مع اختى عجيب سليله : شلون صار كل هذا .؟ فضه : حمده ياسليله من ولدتها امى وهى سبب تعب لها .. تخيلى ,, بيوم ولادتها مات جدى وصار حادث على خالى و سليله : يابنت الحلال هذا كله مكتوب من الله.. فضه : ادرى ياسليله بس اهلى وتفكيرهم امى ولدت حمده بالبيت تعرفين من عشرين سنه اغلب الحريم يجبون عيالهم بالبيوت والجهل ماخلى امى تعرض حمده على طبيب لما شكت بنوعها او اشتبه عليها الموضوع حتى ابوى تعب من كثر ما هى تشكى له حال حمده الصحى ومن كثر ما دار بحمده على دكاتره يشوفونها وماصدق انى عمى تكلم معه وزوجها ولده وتزوجت بسرعه سليله: بس انتم ظلمتو حمده واجد يافضه حرام الى صار معها ... فضه : يمكن معك حق ياسليله ,, بس حنا اهل لنا الظاهر وابوى تفكيره العرس والزواج حل لكل مشاكلها ومالومك بحاله الذهول الى انتى فيها ياسليله ما انسى ذاك اليوم لما رجعت حمده مع زوجها بعد ماسافرو لجده بعد زواجهم رجع زوجها بعد اسبوع عندنا بالبيت والله ياسليله ما انسى كلامه لما قال لبوى بنتك رجال ياعمى ابوى ياحليله يحسبها مدحه لبنته بس امى فهمت وقال زوجها قدام الجميع ان حمده رجال مو بنت وانه كان معها بالعشره ايام بجده مع رجل مثله مايفرق عنه بشي ابوى كان بحاله صدمه مثل صدمتك الحين وازود الكل كان مابين ضاحك وباكى ومصدق ومكذب ووقف زوج حمده وقال : انا عرضتها على اكبر دكتور وسوى لها كل اللزوم وأثبت انها ولد كامل الذكوره ... والحين ياعمى هذه بنتك حمده او ولدك حمد عندك وبالنسبه للطلاق والله ما ادرى كيف اطلق لازم نسال شيخ فيها شلون اطلق رجال مثلى!!! سليله: وحمده ,, وحمده وسط كل هذا كيف كان حالها ؟؟ فضه: تصدقين حمده كانت أكثر وحده هادئه كنها عرفت نفسها اخير من تكون كنت أشوف بوجها رضى وراحه صحيح البيت كله تلخبط بعد السالفه وتعرفين الناس طلع منهم حكى وسوالف الى يقول : البنت ماهى صاحيه وراها مصيبه واهلها اخترعو سالفه انها ولد عشان يسترون عليها !! ناس ما تخاف الله .... ابوى واخوانى اتخذو كل الازم وسوى اوراق ثبوتيه وطبيه وصارت حمده بعد 22 سنه حمد بيوم وليله صراحه حالنا ياسليله كان صعب حيل حتى لما جت حمده تطلع مع ابوى للشارع ماقدرت تطلع بدون عبايه واخوانى يقولون شلون يشفونها الناس وتصدقين بيتنا امتلى من الناس من ربعنا كلهم جو يشفون حمد عقب ماكان حمده؟؟ سليله : وكيف نفسيتها الحين فضه : الحمدالله بس سليله : بس إيش يافضه فضه: بس حمده اقصد حمد محملنى رساله لك ياسليله سليله : رساله لى انا فضه : ايه ,, تعرفين الحين عقب ماصار حمد مايقدر يتكلم معك بالتلفون مثل قبل عشان كذا عطانى الرساله وقال اسلمها لك ... وطلعت فضه من شنطتها ورقه واخذتها منها ..... وهنا .... دخلت علينا جدتى : يالله يابنات العشاء زاهب فضه : مشكوره جدتى انا تاخرت لازم امشى جدتى : وين تروحين وانا جدتك ذوقى عشانا وتعشت فضه عندنا وجلسنا على السفره وكانت اكل لقمه وافكر برساله ... وطلعت فضه من عندنا .... ووصلتها لحد الباب سليله : هلابك يافضه شرفتى ولا كلفتى الحين عرفتى البيت تعالى فضه : مشكوره ياسليله وحابه اقولك كلمه سليله: تفضلى فضه: حابه اشكرك على كل لحظه كنتى فيها مع حمده انتى الوحيده طوال دارستى بالكليه جيتى عندى وسالتى عنها بغيابها وانتى الوحيده الى تكلمت معها كا اخت مشكوره ياسليله ... انا تاخرت اخوى ينتظرنى سليله : اى واحد من اخوانك لا يكون حمده !!! فضه : لا لا حمده يبى لها وقت عشان تسوق السياره .. وطلعت فضه من بيتنا رجعت امشى مع الحوش واحس جدران البيت متغيره مو هى كان سالفه حمده غيرت حتى الجدران دخلت الصاله ولقيت جدتى ... جدتى : سليله سليله : سمى جدتى : وش عندها خويتك جايه عندنا؟ سليله : ابد ياجدتى جايه تزورنى وتتعرف عليك جدتى: تتعرف على انا سليله : ايه ياجدتى من كثر ما اتكلم عنك عند البنات كلهم ودهم يشفونك ياقمر جدتى : ايه خلى عنك الخراط بس اسمعى الليله بنام بالسطح وابيك تنامين معى !!!! سليله : ياليل ما طولك ,, اى سطح ياجدتى والله حر ماعرف انا دون مكيف ياجدتى جدتى : اقول انثبرى اول يوم الدراسه تقولين عندى مدرسه وتنامين عند المكيف الحين عطله ابيك تنامين معى فوق السطح سليله : ابشرى يا الغاليه ... ان شاء الله وحطيت رجلى ابطلع غرفتى فوق .... جدتى : سليله وين رايحه سليله : بروح حجرتى ياجدتى جدتى : اى حجره امشى يا الله مشينا !!!! سليله : وين نمشى الحزه ؟؟؟ جدتى : وش فيك انتى نبى نرقد يالله امشى للسطح !!! سليله : الحين ياجدتى جدتى : ايه الحين يالله قدامى سليله : بس الساعه ثمان ياجدتى بدرى !!! جدتى : لا اليل سرى والصبح قرب يطلع وانا الليله سهرت عشان خويتك كانت عندنا ولا من زمان نايمه !!! يالله مشينا !!! وطلعت السطح مع جدتى ولقيت جدتى مجهزه الفرش وحطت جدتى راسها على المخده وكان السطح مظلم اللمبات طافيه والرساله حقت حمده بيدى !!! جدتى : سليله ارقدى وانا جدتك سليله : ابشرى وحطيت راسي على المخده جمب جدتى وكنت عارفه مارح اقدر انام السطح حر والمخده متغيره على جدتى : وشفيك تتقلبين بفراشك ارقدى الله يصلحك سليله : ان شاء الله ياجدتى جدتى : يؤيؤيؤ سليله : خير ياجده فيك شي !! جدتى : لا وانا امك نسيت حبوبى ما اكلتها إنهجي بساع هاتى حبوبى من تحت سليله : طيب ونزلت بسرعه وجبت علاج جدتى ومويه وطلعت لجدتى وعطيتها الحبوب جدتى : انتى متاكده انها هى حبوبى ؟؟ سليله : ايه ياجدتى هى جدتى : والله من لمستها كنها مو هى روحى ولعى المبه خلينا اشوف هى حبتى او لا !!! وولعت المبه وتاكدت جدتى من حبوبها جدتى : يالله طفى النور وتعالى ارقدى سرى اليل سليله : ان شاءالله وطفيت النور وحطيت راسي على المخده ... جدتى : وشفيني اليوم يؤؤه سليله : وش فيك ياجدتى جدتى : لا ابدن وانا امك بس نسيت علبه الفكس حقتى ماجبتها لازم ادهن ركبيتى توجعنى ماتخلينى انام إنهجي وانا امك جيبى الفكس من تحت !!! سليله : ان شاء الله ونزلت تحت وجبت علبه الفكس ودهنت جدتى ركبتها وللحين الرساله معى مو عارفه اقراها بالظلام حطيت راسى على المخده وقلت سبحان الله حتى رسالتها مو عارفه اشوفها شكثر الحمده مرتبطه بالظلام ظلام وظلم بحياتها !!! قعدت المس الرساله مثل جدتى وهى تلمس حبوب علاجها تمنيت اقوم افتح اللمبه واقراء الرساله سليله : جدتى جدتى : وش عندك سليله : خلينى افتح المبه ياجدتى جدتى : وشوله!! سليله : لا ياجدتى كنت بقراء شوى قيل ما انام جدتى : وش تقرين يامال الصلاح قران !!! اقرى من الى انتى حافظه علىصدرك يالله نامى اصبحنا وبعدين اللمبه تكشفنا عند الجيران سليله: اى جيران ياجده حنا بالسطح جدتى : ماتستحين على وجهك تبين نولع المبه ونتكشف عند الجيران نامى للحين بالعصا وطلعت جدتى العصى حقتها من تحت فراشها... سليله : لا خلاص بنام وحطيت راسي على المخده وعصبت بس بسرعه تراجعت وتعوذت من ابليس على الاقل انا حاطه راسى على المخده وعارفه حياتى اجل حمده شلون عاشت سنوات من عمرها ماتعرف حياتها مسكت الرساله بيدى وقلت يالليل ما اطولك متى يجىالصبح ما اعرف انام بالسطح ... جدتى : اعوذبالله منك يا بليس وش البلشه !!! سليله : خير ياجدتى وش فيك !! جدتى : ابدن وانا امك متضايقه من سروال خط البلده الى انا لبسته سليله : ههههههههههههه جدتى : ضحك عصبك وجع وشوله تضحكين سليله: هههههههههه وقامت جدتى ونزلت سروالها حق خط البلده تقول ماتعرف تنام فيه وحطت جدتى السروال خط البلده عند راسها وفجاءه انكب عليه المويه الى جبتها من تحت عشان جدتى تشرب علاجها .. جدتى : الله من قل البخت المويه مالقت تنكب الا على سروالى !! سليله : ههههههههههههههههه جدتى : قومى قومى قام عصبك جعل العدو الماحى سليله : وين اقوم ياجدتى جدتى: خوذى سروالى انشريه !!! سليله : هههههههههههههه وين انشره ياجدتى انزل تحت انشره لك ... جدتى : لا وين تحت انشريه قريب هنا عشان الصبح البسه وانا امك .. سليله : ههههههههههههه جدتى : وش يضحكك جعل عدوك الماحى سليله : هههههههههههههه جدتى : قومى قومى انشريه وانا امك كود يجى الصبح وهوناشف !! سليله: وين انشره ياجدتى احطها على الجدار الى يطل على الشارع وكلن يشوفه هههههههههههههه جدتى : الحين وراك ماتسكتين من الضحك وطلعت جدتى العصى طيب يالغاليه ولايهمك وين تبين انشره لك ؟؟ جدتى : انشريه على البليه الى وراك!!! والتفت وراى ولقيت صحن الدش !!! جدتى: قومى انشريه عليه!! وقمت ونشرت السروال خط البلده فوق صحن الدش الى باللسطح ورجعت للفراشى وحطيت راسي على المخده وغطيت وجهى وانا بموت ضحك جدتى : ترانى اشوفك وانتى تضحكين انخمدى جعل العدو الماحى سليله : هههههههههههه وشوى وتهب نسمه ذاك الهواء علينا جدتى : سليله يا سليله وينك نمتى !!! سليله : لا ياجدتى ما بعد نمت خير امرى جدتى : كانه وانا امك هب علينا هبوب هواء سليله : ايه شوى مو واجد جدتى : تشوفين سروالى معلق سليله: هههههههههه ايه اشوفه ياجدتى جدتى: اشوى اخاف يطير من الهواء وانا امك ويروح عند الجيران وننفضح سليله : ههههههههههههههههه ههههههههههههههههاى ايه والله ياجدتى بكره كلن يقول منهو له السروال خط البلده جدتى : يا خزياه تقولينه صادقه سليله : ايه ما تشوفين الهبوب والهواء يحركه يمين وشمال جدتى: وشو يالله يالله مشينا سليله : وين ياجدتى جدتى: ننزل تحت خلاص بنرقد بالحجره اخاف الهبوب يطير سروالى وانفضح على اخر عمرى وانا امك يالله قومى قومى جيبى سروالى وخلينا نحول يالله سليله: ههههههههههههه ونزلنا تحت ودخلت جدتى غرفتها ونامت ياحبى لها الليله كانت طويله عليها اول مره تسهر ... دخلت عليها بعد ساعه لقيتها نايمه وخط البلده جمبها هههههههههه غطيتها بالبطانيه وطلعت من عندها ادعى لها الله يعوضها الجنه ويطول عمرها .... رحت غرفتى وطلعت الرساله ::: وفتحتها ... و |
||||
|
|
|
|
09-26-2009, 08:20 AM
|
#16 | ||||
|
وطلعت الرساله :::
وفتحتها ... و وفتحت رساله حمده اشوف وش فيها : عزيزتى سليله تحيه طيبه وبعد انا عارف انك مبهوره من الى حصل ,, بس صدقينى الحين انا احسن حال من قبل ,,, بكل مرحله تعديتها كنت اشوفك معى وتشجعينى ,,, تذكرين أول ايام لك بالجامعه لما جمعتنا قاعه وحده ,,, كنت اشوف نظراتك لى ودهشتك من سكوتى وكرهت نفسي كثير ,,, لان كنتى تبتسمين لى دائم .. وانا ساكت سبحانه حتى الابتسامه عندى كانت على الصامت ... سليله,,, انتى لك دور كبير بتخطى الحاجز الى كنت موضوع فيه وماراح انسى معروفك ووقفتك معى ... وابيك تطمنين كل البنات اسرارهم كلها بالحفظ والصون كنت معكم واسمع كل سوالفكم رغم سكوتى واعرف الكثير عن خبايا بعضهم ,,, بس المرحله هذه تعدت خلاص من حياتى وعندى لك سؤال واحد ياسليله/ حمد لو احتاج لك في يوم بتساعدينه ؟ اخوك / حمد وانتهت رساله حمده وقعدت اتذكر وش كنت اقول قدامه بالكليه وتذكرت مواقف وقلت بينى وبين نفسي وخزيااه كل السوالف وهو ولد !!! ودق التلفون : سليله : الو نوير : هلا سليله اسمعى ماعندى و قت تروحين معنا الملاهى بكره سليله: اشوف مين بيروح نوير: الشله سليله: طيب وسكرت التلفون من نوير .. والرساله بيدى جلست على الارض وتساءلت وش نوع المساعده اللى ممكن حمد يطلبها منى ؟؟ مهبول وشلون اساعده عقب ماصار ولد وطلبت اذن من ابوى اروح الملاهى ووافق ... ورحت عند اخوى عشان يودينى سليله : اقولك خويلد بروح ملاهى وانت تودينى خالد : استح على طولك وش كبرك بروح ملاهى متى تعقلين انتى سليله: انا اخذت الاذن من ابوى خالد : متى بتروحين سليله : بعد المغرب خالد: بعد المغرب ودقيقه تنثبرين هنا مو تتاخرين على سليله : لا مو متاخره خالد: ايه عندى موعد مهم مع واحد من العيال ترى امشى واخليك سليله: طيب ودخلت جاتى الشغاله: جاتى : ماما سليله تلفون يبى انتى ... سليله : زين جاتى ورفعت سماعت التلفون سليله / الو ساره : هلاسليله سليله / هلا سوير ساره: سليله بتروحين ملاهى مع البنات سليله / ايه كلمتنى نوير وبروح ساره: انا ماعندى احد يودينى سليله / تبينى امرك !! ساره : منو بيوديك سليله : خالد ساره : فشله سليله / لا فشله ولاشي تبين امرك مريتك ساره: هذا خالد اخوك التؤام سليله/ ايه هو ساره : لايكون بس يشبهك شين ههههههههههه سليله : لا هو كله ملح وقبله ساره: خلاص سليله مرينى سليله/ اوكيشين خليك والمه بعد المغرب ساره: صار ونزلت السماعه وجاء خالد خالد: منو الى تكلمينه سليله : هذه ساره تقول ماعندها احد يوديها وتبينى امرها ؟ هاه نمرها !! خالد : نمر ابوها بعد وليه ما نمرها سليله/ ههههههههه توك مشغول وماعندك وقت يمكن ساره تتاخر خالد : والله لو تجلس للصبح نمرها نمرها الله لايعوقنا بشر سليله : هههههههههههه وجاء المغرب وتجهزت للملاهى وفكرت ادق على فضه تجى معنا وبعدين تراجعت واخذت عباتى ونزلت تحت انتظر خالد سليله: خالد وينك فيه خالد : رحت مشوار سليله: وين؟ خالد: رحت الحلاق اكشخ ومريت المغسله غسلت سيارتى بعد سليله : هههههههههههههههه خالد : وش يضحكك وجع سليله : وليه كل هذا ؟؟ خالد : كذا عندك مانع سليله : طيب مشينا ولا تبى تتروش بعد ههههههههههههه خالد: اقول امشى دام النفس عليك طيبه والله لولا خويتك كان طلعت وخليتك عشان تتوبين .., قدامى وجع ومرينا ساره عند بيتها ودقيت عليها وراحت معنا واستغربت من سواقه خالد يمشى شوى شوى وهو طاير قبل وضحكت بيى وبين نفسي ووصلنا الملاهى زحمه مثل العاده خالد : سليله متى اجيكم سليله : ادق عليك خالد: وخويتك معك سليله : لا تقول ابوها بيمرها خالد: وليه يتعب نفسه حنا نوصلها سليله : هههه ما اظن ابوها بيمرها خالد : المهم لاتجين لحالك شوفى اى وحده من خويتك نوصلها ساره او غيرها سليله : ههههههههههه ودخلنا الملاهى ساره : يؤيؤ سليله : وش فيك ساره: جوالى كاميرا الحين يحجزونه سليله : احسن داريه اانا بملاهى جايبه ابو كاميرا ليه ساره : نسيت وانحجز جوال ساره ودخلنا الملاهى نوير : هلا وينكم سليله: هذا حنا جينا من جاء من البنات نوير : كلهم مابقى احد تعالو سلمو على امى سليله : امك معك نوير: ايه سليله: ليتنى جايبه جدتى معى وسلمنا على ام نوير واجتمعو البنات كلهم عند الشلال لعبه مائيه سليله: مشاء الله ياكثرنا يبى لنا شلال لحالنا وركبنا العربات انا ونوير وساره وتغريد وبعربه ثانيه خوله وهند وحصه سليله : تدرون وش اخر خبر يابنات تغريد : وشو ؟؟ سليله : حمده حصه : ابو الهول سليله : ايه نوير : وش فيها لاتقولين عزمتيها وبتجى هنا تغريد : لا ذيك ما تجى ابد هند : الا تجى اذا عرفت ان حور هنا سليله : وش قصدك هند !! هند : ولاشي بس حمده ما تحكى غير معك نوير : وش فيها حمده ؟؟ سليله : ابدا طلعت ولد حصه : هههههههه نوير : ايه سليله : والله اتكلم جد حمده ولد وحكيت للبنات بعض من تفاصيل حمده تغريد : ايه الحين سليله بتقولكم كانت معكم الكاميرا الخفيه حصه: هههههههههه سليله : انا اتكلم جد حصه: ياويل قلبى ولد ولد ساره : يوووه ياقلبى يوووه ولد بكليتنا ولاعندى خبر تغريد : هو صح حمده مو ذاك الزود وشينه بس ووواو يمه تجنن وهى ولد ساره: وحسافه ليت ايام الكليه ترجع وحمده معنا وهى ولد حصه : ياشينه الشين ليته ظل معنا دائم دامه ولد ساره : ههههههههههههه هند : خلاص يابنات قلبى تقطع اجل ولد ومعنا بالقاعه خوله : ولد ولد ساره : اجل ولد بنت خوله : معكم بنفس القاعه ساره : ايه خوله : اجل اول ماتفتح الكليه بحول من قسمى لقسمكم هههههههههههههههههه نوير : اثنبرى انتى وياه والله يبى لكم قسم بوليس جعلكم اطاعون ونزلنا من لعبه الشلال ورحت مع نوير وحصه المطعم نوير : يارب معقوله طلع ولد ولد يمه قسما بالله كش جسمى اجل ولد ومعنا بنفس القاعه سليله : ايه نوير: وصلنا المطعم وش تبون تشربون سليله : انا ابى عسكريم نوير : هههههههه سليله : وانتى حصه حصه: وانا زيكم وراحت نوير تجيب الطلب حصه : وين اقرب حمام هنا سليله : بعيد ماحولك حمام حصه: طيب بروح وارجع سليله : زين لاتبطين ووقفت انتظر نوير وطلعت من شنطتى رساله حمده وياترى انا جيبتها معى ليه ؟؟ وفجاءه لقيت ولد صغير ماسك طرف ثوبى ويصيح ماما ,,,, ماما ,,,, اعع اعع سليله : وش البلشه وين امك حبيبى الولد : هاى هى هى نوير : وش فيه هذا سليله : شكله ضايع نوير: وين امه سليله: وش دارنى اخاف قاعده تطق حنك وما درت عنه نوير : خلينا نوديه عند البزارين الضايعين ووصلنا الولد .. نوير : تصدقين سليله مو مصدقه سالفه الحمده شي عجيب سليله: بس واقع وجت حصه عندنا وشوى وجت تغريد وساره وخوله نوير : وين هند ؟؟؟ ساره: مدرى احسبها معكم حصه : لا ماشفتها سليله : دقى ع جوالها شوفى وينها خوله: دقيت مقفل نوير : مهبوله هذه مقفله جوالها سليله : امشو نمشى ويمكن نشوفها ولعبنا لعبه وثنتين وهند مختفيه... ومريت المشغل الى بالملاهى وشفت الولد الى كان ضايع سليله : نوير شوفى هذ الولد الى كان ضايع نوير : ايه هو سليله : شوفى امه قاعده تصبغ حواجبها نوير : ههههههههههه حصه: غريبه هند وين اختفت ومضت ساعه وساعه ثانيه وهند مختفيه ؟؟؟ سليله : بنات قربنا نمشى وهند مادرى وينها ماقالت شي عند احد فيكم حصه: لا تعالو ندورها سليله: وش لابسه هى مضيعه انا نوير : لابسه بنطلون وبلوزه حمراء سليله : ايه صح وقعدنا ندور على هند بدون أثر وكل وحده لابسه احمر نقول هذه هى ساره: بنات ابوى دق وجاء انا لاز م اطلع حصه : حتى انا بعد بطلع خوله: وهند ؟؟؟ سليله : معقوله تكون طلعت جاء ابوها اخذها ساره : يمكن ودق اخوى ولبست عباتى وطلعت ووقفت برى انتظره يقرب السياره ودق جوالى سليله : الو خالد: سليله زحمه مره تعالى انتى لو بدخل قعدنا للصبح سليله: طيب وينك خالد : تعالى يمين امشى على طول اشوفك انا سليله : طيب حطيت جوالى ومشيت على رصيف جانبى على طول خالد موقف هناك براس الشارع وفجاءه وقفت سيارتين دخلين عرض وحده منهم نطت من فوق الرصيف من زود الزحمه وشفت زول هند نازل من سياره نفس الشنطه نفس الجزمه معقوله ؟؟؟؟؟ ياربى شلون اتاكد طلعت جوالى بسرعه من شنطتى ودقيت عليها وعينى على البنت الى نزلت من السياره ولقيتها فعلا طلعت جولها وردت على هى هى هند ماغيرها منو هذا الى كانت معه؟؟ ودق جوالى كان رقم هند سليله: الو هند : هلاسليله دقيتى وفصلتى سليله : ايه لا لاا هند : وش فيك سليله سليله: لا انت وينك ضعتى منا بالملاهى هند : ايه اسفه ابوى فجاءه دق على وقال جاءنا ضيوف واظطريت اطلع بسرعه سليله : وانتى وينك الحين ؟؟ هند : بالبيت سليله : كم لك من وصلتى البيت هند: من فقدوتنى لى ساعتين وماقدرت اتصل عليكم انشغلنا بالضيوف ...... وسكرت من هند ووصلت عند اخوى وركبت السياره ودمعت عيونى من هند معقوله؟؟؟ ووصلت اللبيت كل انواع القهر فينى هند ما اصدق !!! ودق التلفون سليله : الو حمد : هلاسليله سليله : هلا من انت ؟؟؟ حمد : انا حمد ياسليله سليله : اى حمد ؟؟ حمد: حمده ,,, حمده ياسليله سليله : ................. حمد : الو الو ادرى انك تسمعين ياسليله بس والله ماحتاج اتكلم معك لانى جد ضايق وتعبان وماعرف احد غيرك يسمعنى ... انا ياسليله .... سليله : لو سمحت ,,, اسمعنى انت مانى مجبوره اسمع شي منك كنت معنا بالقاعه وتعاملت معك على اساس كونك زميله لنا مو المعنى انى كنت اسمعك قبل يعطيك الحق تتصل على وتتكلم معى حمد: انا و ...... سليله: انت وشو ؟؟؟ وين عقلك فيه تمر بازمه على عينى وراسي بس انا مو نقطه عبور عشان تاخذ وتعطى معى حمد: ايه ب..... سليله : اسمع يابن الاجواد الموقف ما ابيه يتكرر كونى سمعتك بالكليه كان واجب لان قاعه وحده ضمتنا وصدقنى كنت بسوى الى سويته معك او مع اى احد مكانك الجراءه الى انت فيها من ناحيتى لازم تضع لها الف حد وحد مو من حقك ترفع سماعه التلفون وتتكلم معى حمد : انا اسف اسف ياسليله وقفلت السماعه ..... واتصلت عل هند هند : هلاسليله سليله : لاهلا ولامرحبا هند: افا سليله: لاتنكرين ياهند شفتك وانتى نازله من السياره معه و ..... هند : سياره مين ؟؟ سليله : حسافه بس ياهند حسافه هند: سليله ارجوك قفلى الحين انا بجيك اعلمك سليله : متى تجين هند: بكره العصر ......... وجاء العصر جدتى : وش سالفه البنات خويتك كل يوم جايه وحده سليله : ضيوف ياجدتى وعلى الموعد تمام كانت هند عندنا اخذتها ورحت معها غرفتى سليله : ولاكلمه انا شفتك بعينى لاتحاولين تنكرين اصلا لو مافيه شي كان ماجيتى لحد هنا هند: لافيه سليله: وش فيه هند : احبه احبه ويحبنى ومواعدنى يتزوجنى سليله : لعنبو بليسك وش تقولين انتى ؟؟ هند : وش اقول اقول انى احب حرام سليله: لاتجبين طارى الحرام ربى يخسف فيك الارض وش تسمين طلعتك معه اجل حلال ويشوفك حلال وتكذبين على اهلك وتقولين انك بالملاهى وتطلعين معه حلال هند::: خلاص ياسليله سليله : خلاص عقب كل الى سويته خلاص هند : تبكى سليله : من وين عرفتيه؟؟ هند : تبكى سليله: هند تكلمى خلينا نتصرف هند: وش نتصرف ياسليله خلاص سليله : هند وش حدود علاقتك معه هند : .................. سليله: شوفى انا بخلى عاليها وطايها هند: شلون سليله: بعلم امك هند : لا لا ياسليله تكفين امى حامل با للشهر التاسع والله لو تدرى راحت فيها سليله : شلون عرفتيه هند : بتقولين للبنات عنى سليله: همك البنات بس قولى اسمعك هند : عرفته من النت سليله : ايه هند : شات جمعنا .... و.... سليله : قبل تكملين ياهند ابى اعرف شي واحد هند : عارفه عارفه وش تبين ياسليله وقامت هند تبكى .... سليله : دامك عارفه جاوبى ... هند : ايه ايه ياهند انا سلمته نفسي من سنه و... سليله : بس ,, بس ياكفى خلاص وش بتقولين لى عقب الكلام ... هند : لا ياسليله وعندى شي اكبر بعد سليله : وش اكبر من الى انتى فيه هند: فيه فيه ياسليله فيه وحطيت يدى على قلبى وش ممكن يكون اكبر من الى صار معها وش باقى غير الشرف وراح ياترى فيه مصيبه اكبر ... وحسيت الارض تدور فينى وهند تتكلم ......... وقالت ................ |
||||
|
|
|
|
09-26-2009, 08:22 AM
|
#17 | ||||
|
وحسيت الارض تدور فينى
وهند تتكلم ......... وقالت ................ وتكلمت هند عن حالها ممكن يكون حال اغلب البنات ابوها منفصل عن امها وهى صغيره كانت اسبوع عند امها وزوج امها واسبوع عند ابوها وزوجه ابوها هند : سليله تعرفت عليه من سنه بالنت شات جمعنا قال انتى الشمس والقمر كنت محتاجه احد يسمعنى ولقيته هو كنا شهور نتكلم بالشات بس وبعدين طلب يشوفنى وصار والحين هو يهددنى ينشر صورى !! سليله : يهددك ليه ؟؟ ماتقولين طلعتى معه واخذ منك كل شي هند : ايه بس يبينى اطلع مع ربعه سليله : يبى يتاجر فيك هند : ............. سليله : وجايه تسولفين عادى !! شوفى هند لحد هنا ويكفى ... انت ضايعه وانا مارح اسمح تضعين زياده هند: وش بتسوين ؟ سليله : مالك شغل وطلعت هند من عندى تبكى ... جدتى علامها خويتك تبكى ياسليله سليله: لا ياجدتى متضايقه شوى خالد : هذه هند الى عندنا سليله: ايه خالد: تكفين سليله اخطبيها لى خلونى اعرس سليله: هههههه ماتصلح لك ياخوى خالد: شلون سليله: ماتصلح وخلاص طلعت غرفتى وقلت حرام الشباب لما يجى يتزوج مايعرف شي عن البنت والله مصيبه وانقطعت اخبار حمده عنى شهور طويله وماحاولت اتصل اسئل عنها وانتهت الاجازه الصيفيه وبدت الدارسه بالكليه من الحماس رحت من أول يوم ... ومر الاسبوع الاول ومع بدايه الاسبوع الثانى حضر االكل ووقفت قدام الساحه وانا واقفه هند: سليله سليله : هلا هند شلونك هند : الحمدالله بخير تاملت حال هند متغيره كنها ركدت سليله زين جيتى تسلمين كنت اظنك زعلانه منى هند: صحيح بعد الى سويته معى زعلت كثير كنت اظن انك خربتى حياتى فوق ماهى خربانه بس الحمداالله انتى لحقتى على البقيه المتبقيه منى هند بعد ماحكت لى قصتها لقيت نفسي اتصل على اختها الكبيره معلمه بالتحفيظ العصر وقلت سبحانه خلق وفرق كنت مجازفه انى ا قولها اختك ضايعه بس قلت وش بيصير اكبر من الى صار وحكيت كل شي عند اخت هند وتصرفت صح وبلغت الهئيه عنه ومسكو الولد وهند اليوم انسانه محطمه مهمشه يمكن تكون ضحيه ظروف بس اكيد لها دور بالخطاء... مشيت بين الممرات ومريت من عند القاعه حقتنا العام ودخلت من بعيد لمحت كرسي حمده للحين مكانه صامت متغير ... نوير: سليله وش تسوين سليله : ابد واقفه على الاطلال نوير: هههههههه امحق من اطلال بس سليله : اقولك نوير ماشفتى فضه ؟؟ نوير : فضه من ؟؟ سليله : اخت حمده نوير : لا ماشفتها اخاف هى بعد قلبت ولد الايام الدنيا تخووف سليله : ههههههههه نوير: ليه تسالين سليله : ها فعلا ليه اسأل نوير: امشى نروح القاعه سليله : يالله ودخلت القاعه وكانت مضاوى توها متزوجه بالاجازه وتحكى للبنات عن زواجها مضاوى : يوه يابنات وربى الزواج جنه انصحكم تعرسون !! حصه : وين رحتى بشهر العسل ؟ مضاوى: ماليزيا نوير: ياحسره علينا ماليزيا مره وحده مضاوى: ايه خيال وجمال كلكم اّذا اعرستو رحو لها وطلعت مضاوى صور زواجها ومرت الصور على الجميع تغريد: وربى فستانك كشخه مضاوى : ايه تصميم مصمم نوير: ليه بدون طرحه خوله: موضه يالخبله مضاوى : والله لو عارفه ان العرس يهبل كان من زمان معرسه كلكم اعرسو لا احد يقعد بدون عرس نوير: لا انا للحين رافضه عشره وباقى خمسه ينطرون عند الباب بشوف البنات : ههههههههههه نوير: ودنا نعرس بس ماعاد فيه شباب انقرضو ياوخيتى تغريد : ايه والله صادقه الحين البنات اكثر من الشباب حصه : انا شكلى بكون الزوجه رقم ثلاثه سليله : وينه الحاج متولى ؟ نوير: والله الايام من قل الشباب بعضهم تحول البنت صارت ولد مثل حمده خوله: يالله يابنات تخيلو الحين وحده منا تتحول ولد مين تبون ؟؟ نوير: سليله انسب وحده مافيها من الانوثه شي خشنه وقشرا البنات : هههههههههههههههه مضاوى: لاسليله بتعرس جربى وربى الزواج جنه سليله : ماعندى مشكله اجرب بس ابى زوجك يامضاوى مضاوى: نعم نعم معصى لا حبيبتى كلش ولا حبيب قلبى مازولا ابعدو عن زوجى لمردغكم البنات : ههههههههههه مضاوى : بس عندى مشكله نوير: خيرر خوله: يمه يمه من عيونكم مسرع عطيتو البنت عين مضاوى: مشكلتى امه ؟؟؟ منكده على عيشتى كل شي فيه يجنن الا امه خوله: ايه والله الامهات الحين قشر نوير : ودك بواحد ماله ام خوله: لو بيدى مقطوع من شجره ماله احد ابدا مضاوى: بس فديت قلبه زوجى عشانه نتحمل نوير: تحبينه يامضاوى مضاوى : جعلنى اموت بترابه .............. تاملت حال البنات يتكلمون ومن بعيد هند ساكته والدمعه بعيونها شي مؤلم لما ترخصين نفسك وتبكين ندم ............. مرت ايام الدارسه طويله ممله وجيت يوم الصبح بدرى .. نوير: هلا سليله صباحو سليله : هلا تصدقين نوير فاقده حمده ؟؟؟ نوير : ايه كانت مسويه جو رغم انها على الصامت ........ مافكرت اروح اسئل فضه عنها عرفت ان الروحه مارح تكون بصالحى ودخلنا القاعه وكان دكتور شاشه وحطيت راسي ونمت على الطاوله وقام الدكتور يشرح ... وطلع كشف الاسماء وقام ينادى بالاسماءيسئل وجاء عند اسمى الدكتور محمود : سليله يابنت يا سليله هى مش موجوده ولا ايه ؟؟ نوير : سليله سليله قومى الدكتور ينادى عليك سليله : وش يبى ؟؟ الدكتور محمود: سليله فينك يابنتى سليله : اخذت الجهاز وتكلمت نعم دكتور انا موجوده الدكتور محمود: انتى نايمه ولا ايه باقى لى اسبوع بصوت عليك !! البنات : ههههههههههه وسئلنى الدكتور سؤال وماعرف وين الدنيا فيه وفتحت نوير الدفتر ونقلت الاجابه .................... تغريد: نويرانا بطلع مانى مكمله المحاضره ابيك توقعين عنى مثل العاده نوير: هذاك اول كل يوم اوقع لكم الحين كل توقيعه بريال حصه : هههههههههه وانتهى اليوم ..... ورجعت البيت ولقيت جدتى وابوى ينتظرونى .... جدتى : هلا بنيتى سليله سليله : هلا جدتى ابوى : سليله تعالى وانا ابوك ابيك بموضوع سليله: ان شاء الله وطلعت فوق اغير ملابسى ولقيت جاتى تنظف الصاله فوق جاتى: تبى كيك سليله سليله: كيك ؟؟ جاتى : ايوه اليوم الصبح فيه خرمه هنا يجى سليله : حرمه جاتى : ايوه سواء سواء مع ماما كبير قهوه سليله: حرمه وجايه الصبح وتتقهوى مع جدتى ؟؟ نزلت تحت بسرعه ولقيت ابوى جالس وجدتى معه... ابوى : سليله شوفى وانا ابوك اليوم جت وحده تقول انها تعرفك عن طريق بنات بالكليه ,, سليله: وحده ؟؟؟ من جدتى : انا عرفتها وانا امك سليله: من ياجدتى جدتى : ام خويتك ذيك الى جت عندنا اول الوقت ؟ سليله : اى وحده جدتى : ذيك الى تعشت معنا لما سوينا هريس سليله: ام حمده ؟؟؟ اقصد ام فضه جدتى : ايه هى ابوى: جت هنا اليوم الصبح وخطبتك من جدتك سليله: خطبتنى ,,, اقصد لخبطتنى ,,, اقصد اخطبتنى انا جدتى : ايه سليله: لمين؟؟؟ ابوى : تقول لولدها حمد ؟؟؟؟؟؟؟؟؟؟؟؟ سليله: حمده جدتى: لا حمد وش حمدته بعد واليوم بعد المغرب بيجون ياخذون راينا النهائى سليله: اى راى ياجدتى أنتم مو فاهمين شي ابوى: وش نفهم الحرمه جت كلمت جدتك واذا انتى موافقه بيجون الرجاجيل عقب واليوم تقول بيجون هى وبنتها اخت المعرس يشفون رايك سليله: اى راى واى خرابيط وطلعت غرفتى مصدومه ليه قاعد يصير معى كذا وليه حظى اغبر ؟؟؟ حمده وانا؟؟؟؟؟؟؟ ونمت فى مكانى ماصحيت الاقريب المغرب جدتى : قومى ياسليله الناس وصلو سليله: طيب وبدلت ملابسى بسرعه وش اقول الحين وش اسوى انا لازم اقول لبوىكل شي اصلا ابوى لو يدرى انه كان بنت وش بيصير؟؟؟ ووصلت فضه وامها عندنا ... واخذت فضه على جمب وخليت جدتى مع ام فضه سليله: وش الى قاعد يصير فضه: ماقالت لك جدتى سليله: وش تقول انا الحين مو معك بالكليه ليه ماقلتى لى اول بدل ماتعبين امك فضه: والله كنت بقول ياسليله بس امى قالت لا خلى كل شي رسمى نجى نكلم اهلها اول سليله : فضه انتى صاحيه فضه: سليله ابوى بعد الى صار لحمد تغيرت معاملته له كنه بيعوضه عن تعب سنين راحت وفكر يزوجوه بيسكت الناس الكل يتكلم عن تغيره من بنت لولد سليله: يسكت الناس على حسابى فضه: ليه تقولين كذا سليله: وش تبينى اقول فضه: ياسليله اخوى بصراحه خطبنا له وحده وثنتين بعضهم رفض وبعضهم هو حمد بنفسه رافضهم وتبين الجد اخوى يحبك .... سليله: يحبنى انا فضه: ايه تدرين وش قالى؟ سليله: وش قالت / اقصد وش قال؟ قال يافضه انا لو تزوجت بكون متعذب صعب انسى الى كنت فيه وانا بصراحه ما احب اغش بنت الناس اى وحده بخطبها لازم تكون عارفه انى كنت بنت بيوم ما ابغى ابدا حياتى بكذبه وتعرفين اغلب البنات والاهل اذا عرفو السالفه هجو من الموضوع وقال انتى الوحيده الى ممكن تتفهمين وضعه وتقديرين ظروفه سليله: وانا / انا مين يقدر وضعى ويفهم ظروفى ارجوك يافضه الموضوع هذا خلاص مرفوض فضه: فكرى ياسليله سليله: بدون تفكير صدقينى مارح اكون مرتاحه ولا اقدر اخلى اخوك مرتاح صعب صعب على يافضه اكون زوجه لبنت كانت بيوم زميله لى صعب صعب هذا زواج مو لعبه مو يوم او يومين هذا عمر صدقينى مقدره ثقه اخوك فينى بس لحد الزواج ولا مو تحقير من شانه بس نفسيا مو متقبله ارجوك تفهمينه الشي وتفهمين اهلك بعد انا اتمنى له كل خير بس مع غيرى مو معى؟؟ وطلعت فضه من عندى ساكته ومرت على امها ام فضه: ياهلا بسليله سليله: هلابك خالتى ام فضه: ان شاء تكونين من نصيبه وانا امك سليله: ما اظن ياخالتى ام فضه: وليه الحكى ؟؟ ولدى وش فيه من عذاريب؟؟ سليله: مافيه عذاريب بس ماله عندنا نصيب .... وطلعت غرفتى ابكى وطلعت فضه وامها ولقيت ابوىواقف على راسي وشرحت لبوى كل ظروف حمده والحمدالله رفض هو الموضوع من عنده مرت اليله طويله والصبح رحت الكليه نوير: هلا وش فيك سليله: ولاشي انخطبت البارح نوير سليله" تدرين من؟ نوير: من سليله: حمده نوير: ابو الهول ههههههههههه سليله : وش الى يضحك نوير: من جدك تتكلمين الحين له سنين ساكت واخرتها يتحول ويخطبك صراحه نقطه تحول سليله : رفضته طبعا نوير: وليه سليله : وشو ليه نوير: اقصد مو مبرر انه كان بنت بغلطه وتحول ولد لرفضه اذا كان اخلاق وش المانع سليله: المانع نفسي ........ |
||||
|
|
|
|
09-26-2009, 08:24 AM
|
#18 | ||||
|
وبدت المحاضره وقعدت افكر بكل شي صار معى ..... ونزلت الكافتريا اجيب لى مويه ولقيت فضه تحت سليله: هلا فضه فضه : ............. نوير: وش فيها ماترد هذى سليله: امشى نوير خليها لاترد .......... ......................... وطلعت فوق ولقيت فضه جايه وراى فضه :سليله سليله: خير فضه: انا اكيد مقهوره لانك رفضتى اخوى بس والله هو للحين عنده امل حتى طلب منى انه بيكلمك اذا ماعندك مانع سليله: سحبت يد فضه ورحت فيها على جنب انتى وش تهذرين وش يكلمنى وماعندى مانع الا عندى الف مانع ومانع مابينى وبينه كلام ورجعت القاعه واشوف بوجه نوير سؤال نوير: سليله و ..... سليله: خلاص نوير لاعاد تسالين ما عندى اجابه وسكتت نوير............ تغريد: الحقو الحقو يابنات نوير: خير تغريد: تعالو شوفو وش فيه تحت حصه: وش فيه؟؟ تغريد: فيه حرمه جالسه تحت باا لساحه معها دفتر كبير وتسجل معلومات سليله : اى معلومات ؟؟؟ نوير: ايه هذه حقت التعداد السكانى سليله: ههههههههههه تغريد : لا سالوها البنات من انتى تخيل وش قالت نوير: وش قالت تغريد: تقول خطابه وجايه تشوف شغلها هنا ومافيه احسن من الجامعات والكليات تشوف شغلها فيه واى بنت تعجبها تسجل معلومات عتها اسمها تلفون اهلها نوير: هههههههههه سليله: جد تتكلمين انتى تغريد: تعالو شوفو بانفسكم ونزلنا كلنا نشوف وزحمه البنات يمرون من عندها خوله : اقولك سليله شكلى مرتب سليله : ايه خوله: وشعرى سليله: ايه خوله : والروج حقى لونه حلو سليله: ههههههههه ايه خوله : طيب يالله سليله: وين رايحه خوله: بروح امر من عندها تعجب فينى وتسجل اسمى سليله : هههههههه الحين هذه خطابه جد نوير: ايه حتى يقولون اخذت اذن من الاداره ودخلت تعالى نقرب خلينا نضحك وقربنا من عند الخطابه حرمه كبيره ومعها دفتر وش كبره نوير: لاحول ولاقوه الابالله منو الى ترضى بس تتزوج بالطريقه العجيبه سليله: فيه طرق اعجب للزواج الحين نوير: تقصدين حمده سليله: ............. خوله: ياربى طبختنى الشمس وانا رايحه جايه من عندها ولا سجلت اسمى سليله: هههههههههه خوله : لا تتحدونى اروح عندها نوير : روحى خوله: لو سمحتى سجلىاسمى ميمى وعمرى 22 هو الصحيح 27 بس انتى سجلى 22 ولك الاجر والثواب البنات: ههههههههههههه وطلعت ثنتين من الاداره ومشو البنات على القاعات والله شي عجيب خطابه وبالكليه ؟؟ ................ ومر الفصل الدارسي الاول وقرب يخلص ..... وكنت جالسه بالقاعه ولقيت فضه جايه: فضه: هلا سليله سليله: هلافضه فضه: انا جايه اعزمك على زواج اخوى حمد سليله: الف مبروك اكيد بجى انا وجدتى وعطتنى فضه البطاقه ومعها عشرين بطاقه زياده اوزعها على القاعه معقوله حمده ... حمد بيتزوج وحضرت العرس مع نوير والشله وشفت حمد جالس من بعيد نوير: سليله تصدقين شكله متغير سليله: ايه مره متغير وتزوج حمد وكنت اسمع من بعيد ان اخباره هادئه ولاجديد تحت الشمس وبعد شهرين جانى أتصال سليله : الو فضه: هلاسليله ابشرك سليله: خير فضه: حمد زوجته حامل سليله: الف مبروك فضه: الله يبارك فيك وتدرين وش يقول سليله: وش يقول ؟؟ فضه: يقول اذا جاته بنت بيسميها سليله ................ وسكرت التلفون من فضه وهزيت راسي بيسميها سليله قعدت على اقرب كرسي عندى وطلعت ورقه وقلم وسجلت عنوان كبير بوسط الورقه : الحقونى صديقتى طلعت ولد !!!! وكتبت اول سطور من قصه اخفيت الكثير من حروفها فخرجت لكم كما هى ............ انتهت القصة تحيااتي لكم :sm232: |
||||
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ///اخبـــار الـــــزعيـــــــــمـ!!! | ضميـMـــان | الميدان المحلي والعالمي | 319 | 03-26-2011 12:41 PM |
| أخبار الصحافة للـيوم الـسـبت 26 / 2 / 1430هـ | الصخره-العيوني | الميدان المحلي والعالمي | 2 | 02-22-2009 01:12 AM |
| |؛¤ّ,¸¸,ّ¤؛|اشحن لي اعرض لــك|؛¤ّ,¸¸,ّ¤؛| | أمير بكلمتي | الـمــلـــتـــقــى الـــعـــام | 6 | 11-17-2008 08:50 PM |
| روايه عشاق من أحفاد الشيطان .. | عذايب | الـمــلـــتـــقــى الـــعـــام | 31 | 11-10-2008 07:59 PM |
| قصة ولد فضح بنت .. الله عاقبه بشي ماتصدقونه | امير الذوق | أحآسيس جميلة وهمسـآت دآفئه | 10 | 09-06-2008 09:48 PM |
.png)
العرض العادي
