يامسندي قلبي على الدوم يطريك‎

[هاوي العيون]

بسم الله الرحمن الرحيم
السلام عليكم ورحمة الله وبركاته

يااخوان نصيحة لله الزم رضا الوالدة قبل فوات الأوان
الام ماتت والقصيده سلمها الدكتور للولد وهو يستلم الجثة

هذ ه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة ....
يامسندي قلبي على الدوم يطريك = ماغبت عني وطيفك سمايــــــا

هذي ثلاث سنين والعين تبكيـــك = ماشفت زولك زايرآ يا ضنايــا

تذكر حياتي يوم أشيلك وأداريك = والاعبك دايم وتمشي ورايــــا

ترقد على صوتي حضني يدفيــــك = ماغيرك أحدآ ساكنن في حشايـا

وليا مرضت أسهر بقربك وداريـك = ماذوق طعم النوم صبح ومســاي

ياما عطيتك من حناني وبعطيــك = تكبر وتكبر بالامل يا مـنايـا

لكن خسارة بعتني اليوم وشفيـك = وأخلصت للزوجة وأنا لي شقايا

أنا أدري أنها قاسية ما تخليك = قالت عجوزك وما أبيها معايـا

خليتني وسط المصحة وأنا أرجيك = هذا جزا المعروف وهذا جزايـا


ياليتني خــدااامةً بين أياديك = من شان أشوفك كل يوم برضايـا

مشكور ياوليدي وتشكر مساعيــك = وأدعي لك دايمآ بالهدايــــا

حمدان يا حمدان أمك توصيــــك = أخاف ماتلحق تشوف الوصايـــا

أوصيت دكتور المصحة بيعطيـــك = رسالتي وحروفها من بكـــــاي

وأن مت لاتبخل علي بدعاويــــك = وأطلب لي الغفران وهذا رجايا

وأمطر تراب القبر بدموع عينيك = ما عاد ينفعك الندم والنعايا

[عـضـو جـديـد]

يالبى قلبك ياهاوي

لك الشكر من أعماق قلبي

الله يجعلنا من الباريين لوالدينا اللهم آمـــين

[نبض الأمل]

صح لسانك هاوي العيون..

وربي يحفظ لنا امهاتنا جميعا ولايحرمنا منهن

ويعطيك ربي الف عااافيه:)

[هاوي العيون]

اسعدني تواجدك
الله يعطيك العافيه
تحياتي العطره لك