من احياء العيون - 2 ( برادات مياه الشرب )

[aloyun]

الحمد لله العيون فيها برادات كثيره جدا جدا جدا
الاهالي يحطونها عشان تكون صدقه جاريه عنهم وعن ميتهم
وهي مهمه ونفعها كبير
لكن النفع يمكن ينقلب الى ضرر كبير
لان الاهالي يحطونها ويعتنون بتركيبها وتوصيل الكهرباء لها
ويتقاولون مع متعهد لتعبيته الخزان حقها
وبعدها ينسونها ولا يلتفتون لها ابد
ويمكن يكون شخص واحد في البيت اللي متكفل بها
لو يسافر او يموت ماحد عطاها اي اهتمام من الاهل
واهتمامه بس يكون في دفع قيمه الماي اللي يعبيه المتعهد
لاينظفها ولا يتابعها ويصلحها او يبدل الفلاتر اذا هو حاط فلاتر
التوصيلات الكهربائيه غلط
وضغها صار خطر على الماره لان الحديد تآكل ويمكن تطيح بفعل ثقل الخزان
الكاسات وسخه حدا المواصير الخاصه للتعبيه مكشوفه

ياما سمعنا عن حالات وفاه عشان الصعقات الكهربائيه ولاننسى الخزان اللي مااحد يلتفت له
لاتنظيف ولا متابعه ومكان بعض البرادات غلط عشانها جنب عداد كهرب او جنب مجمع نفايات

يا اهلنا بارك الله فيكم وتقبل منكم صدقاتكم عنكم وعن ميتكم
ان الله طيب لايقبل الا طيب
اهتموا بالبرادات اللي حطيتوها عشان تكون صدقه دائمه مش تكون ضرر دائم
لاتجي امراض للناس اللي يشربون منها فتكون عليكم مو لكم

تفضلوا راجعوا هذا لرابط موقع الدفاع المدني اللي فيه اشتراطات وضع البرادات
وبعده شوفوا الصور وقارنوا بين الاشتراطات والوضع اللي صاير على الواقع
http://www.998.gov.sa/Ar/Marquee/Pag...dangarous.aspx



_____________________________________