الكاميرا الخفية 14 ونص

[أبو طلال]

بسم الله الرحمن الرحيم

بقلم الأخ المنصوري


(اترك المقدمه لك )

طبعا بما ان الضيف معنا هو شاعر مشاعرنا وهو موصى عليه من
ابوطلال وعلى كلام ابو طلال انه صعب جدا احد يرفع ضغطه
انا قبلت التحدي فيه وحبيت ادخل في تخصصه وخلونا نشوف وش
وش سويت به
********************
السلام عليكم ورحمة الله وبركاته
بصفتك احد المسؤولين في الملتقى
ممكن استفسار ؟
وش وظيفة المراقب بالملتقى؟
وايضا وش وظيفتك انت بالملتقى كـ كبير المراقبين؟
وعلى أي اساس رشحت لهذا اللقب؟
انتظرردك يالغالي

*******************
طبعا اخذ حوالي ساعتين ولا جاني الرد منه
ورسلت له برساله ثانيه بس ركزوا على الكلمه الاخيره هههههه
طبعا تخلي الصخر يجاوب علي

*******************
يالغالي شكلي يا تعبتك بالاسئله يا اني احرجتك وتوهقت
معاني اشوفك بالملتقى بس تأخرت علي بالرد؟
اوشكلك ماترد على الاعضاء ؟

********************
اخيرااااااا سمعنا حسه

وواضح انه جاوب دوغري وطبعا مايقدر يلف رقبته عشان ماتخترب
الشخصيه ههههههههههههه خلونا نشووف وش جاوب علينا الكبير شاعر

علليكم السلام ورحمة الله وبركاته

المراقب من اسمه يراقب القسم الي هو فيه كامل

ويرجعون له المشرفين اذا اختلفو في حاجه

او احتاروا بحاجه ..

.....

انا ككبير المراقبين اتصرف في كل انحاء الملتقى

من تعديل وحذف

وكل المراقبين يرجعون لي

اخر سؤال

الاداره تجاوبلك



8888



ياسلاااااااااام تعجبني بصراحه الثقه بالنفس ويعجبني انه جاوبني على
كل الاسئله واعجبني اكثر رده الاخير .......... ياسلام ..


طيب قبل لا ندخل على المشهد الثاني شوفو وش كان رده على
رسالتي الثانيه يوم مارد علي الا متاخر
**********

ههههههه

لا الله يرضى عليك

كنت مشغول اشوي وتارك الملتقى

بسوش غايتك من الاسئله؟

غريب اول مره احد يسألني اسئله غريبه مثل كذا
************

ههههههههههههههههههههه كنت مشغول والا تتبحث من انا عشان
ماتعصب علي

لا بااقي بعد ماشفت شي نجي نشووف المشهد اللي بعده
كلاكيت 2 اكشن بس هنا طبعا رد على اسئلتي بشكل سؤال وجواب
نشوف وش سالته وايش رد علي

***********
او فما بغيت تجاوب شكلك مره مشغول واشغلتك

ايه مشغول

طيب يالغالي بثقل عليك زياده لاني اهدف الى حاجه وياليت تساعدني بس
ياليت بس تعلمني

وش تهدف له عشان
اقدراساعدك

انا الاحظك بالذات عاد مدري كان قبل انت غير او لا ؟
لا مو غير

نفسي انا هذا انا

بس اللي لاحظته اني ما اشوفك تكتب مواضيع بالملتقى؟

صحيح ما اكتب كثير

لاني ماحب المنقول

احب اكتب من راسي

وفيه بالعام اكثر من موضوع

تقدرتبحث عنهم ويشرفني ردك

ثانيا
وردودك احسها بارده وعلى ناس وناس..؟

يعني مثلا انا منزل اكثر من موضوع بالملتقى ماشفتك تشرفت وزرت
صفحتي وان زرتها ماشفتك رديت عليها.. هل مثلا اسلوبي مو عاجبك
او المواضيع كلها مو عاجبتك ؟؟ او هذي مش من وظايف كبير المراقبين ؟

خف علينا ياحلو

لاانا ماشفت لك
ولاموضوع

ولوشفت كان رديت

لان ظروفي هاليومين صعبه اشوي

بس انت عمرك رديت علي؟

عندي قصايد كثيره ماشفت لمستك فيهم
الظاهر انت مثلي ههه

ثالث حاجه
من اسأل من الاداره على سالفة ترشيحك ؟
اللي اخبره بالاداره هم ابوطلال والعيون الا اذا فيه ناس معهم؟
انتظرردك

صح هذول الاداره

بس ممكن تجاوبني على هالاسئله

هل مثلا انا مو كفو لهذا المقام؟

اوتشوف فيه احد يستحق المنصب ؟