روضه الجمعيه مب حاله معاكم

[سامي]

تصدقون انهم الى الحين يستقبلون مسجلين جدد في الروضه
والروضه تغص باللي فيها من طلاب
والباص الواحد يشيل اكثر من 50 طالب
اللي قاعد واللي واقف واللي ( متغلصص )
كم باص في الجمعيه
مايشتغل فيهم الا 2 يوصلون الطلاب
متنا واحنا ننتظر عيالنا
يطلعون من الساعه 11 مايوصلون البيت الا 12 ونص
ويوم تكلمت عن تشغيل الباصات اللي راصينها قدام الجمعيه
قالوا في اجتماع المجلس الجاي نعرض عليهم هالامر

اي شي لازم يجتمعون عشانه ويشوفون يوافق المجلس والا مايوافق

اجل شوله حاطين مدير للجمعيه اذا مايقدر يقرر شي مثل تشغيل باص يوصل طلاب الروضه اللي دافعين فلوس

فيه واحد من عيال عمي يوم قلت له انهم يبون يستنون قرار مجلس الجمعية مدري شسمهم
ضحك وقال ماتدري يعني
اصلا اذا الدباسه خلص منها الدبابيس مايقدرون يفتحون الدرج يركبون دبابيس الا بموافقه من هالمجلس

ترى احنا مانبي صدقه والا معونه احنا نبي شي من حقنا وحق فلوسنا اللي دفعناها

والا صاحوا علينا بعض الجيران وقالوا سجلوا عيالكم في روضه جمعيه المراح ولا تندمون بس ماطعناهم وسجلنا عندكم فلا تخلونا نندم

اجل ساعة كامله وعيالنا في الباص في هالظهريه ماصارت ياروضه جمعيه العيون

ماعندكم سواقين يمكن
ترى فيه كثار منهم يدورون شغل من عيال العيون
شغلوهم سواقين عندكم واكسبوا فيهم اجر