الادانه

[مفلح بن وسمي]

السلام عليكم

اخباركم اخواني انشاء الله انكم تنعمون بالصحة والعافيه

هذه من جديد اخوكم مفلح بعنوان ( الادانه ) واتمنى انها تكون الشي المأمول وتنال اعجابكم

قف ياقلـم ماللحقيقـه صياغـات=وامسك طريقٍ اللي تعرف اتزانه
لاصار عز النفس معروف بالشات=واشلون لعب الشات ثقل ورزانـه
الجادل اللي عاش فيض الخيانات=مع كل خلـق الله عملهـا ميانـه
من جاه ينعم الرحـب والتحيـات=وهذه واهو اللي ما يعرف الخيانه
يسقي سقم ضميان كـل الملـذات=ويضمي حنان ويرتمي في حنانـه
ياجعل كل اللي تربـع بالاهـات=يدور فيه الوقت ويلعـن زمانـه
ابيه يعرف قيمتـه بيـن الافـات=انه مجرد موقـف وخـذ كيانـه
وانه رجع لي بعد كل الاهانـات=مذلـول يتمنـى يلاقـي مكانـه
وانه بعد ماعاش كـل السياسـات=سياستـي للسـر حفـظ وامانـه
وابيه يعرف عرض كل المسافات=لاصارت اللعبـه مجـرد لعانـه
اني كفو لعب العشق والخيـالات=وابستهين اليـا بغـى الاستهانـه
مدام لي بالشعر ابايـات وابيـات=ابرفعه وارميه فـي كـل خانـه
ويعرف بانه ينشـري بالريـلات=واني دفعت ريال ذيـك المهانـه
وكاني تحريته مع ذيك الاوقـات=اليـوم بريالـي شريـت الادانـه

تحياتي وتقديري
اخوكم مفلح بن وسمي