((الملثم))

[سيف القصيد]

قصيده للشاعر/كبيسي بن ناصربن عثمان الكبيسي القحطاني رحمه الله محرره 26/ 11/ 1404هـ

((الكبيسي في الهوى))

((الكبيسي في الهوى)) متعذب(ن) يامسلمين(1) مشتقي منهو سواتي في الهوى ربي بلاه

كم ليل أسهر أفكر و الخلايق نايمين(2) و ما ينام الليل مثلي من تزايد به عناه

الله وأكبر يا بوعادل خنت عهدي و اليمين(3)دون ذنب(ن)نفعله صدقت لهروج العداه

أول(ن) بك موثق(ن) وأقول لك عقل(ن) رزين(4)أحسب أنك خير محبوب(ن) تمشيت بهواه

أسمر (ن) بك يتصل مايسركم أبليس اللعين(5)كم غيرك ورطه وخلاه يمشي في عماه

حالف(ن)بالله ما مشي ورى المقفين(6) ومن زعل بلا سبب والله مادور رضاه

غيرهم واجد حبايب ما حنا ما حنا مكلفين(7)وكل خاين مثلهم ملزوم(ن) يحصل جزاه

ما نبيكم ما نبيكم عنكم متنازلين(8)لو تبون الصك شرعي اكتبه عند القضاه

يا اسمر أبعد عن طريقي ما ابي سدك يبين(9)والا عندي ما يسود وجهكم مثل(,,,,,,,)

بعدكم مرتاح بالي وسط جنه عايشين(10)احلف برب(ن)تعلا فوق عرشه مع سماه

[عبدالرحمن الغريب]

سيف القصيد

لا هنت لا هنت على النقل

والله يرحمك يالكبيسي

=

[سيف القصيد]

ولا أنت يابو أشرف ويرحم الكبيسي ووالدينا والديك اللهم آمين

[شاعر مبتدئ]

سيف القصيد

لاهنت على جهدك في نقل قصائد المرحوم / كبيسي بن ناصر رحمه الله


ويعطيك العافيه ونتمنى منك المزيد

دمت بود

[سيف القصيد]

أخي العزيزشاعرمبتدئ حفظك الله لعينن ترجيك ورحم شاعرنا الكبيسي بن ناصر ووالدينا ووالديك ولا لك إلا مايرضيك حفظك الله ورعاك ومتع أيامك بوافرالبهجه والسعاده ياخي شاعر مبتدئ وما أقول لك ياما أطيب نباك ولك جزيل شكري وأمتناني