خلك هنا .. ! اقرب بعد ! ايوووه كذا ..

[عَذْبَھْہّ]

وقولي متى ؟
يرجع لنا ليل الشتا ؟!
تتذكرين انفاسنا / لاحضاننا
كانت ( دفى ) ! ..

قومي معي نجمع ( أمل )
و ن ب ع ث ره !
و باب العتاب نسكره !
تعْبت ملامحنا ( أفااا ) .. !
تعْبت دواخلنا ( ضجيج ) و اسئله !!
بوجيهنا صوت الزعل من غير صوت !
يفضح دواخلنا السكوت ..
قومي معي نتخيل الليله شتا
قومي البسيني معطفك ..
و انا البس انفاسك ( وفا ) !!

خلك هنا .. ! اقرب بعد ! ايوووه كذا ..
خلك هنا فيني ،،
لا لا تمليني !
محتاج احس اني بشر .. غير البشر
يمشي ولكنّه يطير !
لنّي معاك انسان .. غير !
مغرور بك .. شامخ و احس اني ( كثير ) !

حبيبتي .. ابسألك ،
مثلي أنا يستاهلك ؟!
لو غابت عيونه ثواني و اهملك ؟!
لو زلت انفاسه تبي غيرك ( ثغر ) !
و تمرّد احساسه ثواني ،
وشاف له غيرك ( عمر ) !
و جالك صغير ، و منكسر .. ثم انصهر بك
ما لقى غيرك [ صدر ] ..
ابسألك حبيبتي لما أحبك هالكثر ،
هو آنا لك ؟!


لا تزعلين ان قلت لك ،
من بعد غيبه : اشتقت لك !
لما اجي محتاج لك ؛
يعني قضيت الليل أدورني وانا فاقد

وطن !


اشيل في جيبي دقايق من رماد ..
و احمل على ظهري

( كفن ) !


محتاج اموت ان كان ما جابك قدر !
ولا طريق يجيبني لك ، أو أثر !

آآح

يا وجودك ما يمل من الغياب ..
و انا وجودي ينتظر و انا .. اااح تظر !
جالس معي .. انطر سما تهطل حضورك ،
و اشربك و ابلل انفاسي

مطر

و ازفر عطر !


و انطر متى يجيبك هنا فصل الشتا !
ترجع هنا ايووه هنا .. تتلحف احضاني
وحضني معطفك ..
يا حظي الغافي على احضاني صَبر !
قوم انتهض و اشعل لي شويّة أمل ..
للي رحل .. انه يرد و ينتفض
من غيبته .. !
ويتذكر ايام الـ متى ! يوم الفصول الاربعه
كلها وسط عيني شتا !
قولي متى ؟ يا .. انتي متى ؟!