(( سجل حضورك في بيت شعري ))

[كلمة حق]

امشي بدربي واوجـه كثيـر وجيـه
بعض الوجيه اتعداها تعـدي مطبـه


بعض البشر ماتـدري وش مداويـه
وبعض البشر محد(ن) جهـل طبـه


بعض البشر تفتخـر انـك مخاويـه
وبعض البشر اقول عن لسانك ذبـه


بعض البشر بالقول ماودك تجاريـه
وبعض البشر قوله هو اللـي لعبـه


بعض البشر مجبـور انـك تواسيـه
وبعض البشر متواسي من اول مصبه


بعض البشر لسانه يعطيـك صافيـه
وبعض البشر مزيون. والشين بلبـه


بعض البشر دربه حقوق ومشاريـه
وبعض البشر بالقول لازم انك تنبـه


بعض البشر الزعل يبطي ما يدانيـه
وبعض البشر يبي الزعل بأيات سبه


بعض البشر اخلاقـه اللـي تعليـه
وبعض البشر من اخلاقه مـا تحبـه


الزيـن والشيـن لازم انـك تلاقيـه
الـدرر اكيـد انهـا بكـل غـبـه


الزمن شفنـا وذقنـا مـره وحاليـه
نصبر ولاضـاع مـن طـاع ربـه

[نبض الأمل]

بين المحال وبين تحقيق الامال
مثل الذي بيني وبينك
بين الشقا والجرح والدمع والحال
عشره متينه وثقتها سنينك
عزفت في روحي من الوجد موال
روحٍ تلاعبها بانامل يدينك
أحيي خيالك في خيالي وتغتال
حلمٍ جمعنا خايف انه يدينك
دايم تعذبني ودايم على البال
الحب غلا فيك زينك وشينك
يزول عمري والامل فيك مازال
الشوق خلف لي بقايا حنينك
وكل المحال يخون في لحظه وصال
درب المحال امشيه .. من شان عينك

[كلمة حق]

همـتي تعـلا السحـايب والنجـوم

مـا تنـازل نظـرتي من دونـها



لي طمـوح ولي على وقتـي عـزوم

لـو تحـدّى قلـت لـه يـا هونـها



اشـري الفـرحه ولو غيـري يسـوم

امتـلكـها لـو نـووا يغـلـّونـها



دام قلبـي يمـلك إحسـاس الغيـوم

إن عطـى مـا قـال لا تنـسـونـها

[تــي بــاغ]

دكتور تكفى وقف الدرس لاهنت..}
{..وشلون ابفهم حط نفسك مكاني


لاصار خلي هو حبيبك وانا انت..}
{..وتشوف خلك رايح لشخص ثاني

[عَذْبَھْہّ]

إن كان قصدك بإتهامي ... شى يفسد ودي
مع ناس أرباب .. لسوابق أسمهم حسـادي

شىء راجع لذاتي...أمشيّها وإذا مـا ودي
ما راح أمشيهـا وراح اتعبـك بعنـادي

ومايعرف عنادي سوى من ذاق حرة صدي
قدله ثلاث سنين ملتهف علـى ميعـادي

وانا عليه من السماء أبعد وهـذا حـدي
بعدي عليه من المحيـط الأطلسـي للهادي
.~..

[عَذْبَھْہّ]

لاغشاك الليل واسرف بك الحزن العميق
جـنـب وجـيـه البـشـر واسـجـد لخـلاقـهـا


ادخــل بغيبـوبـة مــن الـهـدوء ولاتـفـيـق
وراود دمـوعـك عـلـى عينـهـا واحداقـهـا

[كلمة حق]

ياصاحبي إنت السند حزة الضيق
وإنت الذي يغني عن الناس ظله



الطيب يرفع من مقام المخاليق
وإنت بمقامك ترفع الطيب كله



وشفيك .. احس في كلامك ضيق
وشفيك ..احس في كلامك ضيق

[كلمة حق]

يالله يا والي علـى كـل والـي
يا عالماً بالحال وماكان تخفيـه


ابطلبك يـا رب ترفـق بحالـي
وقلبي من الاهات والحزن تشفيه

[عَذْبَھْہّ]

هون واذا في خاطـرك شـئ {قولـه}
ماارضى على روحك تضايق وانا حي

الكون كل الكـون عرضـة {وطولـه}
يضيق لامـن الغـلا كشـر شـوي

[كلمة حق]

تجنب كسرة الخاطر ولو حبل الزعل مشدود

تراك بكسرة الخاطر حكمت القلب بإعدامه