|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
08-27-2007, 10:36 AM
|
#1 | ||||
  
|
اجمل قصائد حامد زيد من الديوان الجديد
الجمهره
ايه بله أخطوا والخطا اللي جابــهم عـــين الصــــــواب=مبطي وأنا اشوف الطمع يكــــــشف رداهـــم واستره ما يملي عيون الحسود بهالـــــــــــزمن غير التراب=ومن لا يتوب مـــــــن الخـــــطا تحرم عليه المعذره الـــــــلي مـــــــــــن اولها خراب أكيد تاليها خراب=والبندق اللي ما تـثور في هدفــــــــها تـــــــــذعره ودك اليامن جاتك الغــــــلطه مـــــــــن الناس القراب=الصاحب اللي ما كسبت مــــحبته مـــــا تـــــخسره مشكلتي اني ما عرفت أحسب لــــــصدتهم حساب=قلبتهم صدري عــــــلى ذكـــــــري قصيد وحنجره صوت يصول فمـــــبره وخـــــطاب ما بعده خطاب=والطيبه اللي زعزعت صـــــــوت الخطيب ومنبره ما فيه دمع صوبوه احبابــــي بوجهـــــي وخـــاب=ولا زرق حزني عــــلى غــــالــي ولا فــــج انحره كل الزهاب اللي مـــعي ذكرى ـمن أصحاب الزهاب=و اللي بقالي مـــن عذاب أشرس طـريقي وأخطره لانـــــي تجنـــبت الغرق عديت من فوق السـحاب=لأن أكثر أصحابي ورق ما شفت للطيب اثمــــــره والله ما حطيت بين الحقد والـــــخوه حــــــــجاب=حتى غدوا ربعي يحدوني على الــــضيق أشــكره البارحه ثارت عـــــلي رقـــــــاب وآوتني رقــاب=البارحه يا ثــــــــقل دم البارحــــــه ويامــــحـــقره اهب يا وجه الحسد كيف وشلون جـمعهم وغــاب=كيف السنين اللي عطتني بعثرتـــــهم بعثـــــــره أثر المصايب ما تجيك إلا من الناس الـــــــقراب=وبهالزمن حتى الخوي اللي تثق فيه احـــــــــذره لا بارك الله في رفيق تــــــزعله كلمــــة عتــــاب=ولا جمع الله الرجال الـــلي تفرقــــــهم مــــــــره عودت نفسي كل ما شددت لليمــــــــه ركــــــــاب=ما اصد وجهي عن طريـــــق الالي جبـــــت خـــــــبره الصاحب اللي ما يجـــــــي من صحبته غير العذاب=نذر علي ان ماهجرنــــــي والا انا اللـــــي بهجره من يفتح لفرقاي باب افكـــله عـــــــشرين بـــــاب=واذا خويي ما يــــقدر خــــــوتي مــــــا اقـــــــدره ان روحوا فأنــــا بـــــري مـــــنهم لـــيوم الحساب=وان جرحوا قولو لهم ما حــــــــركوا فـــــــيي شعره شفهم لهم حول السنه ولا خـــــذوا مــــني جــواب=أحـــــسن دوا للـــــي يـــــحاول يســــتفزك تحقره أنا جمعت أوراقهم بـــــكتاب وأغلــــــقت الــكتاب=يا وقت لم اللي تـــــــلمه وانـــــــــثر اللــــي تنثره ما كنت أحاتيهم وانا صغير عاد احاتيهم شـــــباب=ان ما ذخــــــرني صاحـــبي للــيوم الاسود ماذخره عقب اكتئاب البارحه ما عادانا حـــــمل الاكــــتئاب=الـــــطيب جرجرنــــي وانا مانــــيب ناقص جرجره اللي يخاف من الضـــمى يتركلنا طــــرد الســــراب=واللي مهو بقد الــــظلام ووحشــــته لا يســـــهره أنا تــــجرعت الضــــمى لــين احترق وجهي وذاب=أنا كسرت بخاطـــري قــــبل الــــصداقه تكـــــسره أنا خسرت اللـــــي غيـــــابه غــــير عن كل الغياب=انا غــــفرت للــــــعالم ما تستــــــحق المـــــــغفره أنا أكــــــثر انــــسان تعلم من كثر ما أخطا وصاب=أنا آخر لـــــساني تــــكلم في زمــــــان الـــــثرثره أنا القصيد اللي نزع من دفتره ملــــــــيون نــــاب=وأنا الوحيد اللي جـــــمع ملـــــيون ناب بـــــدفتره جفني وجرحه الســـــهر حيــــــلي وهدتها الصعاب=دمعي هدر ضحكي ندر عمري وضـــــيعت أكــــثره شــــيبت بعقول العرب هيــــبت روس ما تــــــهاب=جمهرت ناس عمرهـــم ما يــــــعرفون الجمـــــهره ما صرت ذيب الا لأن الـــــلي حـــــــواليني ذيــاب=مـــــا كـــــنت أغيــــب الا لان الــعفو عند المقدره ترى حلاتك لا حملت لصاحـــــبك كـــــلمة عتــــاب=ان ما نطقـــــتبها بوجهه ما تـــــذمه بــــــــــظهره في هالزمن مايملي عيون الحـــــسود إلا الــــتراب=والحضـــيض الطلقـــــه الا ما تـــــصيبه تــــذعره ودك الـــــيا مــــــن جاتك الغلطه من الناس القراب=الصاحب اللي ما كـــــــسبت مـــــــحبته ما تخسره اهل الجنوب واعيني اللي كل ماذعـذع مـن الغربـي هبـوب ..........يحلا لهـا لـون الغـروب اللـي يـذوب قبالهـا ويا ويل حالي كل ما يحـلا لهـا لـون الغـروب ..........تطـري لـي الريـم اللعـوب وسالفـة ترحالهـا وياجرّ قلبـي كـل مـا تطـري الريـم اللعـوب ..........حرّمت أمد ايدي على حاجة وأنا مـا اقـوى لهـا من سافرت ريم الغلا صدّيت عـن كـل الـدروب ..........ماهـو قصـور بالعـذارى, بـس ذيـك لحالهـا من فارقتني ما خطف قلبي مـن الحـور محبـوب ............ولا لقيـت الجـادل اللـي تستحـق أحيـا لـهـا لان القلوب إن ما وفت لأحبابهـا ماهـي قلـوب ..........والعشرة اللـي ماتـرد الـروح مـا نسعـى لهـا أما الوفاء اللي يستر الرجّـال مـن كـل العيـوب ..........والا الجفاء اللي يستر عيوب العـرب ف رجالهـا مـا أقسـى مــن فــراق أهــل الجـنـوب ..........ويلي على اللي كـل مـا تزعـل تشـد رحالهـا اللي مذيّرها العتب.. لا شبّـت بصـدري شبـوب ...........عيّيـت أراضيهـا وهـي عيّـت تطـول بالـهـا كانت معي مثل النصيب يحدّني مـن كـل صـوب ...........كانت دروبـي مـن متاهـات الضلـل.. لظلالهـا كانت هروبي لا شعـرت إنـي بحاجـة للهـروب ...........كانت سماي اللي ليا ضاقـت علـيّ ألجـا.. لهـا ليه اتحداني وأنـا فـي كـل الأحـوال مغلـوب ؟ ...........ليـه حرمتنـي مـن قهـر عـذالـي وعذالـهـا ليـه اتجاهلنـي وأنـا مانـي جبـان ولا كـذوب ...........ليه ارخصـت دمعـي وأنـا مـا بكيـت إلا لهـا ما ترحم اللي له سنه كنّه علـى النـار محطـوب ...........مـا هزهـا دمـع الفقيـد اللـي بكتـه أطلالهـا ما خافت تهدْم السنين اللي بنتنـا طـوب طـوب ...........ما فكـرت تشفـق علـى حالـي وترحـم حالهـا قولوا لها لـو مـا تـذوب أنـا بخليهـا تـذوب ...........قولوا لها لو ما عنـت لـي مستعـد اعنـا لهـا اليا ادمحت لي هالخطا بدمـح لهـا كـل الذنـوب ...........وإن جابت الحسنة معـي تبشـر بعشـر أمثالهـا افرش لها صدري وطن واجمع من ضلوعي شعوب ..............وارقـى لهـا مكانـة محـد قـدر يرقـى لـهـا إن كانّي مخطي فأنـا مانـي خلـيّ مـن العيـوب ...........الذنـب يغفـر والبشـر تجـزا بقـدر أعمالهـا البعد قاسي والفـراق يضيّـق الصـدر الرحـوب ...........وأنــا تعـبـت أدور الحيـلـه وارد احتالـهـا قولوا لها ترجع ترى ماني على البعـد مغصـوب ...........وإلا تـرى نـذرٍ علـيّ أنـه مهـوب أشوالهـا أمـا تجنّـب هالهبـال وتتـرك البعـد وتـتـوب ..........والا بتبشـر بالهبـال اللـي مـا هـوب هبالهـا كافي زعل ترى الظروف مقفّلة مـن كـل صـوب ..........وأنا حملـت مـن الهمـوم أنواعهـا وأشكالهـا يكفيني أني كل ما هبـت علـى صـدري هبـوب ...........تحـنّ عينـي للجـنـوب وتلتـفـت بلحالـهـا والمشكلة أني كـل مـا حنّـت عيونـي للجنـوب ...........تطـري لـي الريـم اللعـوب وسالفـة ترحالهـا وعز الله إني كل ما تطـري لـي الريـم اللعـوب ............حرمت أمد ايدي علـى حاجـة مـا أقـوى لهـا |
||||
|
|
|
|
|
العرض العادي
