حملة شغلي بيدي ........ تصويت

[ريميه سعوديه]

بسم الله الرحمن الرحيم

الحمد لله رب العالمين والصلاة والسلام على خاتم الأنبياء والمرسلين....

أما بعد......

كلنا نعلم بأن هناك العديد من شبابنا العاطلين عن العمل والبعض منهم يحمل شهادات عليا والبعض الأخر خريج من أحد المعاهد او الكليات التقنيه....وجالسين في البيت لاشغل ولامشغله أو ينتظر وظيفة حكوميه على مكتب والمكيف يهف عليه ..... وسنين عمره تركض وحاله ماتغير ....

طيب ليه تنتظر الوظيفه؟ ليه ماتخلق لك وظيفه ؟

ترى الشغل مو عيب وخريجين المعاهد المهنيه و التقنيه وش اللي استفدتوه من دراستكم بالمعهد وين الصنعه اللي تعلمتوها؟ أهل ديرتكم محتاجينكم ومحتاجين إبداعاتكم أنتم أولى من البنغاليه وغيرهم .....

وأنتم ياأبااااااء وين دوركم تجاه أبنائكم وين التشجيع وزرع الثقه في النفس ولاشيء؟؟؟؟

الكثير من الأباااااااء الله يهديهم اذا الولد عنده رغبه بالشغل وعنده صنعه في يده ينصحه

بكلمة ( أقول أعقل لاتفشلنا )

تفشلنا تفشلنا تفشلنا تفشلنا تفشلنا



( أقول له أنت ياحضرة الأب أنت مو أحسن من خير الأنام ) سيدنا وحبيبنا محمد صلى الله عليه وسلم كان في صغره يرعى الغنم وبعدها انتقل للتجاره وكان يخيط نعله بيده الشريفه ...أين أنتم ياأبااااااااااااء؟


بصراحه الحديث يطول في هذا الموضوع وأنا أعلم بأن الردود في هذا الموضوع سوف تكون قليله او بالأحرى ستنعدم
ولربما تنسخ وتلصق كالعااااااااااااده،،،،،،،

زبدة الكلام أريد من الكل ان يشارك في هذه الحمله لدعم الشباب .....
نريد خبازين / طباخين / نجارين / كهربائيين / سباكين / حدادين / مبرمجين / مهندسين / مصممين/سواقين /بيَاعين /بنائيين /مدرسين [ ياكثرهم بس المخلصين نادرين]

نريد ونريد ونريد ونريد العديد من المبدعين والمبدعات ...
كل واحد أو وحده عندهم في بيتهم مبدع وراعي صنعه ويبي مهنه شريفه سجلوا اسمه ورقمه خلوا أهل ديرته ينتفعون منه وهو أولى بالمال من بني بنغال ...
سجلوا تكفون الأسم والرقم خلوا الكل يستفيد

ملاحظه/ الكثير من أهل ديرتي الغاليه يرفضون انهم يتعاملون مع ابن البلد بحجة انه عيب يدخل بيتهم بس الهنود مو مشكله ؟؟ مشكله كبيرررره اذا السعودي يوصل بناته للمدرسه بس الهندي او البنغالي مو مشكله؟؟
ياناااااس فتحوا عقولكم شوي وناظروا حواليكم الكل تطور الا أنتم

أرجوا تثبيت الموضوووووووووووووووع

ثبتوه الله يرحم والديكم ترى رفعتوا ضغطي