(( سجل حضورك في بيت شعري ))

[كلمة حق]

الزمن يمكن يغيّر شخص ماله أي قيمه
.......... بس مآ يقدر يغيّر واحد عنده " مـباديْ "


يمشي الواثق ويجنح للدروب المستقيمه
.......... ويقضي " المهزوز " عمره بين خلق الله غآديَ !

[كلمة حق]

مآ صدمني اليوم إلا طبـع هالنّــــآس
وأنفوسهم اللي نست حتى الشهـآمـه

مدري بلاهم صآروآ لنا مثل الأشرآس
وقلوبهم متروسه من الحقـد والملامه

كلن نهش عظم الثآني وعاب هالسـآس
حتى الدمع قام يعصاني لجل الكرآمه

وانا اللي شفت بدنياي اجنآس وأدنـآس
ومن جرحني بكلمه ردّيت لـه بإبتسآمـه

أحظن جروحي بيديني وأرجع أقوي هالباس
وأتعجب لكل شخصٍ أذاني وأقول علامــــه

وأرجع ابتسم مآهمني سمه يا هالناس
بكره بيحس بذنبٍ ارتكبه وبيندم نـ دامـه

[كلمة حق]

لو أكتب إحساسي بالأشعار وأبديه..
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها..
أرفع يديني وأسأل الله وأرجيه..
ينجيك من شر الحياة وكدرها..

[كلمة حق]

ياضايق الصدرِ بالله وسِّع الخاطر
دنياك يازين , ماتستاهل الضيقة !

الله على مايفرّج كربتك ..
................................ قادر ..
والله له الحكم في دبرة مخاليقه ..

[كلمة حق]

يحتـار فكـري والتعابيـر تحتـار
والقـاف ياقـف دونهـا مايوفيـه

لو جبت شاعر من مواكيـر شعـار
يضيع فكره يـوم عينـه تراعيـه

سبحان ربن كملـه ماتقـل صـار
حتى الجمال يغار القمر مايضاهيـه

شفت الحسن من حسنها ياعرب غار
ماكنهـا إلا منوخـذ مـن مواريـه

وشفت القهر بين العذارى تقل ثـار
ولاهي غريبه يـوم جيلـه يعاديـه

طبع الكبر في غيرها يعتبـر عـار
وفي طبعها ماغيـر كبـره يحليـه

معذورة (ن) في مشيها والتمخطـار
ولاحدن يلومه بالعتـب والمشاريـه

وليا مشـت حراسهـا دار مـادار
اللي جنوب الوكب واللـي شماليـه

[شَ ـآعُ ـٌر ٍ مُـً ِش‘ـًآعٌ َـْر ِ]

والعاده الي ماخذه في نفسي الطيب
احيان يانفسي تزيد المواجيب بالنوح
البارح الي مامسيته سوى بالتراحيب
لجروحي الي اهدمت فيني صروح
عادة الشاعر تريحه بعض المكاتيب
وانا لاكتبت القاف يخنقني البوح

بوحي ..

[شَ ـآعُ ـٌر ٍ مُـً ِش‘ـًآعٌ َـْر ِ]

حرفن عزف في خافقي كاهل الشيب
عيت مواطي عزتي تقبل مزوح
يالله ياللي عالمن مايخفي الغيب
يامنجي من الحوت النبي نوح
تستر على عبدك من شقة الجيب
وتهدي خطاوييه بالدين ويفوح

تكملة ماسبق ..

[كلمة حق]

البارحه بين المحانـي يشتعـل مثـل الحريـق
و احاول اخفي ما ورى حدب المحاني و استـره
وقتي يحاول يلوي ذراعـي و انـا حـرٍ طليـق
من المستحيل اخضع لصكات الزمن لو يكسـره
انا فريق و خصمي الايـام تلعـب فـي فريـق
في معترك ساحة حيـاة الادمـي حظـه كـره
و كاس النجاح يلوح لي و الدرب من دونه يضيق
و ان ما وصلته بالفعل فالعمر مـا فيـه ثمـره
اما كسبت الفوز باللعبـه و واصلـت الطريـق
و الا احفروا لي يا هلي قبـرٍ بوسـط المقبـره
ياعل رجلاً يختفي راسه عقب مـا هـو مويـق
عساه في يـوم القيامـه مـن فريـق الميسـره
وصديقي اللي ذاخرٍ ميقافه امحق مـن صديـق
يوم احتماء الموقف ركز ساقه و لا جبت خبـره
كنت احسب انه في لزومي يعتلي قمـة طويـق
اثره وصل فرع الشعيب و ساعة اقفيـت حـدره
لاشك انا ما ارجع ورى لو ما بقى بالحلق ريـق
واللي توكل و احتسـب للاجـر ربـه ينصـره
ما يُفتح الحصن المنيـع الا بضـرب المنجنيـق
و على الورق حفظ الوقايع و القلـم و المحبـره
و ياصاحبي ياللي تفكـر دلـة المعنـى بريـق
لا و الله الا دلـةٍ مـن راس اخـوك مبـهـره
اما تعـال و راكنـي و انبيـك بالعلـم الوثيـق
و الا تسريهـا مـع السكـه ورى نـاسٍ سـره
تعبت ادرّس جاهـل الامـه و عيـاء لا يفيـق
بلاي عُميـان البصيـره و العيـون المبصـره
و ياصاحبي و اكرر الكلمه ترى خبـرك عتيـق
مهما سطع نـور الاضـاءه ينكسـر بالمنظـره
واهل الحساء لاذعذع الشرقي تمشـوا بالشقيـق
بس البلاء لاذعذع الغربـي غـدا الجـو غبـره
ما قد حصل اني تحدّث في حديـثٍ مـا يليـق
بس المواقف تفرض ان تبقـى العلـوم مشفـره
قلته و انا بين المحاني يشتعـل مثـل الحريـق
و احاول اخفي ما ورى حدب المحاني و استـره

[كلمة حق]

غلاك مثل الذهب بالهون و الشدّة
مايختلف بإختلاف العالم الحالي

غيرك ليا غاب ما أحسبه و لا أعّده
ولا إنت غير البشر .. دايم على بالي

يعني يطول الزمن أو تقصر المدة
أنت أنت .. عندي كذا ولا كذا .. غالي ..

[كلمة حق]

في غيبتك غابت عيوني عن النوم
وين أنت يالي مبتعد عن نظرها

عز الله إني صرت تايه ومجنون
ماعاد أميز يومها من شهرها

إن جيت أسلي خاطري وأنت صرت
صرت النظر والعين تتبع نظرها